Mataayo 3:11 - Eriiraghano Eriihë

¹¹ “Eni nekobhabhatiisa kwo manche kwërëki kubha motuukuuniri amasari ghaanyu. Amare uno akuucha anyuma yaane, iwe nakobhabhatiisa gho Körö Ahörëëru na kwo mororo. Omooto uyo naanyi na changuru ghonkera, koru nteekurëngʼaanera ghughëgha ebhekwera bheeche.

Mataayo 3:11 ပူးပေါင်းရင်းမြစ်များ

Mataayo 3:6

Bhaakabha bharatuukuuna amasari ghaabho, nawe akabha arabhabhatiisa mo‑rooche ro Yorotaani.

Maariko 1:4

Omutamishi uyo naare arabherekeru Yohana Omubhatisaachi. Naare mwibhara araraghaneri abhaato arabhugha, “Motuukuune amasari ghaanyu, mubhatiisu, kubha Eryobha rebhaabhërë!”

Ruuka 1:17

Akörö yaache no obhotoro bhooche, mbookubha kebhuno bho murööti Eriya. Omoona uyo nakomukangata Omutëmi, gho ghiri amusëëmërë abhaato bha ghutëmëërana nawe. Naghutëmëërani abhaana na bhiishe, nakobhaköra abhaato bhano bhataanyi na asooko bhabhe na amiihëëbhö kinya bhaare bhaghosooka Eryobha.”

Ruuka 3:16

Mbe, akabhabhoorera arabhugha, “Eni, hëënë nekobhabhatiisa kwo manche agheene, amare nakuucha omooto uno anyi na changuru ghonkera eni, koru nteekurëngʼaanera ghusaasura chambasani che bhekwera bheeche! Iwe, nakobhabhatiisa gho Körö Ahörëëru, na kwo mororo.

Ruuka 3:3

Yohana aghaye akahetera mo‑bhyaro bhyose bhino bhetingʼiine no orooche ro Yorotaani, ino araraghani angʼana e Ryobha arabhugha, “Motuukuune amasari ghaanyu, mubhatiisu, kubha Eryobha rebhaabhërë.”

Yohana 1:15

Yohana ꞉naaghambiri kwo bhaato amangʼana gha mooto uyo, aghatiiri eriiraka arabhugha, “Uno niwe neere nerabhabhoorera nerabhugha, ‘Nakuucha omooto anyuma yaane, omokoro ghonkera eni, gho kubha naare‑ho eriibhagha eni nekeere kwibhoru.’ ”

Yohana 1:30

Uno niwe uno neere nerabhabhoorera ighoro yaache kubha, ‘Nakuucha omooto anyuma yaane, omokoro ghonkera eni, gho kubha naare‑ho eriibhagha eni nekeere kwibhoru.’

Amaköri gha Bhatomu 1:5

Yohana ꞉naabhatiisiri abhaato kwo manche, amare gho chaasiko insuuhu chino chekuucha, inyu mokubhatiisu gho Körö Ahörëëru.”

Amaköri gha Bhatomu 19:4

Akabhabhoorera akabhugha, “Yohana naare arabhatiisa abhaato bhano ꞉bhaare bhatuukuuniire amasari ghaabho, akabha arabhabhoorera kubha, bhamokumi uno akuucha anyuma yaache, niwe Yesu.”

Amaköri gha Bhatomu 8:36

Hano bhaare mo‑rughëndö, bhakahika ahaghiro hano ꞉haare na amanche. Omokoro uyo akamobhoorera Bhiiribho akabhugha, “Mööhi! Hano, ngaanyi‑ho amanche. N‑ghento ke ghekundeki netabhatiisu?” [

Amaköri gha Bhatomu 8:38

Hayo hayo omokoro uyo akahatëka bhiimeereri amöntöka. Mbe, bhaghiika bhaghasöha mo‑manche bhombe, Bhiiribho akamubhatiisa.

1 Abhakorinto 12:13

Neghosiikëra hangʼu, gho kubha itu bhoose, tubhe Abhayahuuti hamu abhaato bha matöngö aghande, tubhe abhasësë hamu abhaato huuru, ntubhatiisuru gho Körö imu na kuhaabhu Akörö iyo, kubha tubhe omobhere umu.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Tiito 3:5

Retaaköriri hangʼu gho kubha amaköri ghiito ango n‑gha hëënë ꞉ghaare, amare n‑gho changori cheeche okwene. Ndetomusiri obhobhe bhwito, kuyo niko okwibhoru okuhë. Wiiki ndetoheere eriimanya eriihë gho nchëra e Körö Ahörëëru.

1 Bheetero 5:5

Bhuure bhuure na niinyu abhabhureni, mokwëndëru mobhasooke abhagharuka bha riikanisa. Na niinyu bhoose mubhe abhaato abhanyööhu na mubhe moratoorani. Mukörë hangʼu, gho kubha Amandëkö Amatööbhiyu ngakobhugha, “Bhano bhakwihacha, Eryobha ndehaabhaanga, amare abhanyööhu, ndehaabhaha aghareeya.”