Mataayo 5:44 - Eriiraghano Eriihë

⁴⁴ Amare eni ˆnekabhabhoorera kubha, mobhasiighe abhabhisa bhaanyu. Wiiki, mobhasabhere kwo Ryobha bhoose bhano bhakobhanyaaki.

Mataayo 5:44 ပူးပေါင်းရင်းမြစ်များ

Ruuka 23:34

Yesu akabhugha, “Oo Taata! Obhaabhërë, gho kubha bhateeche kino bhaghuköra.” Bhakamara, abhaashirikare bhayo bhakahööha amaghööti gha Yesu gho ghoghatëmëra akuura.

Yohana 13:34

Ibheere nekobhaha omoghiro omuhë, ‘Mosiighane. Kinya bhuno eni nebhasiighiri inyu, hangʼu hangʼu na niinyu mosiighane.’

Amaköri gha Bhatomu 16:28

Amare Bhawuro aghatiiri eriiraka reeche akamobhoorera akabhugha, “Otiyita! Itu bhoose niho toonyi!”

Amaköri gha Bhatomu 7:60

Akamara akabhuna ebheru, aghakuura kwo riiraka ikoro, “Omutëmi, otabharööna kwo masari ghaabho ghano.” Hano amariri kobhugha ghayo, aghaku.

Abharuumi 12:14

Mobhasabhere abhaato bhano bhakobhanyaaki, kubha Eryobha rebhiitabheri. Motabha morabhasabhera kubha bhiihiimu.

1 Abhatesaronike 5:15

Mumööhi, omooto wowoose atamoreha omughëndi waache amabhe kwo mabhe. Amare eriibhagha ryose mubhe morakörërana amachömu inyu bheene na kobhakörëra abhande bhoose.

1 Bheetero 2:23

Hano atokuru, tagharokiiri angʼana yoyoose. Hano anyaakiru, taasakiri korehani asiire, amare ꞉naaretighiire Eryobha ghoose, rino reghotena ekiina kwo bhuhëënë.

1 Bheetero 3:9

Motareha amabhe kwo mabhe, hamu amatoki kwo matoki, amare mobhiitabheri abhande. Mobherekiiru ghuköra hangʼu, kubha inyu bhoose mubhönë orubhango.