Mataayo 5:17 - Eriiraghano Eriihë

¹⁷ “Motiituuri kubha niichiri gho ghiri e ghusari emeghiro, hamu ghano ꞉ghaasiikiiru na abharööti. Mööhi, ntiichiri gho ghiri e ghusari, amare niichiri gho ghiri e ghosiikëra obhuhëënë bhooche.

Mataayo 5:17 ပူးပေါင်းရင်းမြစ်များ

Mataayo 3:15

Yesu akamugharokeri akabhugha, “Nwishereri ibhe hangʼu kwi ibheere, gho kubha ntokwëndëru ghuköra ghaare ghoose Eryobha rekwënda.” Mbe, Yohana aghiishereri, akamubhatiisa.

Mataayo 7:12

“Mbe, mobhakörërë abhaato abhande kinya bhuure mokwënda bhabhakörërë inyu. Kiyo nikyo egheteemoro ke meghiro ghe Musa na ameeghi gha bharööti.

Ruuka 16:17

Koru hangʼu, n‑kohoho chwee kwo rishaaro na ase koheta, ghokera ekingʼöchö ghesuuhu ke meghiro ghe Musa koruusibhu.

Yohana 8:5

Kurëngʼaana ne emeghiro ghiito, Musa ꞉naaturagheriiri komwita omukari ke uno, gho komurasa amabhohe. Mbe, iye nibhu okobhugha?”

Amaköri gha Bhatomu 18:13

bhakamusëma bharabhugha, “Omooto uno nakobhabhoorera abhaato kubha, bhasëngërë Eryobha gho nchëra ayende ino itu totiishereriiru ne emeghiro ghiito.”

Amaköri gha Bhatomu 21:28

Bhaghaköra eriireghe bharabhugha, “Abhiisiraeri bhaghëndi bhiito, mototoori! Kana omooto uno niwe are areeghi abhaato bhoose bha ahaghiro hoose kubha bhabhe bharatutaraaha, bharataraaha ne emeghiro, koru ne Erisëngërö rino. Wiiki ghokera ghayo, nahaghonchiri ahaghiro hano ahatööbhiyu gho ghusöhi‑mu abhaato bha matöngö aghande.”

Amaköri gha Bhatomu 6:13

Bhakarëëta abhiibhateri bha bhuröngö, bhaghasiikëra obhuröngö gho Siteebhano kubha, “Omooto uno taaghotigha naabha ghosiikëra amangʼana amabhe ighoro e Risëngërö rino Eritööbhiyu, koru na wiiki ighoro e meghiro ghe Musa!

Abharuumi 10:4

Kirisito nahikeriini emeghiro ghyose ghe Musa, kubha abhaato bhoose bhano bhakomokumi, bhabhareru kubha mbaanyi no obhuhëënë ambërë e Ryobha.

Abharuumi 3:31

Ibheere kana, hano tokuhënërëra komokumi Yesu, niko kobhugha kubha emeghiro ghe Musa ghetaanyi no obhwëra? Tiyaanyi! Amare toramokumi Yesu, niho tookubha tohikeriini ghoose ghano emeghiro ghe Musa ghyërëkëriiri.

Abharuumi 8:4

Eryobha ꞉ndiiköriri hangʼu, kubha amangʼana ghoose gha bhuhëënë ghano ghakwëndëru mo‑meghiro ghahikeeranu na Yesu gho ghiri yiito. Itu ntoghukangatu na Akörö Ahörëëru, na totaaghukangatu wiiki na simoka yiito e masari.