Mataayo 4:23 - Eriiraghano Eriihë

²³ Yesu ꞉niinaariri Ghariraaya yoose, areeghi mo‑masinaghooghi ghaabho, na kuraghani Angʼana Anchömu e bhutëmi bho Mwishaaro, na kobhahöri amabhabharu ghaabho ghoose.

Mataayo 4:23 ပူးပေါင်းရင်းမြစ်များ

Mataayo 11:5

Kubha, abhahuku ˆbhakarighi, na abhabhëëru ˆbhaghaghënda, na abhabhabharu bha mbiti ˆbhakahöra, na abhakiro bhakooghu, na abhaku ˆbhakaryoka. Wiiki, abhahabhe ˆbhakaraghaneru Angʼana Anchömu e Ryobha.

Mataayo 12:9

Yesu aghatanura hayo, aghaye na ghusöha mo‑risinaghooghi reebho.

Mataayo 13:19

Omooto wowoose uno akooghu angʼana e bhutëmi bho Ryobha amare atayimënya, Erishambu ndekuucha na koyisara angʼana ino Eryobha ryemiri mo‑motema waache. Omooto uyo natuubhiine na chambusuro chino ꞉cheeghweriire mo‑nchëra.

Mataayo 13:54

Hano ahikiri mo‑moghya o waabho, aghasëëma kobheeghi abhaato mo‑risinaghooghi reebho. Abhaato bhayo bhakaroghoora na kobhoorani bharabhugha, “Omooto uno hayi abhwine amangʼiini ghano no obhotoro bho ghuköra ebheroghooro bhino?

Mataayo 14:14

Mbe, hano ikiri mo‑bhwato, akarerighi erikinda ikoro re bhaato, akabhaghwera ebheghongi, na akabhahöri abhabhabharu bhaabho.

Mataayo 24:14

Wiiki Angʼana Anchömu e bhutëmi bho Mwishaaro nekuraghanibhu mo‑matöngö ghoose kubha abhaato bhoose bhayimënyë. Kwo riibhagha riyo, niho antenero e se ekuucha.

Mataayo 3:2

“Motuukuune amasari ghaanyu, gho kubha obhutëmi bho Mwishaaro ˆbhoghatingʼi.”

Mataayo 9:35

Mbe, Yesu naare araheta mo‑meghya ghyose na mo‑bhyaro. Hohoose hano ahetiri, ꞉naasöhiri mo‑masinaghooghi ghaabho, naare areeghi abhaato, na kuraghani Angʼana Anchömu e bhutëmi bho Mwishaaro na kuhöri amabhabharu ghoose gha manga maaru.

Maariko 1:14

Hano chehetiri chaasiko chaaru, Yohana akabhöhu mwighërëcha. Eriibhagha are mwighërëcha, Yesu aghaye mo‑mukööwa o Ghariraaya, ino araraghani Angʼana Anchömu e Ryobha.

Maariko 1:21

Niho Yesu na abhaanabheegha bhaache bhane bhaaghaye mo‑moghya o Kabherenawumu. Hano orosiko ro Riikane rohikiri, bhaghasöha mo‑risinaghooghi, na Yesu aghasëëma kweghi.

Maariko 1:39

Niho aghaye mo‑mukööwa woose o Ghariraaya na kuraghani mo‑masinaghooghi ghaabho, na kobharuusi abhaato emisambu.

Maariko 3:10

Abhabhabharu bhaaru mbaare bharatughutana bhatore komoturi, gho kubha naare ahöriri bhaaru.

Maariko 6:2

Hano orosiko ro Riikane rohikiri, aghasëëma kweghi mo‑risinaghooghi. Abhaato bhaaru bhano ꞉bhaamooghwire bhakahagha chwee. Mbaare bharabhoorani bharabhugha, “Aa! Omooto uno hayi abhwine ghano ghoose? Wiiki, n‑amangʼiini ke ghano ahaabhuru uno? Hayi abhwine changuru che ghuköra ebheroghooro bhekoro kinya bhiyo?

Maariko 6:6

Akaroghoora chwee gho kubha bhataare no obhokumi koru hasuuhu. Akamara Yesu akabha ariinaara mo‑bhyaro bhe haghuhe kobheeghi abhaato.

Ruuka 10:9

Wiiki abhabhabharu bhano bhaanyi mo‑moghya uyo, mobhahöri. Mobhabhoorere abhiikari bhayo kubha, obhutëmi bho Ryobha ˆbhoghatingʼi.

Ruuka 13:10

Orosiko rumu ro Riikane, Yesu naare mo‑risinaghooghi rimu, areeghi abhaato.

Ruuka 16:16

“Emeghiro na Amandëkö gha bharööti, mbeere bhighööturu na abhaato mbagha eriibhagha re Yohana. Korwera eriibhagha riyo, Angʼana Anchömu e bhutëmi bho Ryobha ekabha arasanchibhu, na abhaato bhaaru mbaghwiköngʼi ghusöha.

Ruuka 20:1

Orosiko rumu hano Yesu are areeghi abhaato Mwisëngërö na kobharaghaneri Angʼana Anchömu e Ryobha, niho abhakoro bha bhachaama, na abheeghi bha meghiro, na abhagharuka bha Bhayahuuti bhakamusëëta.

Ruuka 4:14

Akamara, Yesu aghagharuka mo‑mukööwa o Ghariraaya, anyi no obhotoro bho Körö Ahörëëru. Amangʼana ghaache, ghaghasancha chwee mo‑bhyaro bhiyo bhyose bhino bheenyi haghuhe na Ghariraaya.

Ruuka 5:17

Orosiko rumu, Yesu naare areeghi abhaato. Ghate yaabho, mbaare‑mu Amabharisaayo na abheeghi bha meghiro. Abhaato bhayo ꞉mbaaruure mo‑bhyaro bhe Ghariraaya, na Yuteya, na mo‑moghya o Yerusareemu. Yesu naare no obhotoro bho Ryobha bho kuhöri.

Ruuka 6:17

Yesu aghiika mo‑gheghoro, haghirohamu na abhaanabheegha bhaache. Hano ahikiri ahaghiro hano haanyi ne ekibhara, akiimeerera‑ho. Ahaghiro hayo, ꞉mbaatiimaaniri abhaghëndi bhaache bhaaru chwee. ꞉Haare‑ho wiiki erikinda ikoro re bhaato abhande ꞉bhaare bharuure mo‑mukööwa woose o Yuteya, koru mo‑moghya o Yerusareemu, na koru mo‑meghya ghe Tiiro na Sitooni ghino gheere haghuhe na anyancha.

Ruuka 6:6

Orosiko oronde ro Riikane, Yesu aghasöha mo‑risinaghooghi, aghasëëma kweghi abhaato. Muyo, naare‑mu omooto umu, uno okubhökö kooche gho kwiro koore ghokuure.

Ruuka 7:21

Kwo riibhagha riyo riyo, Yesu naare arahöri abhaato bhaaru amabhabharu ghaabho. Naare ahöriri koru bhano bhatiiruru ne emisambu. Wiiki ꞉naaghëriri abhahuku bhaaru bhatore korighi.

Ruuka 7:22

Niho, Yesu akabhagharokeri akabhugha, “Mughëndë momobhoorere Yohana ghoose ghano morooche, na ghoghooghu. Kubha, abhahuku ˆbhakarighi, na abhabhëëru ˆbhaghaghënda, na abhabhabharu bha mbiti ˆbhakahöra, na abhakiro ˆbhakooghu, na abhaku ˆbhakaryoka. Wiiki, abhahabhe ˆbhakaraghaneru Angʼana Anchömu e Ryobha.

Ruuka 8:1

Achekumara ghayo, Yesu akabha arahetera mo‑meghya na mo‑bhyaro. Naare araraghaneri abhaato bha se iyo yoose, Angʼana Anchömu e bhutëmi bho Ryobha. Naare haghirohamu na abhaanabheegha bhaache ikomi na bhabhere.

Ruuka 9:11

Abhaato hano bhamënyiri kubha naghiire iyo, bhakamotumbana. Akabhaghënëhi bhoheene, aghasëëma kobheeghi amangʼana gha bhutëmi bho Ryobha. Abhabhabharu bhano ꞉bhaare ghate yaabho akabhahöri.

Ruuka 9:60

Amare Yesu akamugharokeri akabhugha, “Iye nutambane! Abhaato bhano bhataakorekumi Eryobha n‑kinya abhaku. Tigha bharyekane abheene kwo bheene. Amare iye, nooghi uraghaneri abhaato angʼana ighoro e bhutëmi bho Ryobha.”

Yohana 18:20

Yesu akamugharokeri akabhugha, “Eriibhagha ryose neere nerasiikëra na abhaato haheero, neere nereeghi abhaato mo‑risinaghooghi na mo‑riigho re Risëngërö rino Abhayahuuti bhaaru bhahaatëmëërana‑mu. Ntyeghiri ameeghi ghaane gho kobhisa.

Yohana 6:59

Yesu ꞉naabhughiri amangʼana ghano eriibhagha are areeghi mo‑risinaghooghi iyo Kabherenawumu.

Yohana 7:1

Ghaache koheta ghayo, Yesu aghasëëma kwinaara mo‑meghya ghe Ghariraaya. Tëëndiri kwinaara Yuteya, gho kubha abhakangati bha Bhayahuuti mbaare bharatabhara komwita.

Amaköri gha Bhatomu 10:38

Mweche kubha, Eryobha ꞉ndeemwahwire Yesu o Nasareeti gho komuha Akörö Ahörëëru no obhotoro. Yesu ꞉naaghiire ino na ino, araköra amachömu na kuhöri bhoose bhano ꞉bhaare bharanyaakibhu na changuru che Rishambu, gho kubha Eryobha ndeere haghirohamu nawe.

Amaköri gha Bhatomu 18:4

Chaasiko choose che Riikane, Bhawuro ꞉naasöhiri mo‑risinaghooghi re Bhayahuuti, akabha arabhoorani nabho ighoro e Yesu. Naare arasaki kobharuta Abhayahuuti haghirohamu na abhaato bha matöngö aghande, kubha bhoose bhamokumi Yesu.

Amaköri gha Bhatomu 20:25

“Inyu bhoose, mweche neere neraheta ghate yaanyu neraraghani ighoro e bhutëmi bho Ryobha. Amare ibheere, nyeeche kubha, taanyi‑ho koru umu ghate yaanyu uno aghotora kondighi wiiki.

Amaköri gha Bhatomu 28:31

Akeeghi abhaato kwo bhosubhesubhe ighoro e bhutëmi bho Ryobha, ni ighoro e Mutëmi Yesu Kirisito, koru bhataamoshaangʼiri.

Abharuumi 10:15

Wiiki nibhu abhaato bhaghotora ghuye kuraghani angʼana iyo aribha bhatatomuru? N‑kinya bhuno Amandëkö Amatööbhiyu ghakobhugha kubha, “Kuucha kwo mooto uno akurëëta Angʼana Anchömu, ngoghotegheri abhaato bhano bhakomutëghëërëra!”