Mataayo 5:22 - Eriiraghano Eriihë

²² Amare eni nekobhabhoorera, wowoose uno akomukararera mughëndi waache naghoteneru ekiina. Wiiki uno akomotoka mughëndi waache kubha mughëëghë, nakwëndëru ahiru mwibharacha. Uno akobherekera mughëndi waache kubha m‑muraghaanu nakurëngʼaanera ghusöha mwiribha re mororo.

Mataayo 5:22 ပူးပေါင်းရင်းမြစ်များ

Mataayo 10:17

Mubhe miisho na abhaato, gho kubha mbakobhahira mo‑mabharacha, wiiki mbakobhatëma mo‑masinaghooghi ghaabho.

Mataayo 10:28

Motabhatiina bhano bhaghwita omobhere, amare bhataaghotora ghwita akörö. Mokwëndëru moretiine Eryobha eryene chiri rino reghotora ghosireekereri omobhere haghirohamu na akörö mo‑riiribha re mororo.

Mataayo 12:24

Amare hano Amabharisaayo bhooghwire ghayo, bhakabhugha, “Omooto uno nakuhëëbha emisambu kwo bhotoro bho Bherisebhuuri, omokoro o misambu ghyose.”

Mataayo 17:5

Hano Bheetero are akeere arasiikëra, mööhi, rekaacha erishaaro rerarëngaari na kobhakundekeri. Bhakamara bhakooghu eriiraka koru Mwishaaro riyo rerabhugha, “Uno n‑Omoona waane omosiighani, neghuchömëru nawe, momutëghëërërë!”

Mataayo 18:21

Niho Bheetero aghaye o‑Yesu, akamobhoori akabhugha, “Oo Omutëmi, aribha omokumi mughëndi waane anköriire eriisari, nekwëndëru nemwabhërë karenge? Nemwabhërë mara mohungate?”

Mataayo 18:35

Akamara, Yesu aghasiikëra akabhugha, “Taata waane uno anyi Mwishaaro nakobhakörëra na niinyu kinya bhuure bhuure, erabha mokwanga kwabhëra omokumi mughëndi waanyu kwo metema gheenyu ghyose.”

Mataayo 23:15

“Horeera mokorighi inyu abheeghi bha meghiro na niinyu Amabharisaayo, inyu chaghughuuti, gho kubha mokwinaara chwee mo‑se ayoomu na ghutëënya anyancha kubha momukörë omooto o matöngö kubha Omuyahuuti. Amare moramara komugharura omooto uyo, mokomuköra kubha o mwiribha re mororo mara kabhere ghokera inyu.

Mataayo 23:33

Inyu bhano moonyi kinya anchöka, na niinyu bhano moonyi kinya abhaana bha machöka! Nibhu moghotora ghwisacha anchagho e Ryobha e mwiribha re mororo?

Mataayo 25:41

“Niho nekobhabhoorera bhaare bhaanyi okubhökö koone gho kumosi nebhughe, ‘Mondwere hano inyu bhano Eryobha riihiimiri! Moghi mo‑mororo o miishe ghyose uno Eryobha riisëëmiri gho ghiri e Rishambu na bhamarayika bhaache.

Mataayo 26:59

Abhakoro bha bhachaama bhayo na abhakangati abhande bha riibharacha eriikoro re Bhayahuuti mbaare bharatabhara obhwibhateri bho bhuröngö kubha bhabhönë anchëra e komwita Yesu.

Mataayo 3:17

Eriiraka rekarwera Mwishaaro rerabhugha, “Uno n‑Omoona waane omosiighani, neghuchömëru nawe.”

Mataayo 5:34

Amare eni ˆnekabhabhoorera kubha, motasaki kuraheri kwo riina re Mwishaaro, gho kubha nikyo eghetumbe ghe ghitëmi ke Ryobha.

Mataayo 5:44

Amare eni ˆnekabhabhoorera kubha, mobhasiighe abhabhisa bhaanyu. Wiiki, mobhasabhere kwo Ryobha bhoose bhano bhakobhanyaaki.

Maariko 14:55

Abhakoro bha bhachaama ne eriibharacha ryose eriikoro bhaghasëëma ghutabhara obhwibhateri bho komusëma Yesu, kubha bhamotenere ekiina ghe komwita. Amare, bhataabhwine obhwibhateri bhobhoose.

Maariko 15:1

Hano bhookiire hangʼu, abhakoro bha bhachaama bhaghiikara ekiina haghirohamu na abhagharuka bha Abhayahuuti, na abheeghi bha meghiro ghe Ryobha na abhaato abhande bha riibharacha eriikoro re Bhayahuuti. Bhaghiishererani haghirohamu kinya bhuno bhakomwita Yesu. Niho bhakamubhöha Yesu, bhakamohira o Bhiraato.

Ruuka 12:5

Amare, nekobhëërëki uno moghotora ghotiina. Motiine Eryobha, gho kubha reramara ghwita omooto, ndeenyi no obhotoro bho komurëkëra mwiribha re mororo. Mbe, uyo niwe momotiine.

Ruuka 22:66

Hano bhookiire, abhagharuka bha Bhayahuuti bhaghaköra ekiina, mo‑bhagharuka bhayo mbaare‑mu abhakoro bha bhachaama, na abheeghi bha meghiro. Yesu akahiru ambërë e riibharacha riyo,

Yohana 11:47

Mbe, abhakoro bha bhachaama na Amabharisaayo bhakabherekera ekiina ke riibharacha eriikoro bhakabhoorani bharabhugha, “Tukörë bhu? Omooto uno naghuköra ebhyërëkërëri bhyaru.

Yohana 15:25

Amare ghano ngarweriire kubha ghahikeerane amangʼana ghano ghaandëkuru mo‑Mandëkö Amatööbhiyu kubha, ‘꞉Mbaandëghiri bhoowa.’

Yohana 7:20

Erikinda re bhaato rekamugharokeri rekabhugha, “Noonyi no omusambu iye! Kana, n‑niwe uno akwënda ghoghwita?”

Yohana 8:48

Abhayahuuti bhakamobhoori Yesu bhakabhugha, “Kana, totaakobhugha obhuhëënë hano tokobhugha kubha iye n‑Omusamaariya, wiiki noonyi no omusambu?”

Amaköri gha Bhatomu 17:18

Niho abhaato abhamu bha sooko bha tiini e Kiyebhikuriyo, haghirohamu na bha tiini e Kisitoyiko bhaghasëëma kuhakaana na Bhawuro. Abhamu ghate yaabho bhakabhugha, “M‑mangʼana ke ghano omwikombikombi uno akwënda ghosiikëra?” Abhande bhakabhugha, “Nekwërëki kubha naghosiikërëra emisambu ghe se ayende.” Kino ꞉ghiighëriri bhakabhugha hangʼu, n‑gho kubha Bhawuro naare araraghani ighoro e Yesu, na koryokibhu kwo bhaku.

Amaköri gha Bhatomu 22:30

Omokoro o bhaashirikare ꞉nëëndiri amënyë obhuhëënë kino ghighëriri Bhawuro asëmu na Abhayahuuti bhayo. Mbe, hano bhookiire akamusaasura Bhawuro, akahatëka kubha abhakoro bha bhachaama bhiikomane haghirohamu ne eriibharacha eriikoro re Bhayahuuti. Akamara akamurëëta Bhawuro, akamwimeereri ambërë yaabho.

Amaköri gha Bhatomu 23:1

Niho Bhawuro akabhoomeri amiisho abhakoro bha riibharacha riyo akabhabhoorera akabhugha, “Oo bhahiiri bhaane, mbagha reero ino neghwiköngʼi chwee kubha no omotema omuchömu, etabha‑ho angʼana ino eghunkörëra chaasoni ambërë e Ryobha.”

Amaköri gha Bhatomu 24:20

“Hande abhaato bhano bhaanyi hano bhabhughe, ꞉mbaarooche obhobhe ke ghokoone hano niimeeriire mo‑riibharacha reebhoeriikoro.

Amaköri gha Bhatomu 4:15

Mbe, bhakabhahatëka Bheetero na Yohana bhahoroke anche e riibharacha riyo. Ibho bhaghasaagha bharoochoochani amangʼana ghayo

Amaköri gha Bhatomu 5:21

Abhatomu bhayo bhaghiishereri, bhaaghaye Mwisëngërö atabhoori moomake, bhaghasëëma kweghi abhaato. Eriibhagha riyo riyo Omuchaama Omokoro, haghirohamu na abhaghëndi bhaache, bhaghaköra ekiina ghekoro, bhakabhabherekera abhakoro bhoose bha riibharacha eriikoro re Bhayahuuti bhatëmëërane. Bhakabhatoma abhachongi bha mo‑riighërëcha riyo, kubha bhabharëëtë abhatomu bhayo.

Amaköri gha Bhatomu 5:27

Ibheere bhakabharëëta mo‑riibharacha eriikoro, bhakabhiimeereri ambërë yaabho. Omuchaama Omokoro akabhabhoori akabhugha,

Amaköri gha Bhatomu 6:12

Hano bhasiikiire amangʼana ghayo, ghakabhaseeghereri chwee abhaato, haghirohamu na abhagharuka bha Bhayahuuti na abheeghi bha meghiro. Abhaato bhayo bhoose bhakamughööta Siteebhano, bhakamohira mo‑riibharacha eriikoro re Bhayahuuti.

Amaköri gha Bhatomu 6:15

Abhaato bhoose bhano ꞉bhaare mo‑riibharacha riyo, bhakamoomeri amiisho Siteebhano, bhakarighi obhosho bhooche bhorarëngaari kinya bho marayika.

Amaköri gha Bhatomu 7:37

“Musa uyo niwe are abhabhooriire Abhiisiraeri bhayo, ‘Ghate yaanyu, Eryobha nakobhaahurera omurööti kinya eni.’

Abharuumi 12:10

Mosiighane inyu abheene kwi inyu bheene kinya abhahiiri. Omooto woose iköngʼi komosooka omughëndi waache.

1 Abhakorinto 6:10

na abhiibhi, na abhasööhu, na abharëëbhi, na abhakobhooshani, na amanyangara, bhayo bhoose bhataakobhughabha obhutëmi bho Ryobha.

1 Abhakorinto 6:6

Amare inyu, moonyi na atëëmö e ghusëmana inyu bheene kwo bheene mo‑mabharacha, koru mo‑bhateni bha kiina bhano bhataanyi abhakumi!

1 Abhatesaronike 4:6

Gho ghayo, omooto wowoose atamutaaseri mughëndi waache, koru komongʼiina. Kinya bhuure ꞉toobhashaangʼiri na kobhabhoorera kubha, bhano bhoose bhaghuköra ghayo, Omutëmi nakobharööna.

Tiito 3:2

Obhabhoorere bhatatoka omooto wowoose, na bhatabha bharareghesa, bhabhe bhahörëëru, na bhabhe bhanyööhu kwo mooto woose.

Abheebhuraaniya 12:25

Mbe, mukabhaahe motaacha kwanga komutëghëërëra uno aghosiikëra na niinyu. Aribha Abhiisiraeri bhataatooriibhu hano bhaangiri komutëghëërëra wuure are arabhatöngëra hano mo‑se, itu ntoghotora bhu ghotooribhu aribha toraanga komutëghëërëra uno aghotutöngëra koru Mwishaaro?

Abheebhuraaniya 5:9

Kurëngʼaana na ghayo, Eryobha rekamohikeerani na kurëngʼaanera kubha simoka e bhotoori bho miishe ghyose gho ghiri e bhaato bhoose bhano bhakomosooka.

Yakobho 2:20

Iye m‑mughëëghë onyi! Kana okeere örëndëru kwërëkibhu kubha, obhokumi bhuno bhotaanyi na amaköri amachömu, bhotaanyi no obhwëra?

Yakobho 3:6

Ororeme roose n‑kinya omororo, iro ndwichwire obhobhe bhoose, na ndoonyi mo‑bhyemo bhiito bhe mobhere. Ndoghusanchi amabhe mo‑mobhere, ndoghosireekereri eriimanya riito kinya omororo uno okorwera mo‑riiribha re mororo.

1 Bheetero 2:23

Hano atokuru, tagharokiiri angʼana yoyoose. Hano anyaakiru, taasakiri korehani asiire, amare ꞉naaretighiire Eryobha ghoose, rino reghotena ekiina kwo bhuhëënë.

1 Bheetero 3:9

Motareha amabhe kwo mabhe, hamu amatoki kwo matoki, amare mobhiitabheri abhande. Mobherekiiru ghuköra hangʼu, kubha inyu bhoose mubhönë orubhango.

1 Yohana 2:9

Omooto wowoose uno akobhugha kubha namanyiri mo‑bhwero, ino amurëghiri omokumi mughëndi waache, akeere amanyiri mo‑kengʼuuri.

1 Yohana 3:10

Amare omooto uno ataaghuköra gha hëënë, hamu uno atamosiighiri mughëndi waache, uyo taanyi omoona o Ryobha. Hangʼu niho tokumënya obhwahukani bho bhaana bha Ryobha, na abhaana bha Rishambu.

1 Yohana 5:16

Ngaanyi‑ho amasari ghano ghataakomutaani omooto ne Eryobha emiishe ghyose. Omooto wowoose aramorighi mughëndi waache araköra amasari ghanga ghayo, amusabhere kwo Ryobha. Eryobha ryose ndekomuha obhuhöru. Neekubha hangʼu kwo bhaare bhaghuköra amasari ghayo. Amare ngaanyi‑ho amasari ghano ghaghutaani omooto ne Eryobha emiishe ghyose. Eni nteekobhugha amusabhere kwo Ryobha gho ghiri e masari ghayo.

Yuuta 1:9

Koru Mikayeri, marayika omokoro, eriibhagha rino ꞉bhaagharokeriini na ghoshangʼaana ne Erishambu ighoro e mobhere o Musa, Mikayeri taasakiri ghotenera ekiina Erishambu gho koritëma amasörö. Amare akarebhoorera kubha, “Omutëmi Waryobha omwene akohiinye!”

Obhohunyurëru 20:14

Hano ghayo ghasiriri, oroko na nyaari bhekarëkëru mo‑nyancha e mororo. Anyancha iyo e mororo niyo oroko ro kabhere.