Mataayo 4:8 - Eriiraghano Eriihë

⁸ Rekamara, Erishambu rekamwimoki Yesu reeghaye nawe ighoro arososooni ro gheghoro kire, rekamwërëki obhutëmi bhoose bho chaase choose no obhwame bhooche,

Mataayo 4:8 ပူးပေါင်းရင်းမြစ်များ

Mataayo 16:26

Kana omooto nakubhöna ke, aribha abhwine ebheghiro bhyose bhe mo‑se ino, amare abhori obhuhöru bho miishe ghyose? Hamu omooto naghotora koruusi egheghiro ke kibhatere obhuhöru bhooche?

Mataayo 4:5

Niho Erishambu rekamwimoki Yesu reeghaye nawe mo‑moghya omutööbhiyu o Yerusareemu, rekamwimeereri ighoro arososooni ro Risëngërö,

Yohana 5:20

Taata namosiighiri Omoona, nikyo ahamwërëki emeremo ghyose ghino aghuköra, wiiki nakomwërëki ghuköra ebheroghooro bhekoro ghokera bhiyo, na niinyu mokoroghoora chwee.

1 Bheetero 1:24

Kinya Mandëkö Amatööbhiyu ghakobhugha, “Abhaato bhoose n‑kinya amanyaaki, no obhuchömu bhoobho n‑kinya ebhibhari bhe mo‑manyaaki. Amanyaaki ngahaanyaara ne ebhibhari mbehaagho,

Obhohunyurëru 11:15

Akamara, marayika o mohungate aghatëma antaara yaache. Nekamara nekooghu eriiraka ikoro iyo Mwishaaro rerabhugha, “Obhukangati bho se mbughööturu no Omutëmi Waryobha wiito, na Kirisito waache uno amwahwire ghotoori abhaato. Iryo ndeghukangata emiishe ne emiishe.”