Mataayo 5:19 - Eriiraghano Eriihë

¹⁹ Wowoose uno aghusari koru omoghiro umu mosuuhu ghokera ghyose na kobheeghi abhande bhakörë hangʼu, uyo naakubha mosuuhu kimu mo‑bhutëmi bho Mwishaaro. Amare wowoose uno aghoghitambana na kobheeghi abhande kubha nabho bhakörë hangʼu, uyo naakubha omokoro mo‑bhutëmi bho Mwishaaro.

Mataayo 5:19 ပူးပေါင်းရင်းမြစ်များ

Mataayo 11:11

“Mahëënë ˆnekabhabhoorera kubha mo‑bhaato bhoose bhano bhiibhwiru na abhakari, taanyi‑ho uno anyi mokoro ghokera Yohana. Amare, omooto uno akorighibhu m‑mosuuhu mo‑bhutëmi bho Mwishaaro, iwe m‑mokoro komokera.

Mataayo 19:28

Yesu akabhagharokeri akabhugha, “Mahëënë ˆnekabhabhoorera, eriibhagha eni uno neenyi Omoona o Mooto neekubha niikeere eghitëmi mo‑ghetumbe keene ke bhokumi obhokoro mo‑se ahë, mbe, na niinyu bhano muntambiine, moghwikara mo‑bhetumbe ikomi na bhibhere ino moratenera ekiina amatöngö ikomi na abhere gha Bhiisiraeri.

Mataayo 20:26

Amare etaacha kubha hangʼu ghokoonyu. Omooto wowoose uno akwënda kubha omokoro ghate yaanyu, nakwëndëru abhe omutamishi waanyu.

Mataayo 28:20

Wiiki mobheeghi ghoghaghööta ghoose ghano nebherekeriiri inyu. Mööhi! Neekubha haghirohamu na niinyu eriibhagha ryose mbagha mo‑ntenero e se.”

Ruuka 1:15

gho kubha omoona uyo naakubha omokoro ambërë e Mutëmi. Omoona uyo ataacha kunyo amaro ghoghoose ghaare. Korwera mo‑nda e nyina, naakubha ichoriibhu Akörö Ahörëëru.

Ruuka 11:42

“Horeera mokorighi, inyu Amabharisaayo. Mokoruusi eribhaara ri ikomi re bheghiro bhyose, koru chaanyi, ne ebherongero, ne ebhetunguru, ne ebhende, amare motaaghotereera obhuhëënë no obhosiighi bho Waryobha. Amangʼana ghayo ꞉ngëëndiiru mubhe moraghatereera, wiiki moteebhu obhosiighi no obhuhëënë bho Ryobha.

Ruuka 9:48

akabhabhoorera akabhugha, “Omooto wowoose uno akomughënëhi omooto o haase kinya omoona uno kwo riina reene, naakubha angënëhiri eni woose. Wiiki omooto uno aghungënëhi, namughënëhiri uno antomiri. Ibheere, omooto uno anyi omosuuhu ghate yaanyu bhoose, uyo niwe omokoro ghokera bhoose.”

Amaköri gha Bhatomu 1:1

Omosiighani Tewobhiro, mo‑ghitabhu keene e kimbërë, ꞉neekwandëkiire ighoro e mangʼana ghoose ghano Yesu ꞉aköriri na kweghi, korwera hano asëëmiri emeremo gheeche,

Abharuumi 3:8

Iyo n‑kinya kobhugha kubha, “Tubhe toraköra amasari, kubha Eryobha rirëëtë amachömu.” Abhaato abhande mbaghotobhiihera kubha hangʼu tokweghi. Amare eni neghosiikëra kubha, abhaato bhayo bhoose mbakuröönu kurëngʼaana na amabhe ghaabho.

Abharuumi 6:1

Ibheere tobhughe bhu? Kana, twëngërë ghuköra amasari, kubha Eryobha ryëndërërë ghotuha aghareeya yaache kwo bhwaru?

Abharuumi 6:15

Ibheere tobhughe bhu? Tobhughe kubha twëndërërë ghuköra amasari, gho kubha totaaghukangatu na changuru che meghiro, na gho kubha Eryobha ndetoheere aghareeya yaache? Naabha!

1 Timotewo 6:11

Amare iye, omooto o Ryobha, oghangʼösë amangʼana ghayo. Utambane ghano Eryobha rekwënda, no orisëngërë, ubhe no obhokumi, no obhosiighi, no obhoghumereri no obhuhörëëru.

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.

1 Bheetero 5:4

Hano Omoriishi Omokoro o riikanisa akuucha korighibhu haheero, nakobhatuha chaatuho che bhokumi obhokoro. Chaatuho chiyo chetaakobhusha naabha.

1 Yohana 3:4

Wowoose uno akwëndërëra ghuköra amasari, naghusari emeghiro ghe Ryobha, gho kubha ghuköra amasari, niko ghusari emeghiro.

Obhohunyurëru 2:20

Amare neenyi na angʼana imu ino ekunyaaki ighoro yaanyu. Inyu motaaghoghanga amangʼana gha mukari wuure Yesebheeri. Iwe nakwibherekera kubha m‑murööti, amare tiyaanyi. Mokomwisherereri angʼiine abhatamishi bhaane gho kobheeghi bhakörë obhutaari, na kurë ebhiinyakurë bhino ꞉bhiihëriinu amaruusi gho sanaamu.