Mataayo 5:41 - Eriiraghano Eriihë

⁴¹ Wiiki, aribha omooto arakuhaamereri ghughëgha omorigho waache orughëndö ro kiromeeta imu, owohiki chakiromeeta ibhere.

Mataayo 5:41 ပူးပေါင်းရင်းမြစ်များ

Mataayo 27:32

Eriibhagha abhaashirikare haghirohamu na Yesu ꞉bhaare bhararu mo‑moghya o Yerusareemu, bhakamubhöna omooto umu mo‑nchëra eriina reeche Simiyooni. Omooto uyo naare o mo‑moghya o Kireene. Abhaashirikare bhayo bhakamuhaamereri ghughëgha omusarabha o Yesu.

Mataayo 5:40

Wiiki, aribha omooto aghoghusëma gho ghiri e kwimoki angibho yaacho, omotighere imoki ne erighööti.

Mataayo 5:42

Omooto wowoose araghusabha egheghiro, omuhë. Wiiki omooto araghusabha asiire omuhë, otamwima.

Maariko 15:21

Hano ꞉bhaare mo‑nchëra, bhaghatëmëërana no omooto umu uno are araru a‑moghondo, eriina reeche Simiyooni, o mo‑moghya o Kireene. Omooto uyo naare ishe Arekisanta na Ruubho. Abhaashirikare bhakamuhaamereri aghëghë omusarabha o Yesu.

Ruuka 23:26

Hano abhaashirikare ꞉bhaare bharamohira Yesu komumamba, bhaghatëmëërana no omooto umu uno are araru a‑moghondo, eriina reeche Simiyooni, o mo‑moghya o Kireene. Simiyooni uyo, bhakamughööta, bhakamughëghi omusarabha o Yesu. Aghaye awughëghiri, anyi anyuma e Yesu.

2 Abhakorinto 5:14

Obhosiighi bho Kirisito mboghotukangata itu, gho kubha ntweche kubha omooto umu ꞉naakuure gho ghiri e bhaato bhoose, ne ekebhune keeche n‑kubha, abhaato bhoose mbaghusanga oroko rooche.