Mataayo 4:19 - Eriiraghano Eriihë

¹⁹ Yesu akabhabhoorera akabhugha, “Muuche muntambane! Eni nekobhaköra mubhe abhaweesani bha bhaato.”

Mataayo 4:19 ပူးပေါင်းရင်းမြစ်များ

Mataayo 16:24

Niho Yesu akabhabhoorera abhaanabheegha bhaache akabhugha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache, antambane.

Mataayo 19:21

Yesu akamobhoorera akabhugha, “Aribha okwënda kubha omuhëënë, nooghi oghori ebheghiro bhyose bhino onyi nabhyo, chambiiri chiyo okubhöna, obhahë abhahabhe. Gho ghuköra hangʼu, niho okubha na agharinga Mwishaaro. Oramara uche, untambane.”

Mataayo 4:18

Hano Yesu are araghënda rubhareka ro nyancha e Ghariraaya, ꞉naarooche abhaweesani bhabhere, Simiyooni uno ꞉abherekiiru Bheetero na Andereya ömööbhö. Bhayo bhabhere mbaare bhararëkëra charwërö mo‑nyancha, gho kubha m‑bhaweesani ꞉bhaare.

Mataayo 4:20

Hayo hayo, bhaghatigha charwërö cheebho bhakamutambana.

Mataayo 8:22

Yesu akamugharokeri akabhugha, “Iye nutambane! Abhaato bhano bhataakorekumi Eryobha n‑kinya abhaku. Tigha bharyekane abheene kwo bheene.”

Mataayo 9:9

Hano Yesu amariri koru hayo, aghatëmëërana no omutöbhi umu o righööti ikeere mo‑kebhuru keeche ghe ghutöbhëri erighööti, eriina reeche Mataayo. Yesu akamobhoorera akabhugha, “Nuntambane.” Hayo hayo, Mataayo akiimeerera, akamutambana.

Maariko 2:14

Akamara aghatanura koru hayo, na mo‑nchëra akamorighi Raawi mwërëëti o Arubhaayo. Naare ikeere mo‑kebhuru keeche ghe ghutöbhëri erighööti. Yesu akamobhoorera akabhugha, “Nuntambane.” Raawi akiimeerera, akamutambana.

Ruuka 5:27

Achekumara ghayo, Yesu akahoroka mo‑nyumba iyo, akarighi omutöbhi umu o righööti eriina reeche Raawi. Raawi uyo naare ikeere mo‑kebhuru keeche ghe ghutöbhëri righööti. Yesu akamobhoorera akabhugha, “Oo Raawi, untambane.”

Ruuka 9:59

Yesu akamobhoorera omooto owonde akabhugha, “Untambane!” Omooto uyo akamugharokeri akabhugha, “Oo Omutëmi, nonyisherereri singa neghi nemoryeke taata waane.”

Yohana 1:43

Atabhoori yaache, Yesu akëënda kobhooka ghuye mo‑mukööwa o Ghariraaya. Niho akamorighi Bhiiribho, akamobhoorera akabhugha, “Nuuche, untambane.”

Yohana 12:26

Omooto wowoose uno akwënda kuuhökëri eni, nekwëndëru antambane. Wiiki hohoose hano neekubha, hayo niho no omutamishi waane akubha. Taata nakomosooka omooto wowoose uno akuuhökëri eni.

Yohana 21:22

Yesu akamugharokeri akabhugha, “Aribha nekwënda kubha abhe muhöru mbagha hano neghugharuka, ngwake ghayo ghaghokunyaaki? Iye nuntambane eni.”

2 Abhakorinto 12:16

Moghwishereri kubha nteere omorigho ghokoonyu, amare koru hangʼu abhande ghate yaanyu mbakobhugha kubha, “Bhawuro m‑mongʼiini, natotebhiritebhiri kwo bhuröngö.”