Mataayo 27:2 - Eriiraghano Eriihë

² Niho bhakamubhöha, bhakamwimoki, bhaaghaye nawe mo‑mukangati o se yaabho, Omoruumi uno are arabherekeru Bhiraato.

Mataayo 27:2 ပူးပေါင်းရင်းမြစ်များ

Mataayo 20:19

na koohira mo‑bhaato bha matöngö kubha bhanchëërë, na ghuntëma emicharicho na kumamba mo‑musarabha. Amare orosiko ro ghatato, Eryobha ndekondyoki.”

Mataayo 28:14

Amangʼana ghano gharamohikera Bhiraato, itu ntoghosiikëra nawe kubha motaacha ghusöha mo‑nyaako.”

Ruuka 13:1

Eriibhagha riyo, abhaato abhande bhakaacha bhakamuha Yesu amangʼana gha Bhaghariraaya bhano Bhiraato itiri hano ꞉bhaare bharaghöögha chaatugho cheebho che koruusi ambërë e Ryobha.

Ruuka 20:20

Gho ghayo, abhakoro bha Bhayahuuti, bhaakabha bharamwisuncha Yesu chwee, bhaghatoma abhaseghaayi bhano ꞉bhiiköriri kubha n‑abhaato bhachömu. Amare, mbaare bharatabhara bhamughöötë Yesu kwo mangʼana ghaache, kubha bhamohire mo‑mukangati uno atooruru na Kayisaari, bhamusëmë.

Ruuka 23:1

Bhakamara, abhakangati bhayo bhoose bhakiimeerera, bhakamohira Yesu o‑Bhiraato.

Ruuka 23:12

Korwera orosiko ruyo, Herote na Bhiraato bhaakabha abhasaani, nangabha hayo ekeenyuma bhataare bharoghwana.

Ruuka 3:1

Neere omooka wi ikomi na ghataano o bhukangati bhooche Kayisaari Tibheeriyo o Bharuumi. Eriibhagha riyo Bhontiyo Bhiraato, naare omukangati mo‑mukööwa o Yuteya, na Herote Antibha, naare omukangati mo‑mukööwa o Ghariraaya. Bhiiribho nawe, ömööbhö Herote, naare omukangati mo‑mukööwa o Itureya, na Tirakoniti. Wiiki Riisaniya, naare omukangati mo‑mukööwa o Abhireene.

Yohana 18:12

Mbe, omokoro o bhaashirikare, haghirohamu ne erikinda reeche, na abhatamishi bha bhakangati bha Bhayahuuti, bhakamughööta Yesu, bhakamubhöha.

Yohana 18:24

Anaasi akahatëka kubha bhamohire Yesu abhöhuru hangʼu hangʼu kwo Muchaama Omokoro Kayabha.

Yohana 18:28

Mbe, hano bhookiire, abhakangati bha Bhayahuuti bhakamwimoki Yesu koru o‑Kayabha, bhaaghaye nawe mo‑nyumba e ghitëmi e mokoro o Bharuumi. Amare ibho bhataasöhiri mo‑nyumba iyo kubha bhatighonchi, kubha bhatore kurë ebhiinyakurë bhe nyangi e Bhaasaka.

Amaköri gha Bhatomu 12:6

Ibheere obhotiko bho kobhookera orosiko runo Herote are ëndiri komotenera ekiina, Bheetero naare amisiri mwighërëcha, abhöhuru ne eminyörörö ebhere haghirohamu na abhaashirikare bhabhere bhamotooriri ghateghate. Anche e ghisëku ke nyumba iyo abhaashirikare abhande mbaare bharamochonga.

Amaköri gha Bhatomu 21:33

Omontomonkoro uyo o bhaashirikare aghiishuka, akamughööta Bhawuro, akahatëka kubha abhöhu eminyörörö ebhere. Akamara akabhoori, “Uno n‑niwe? Wiiki neke asariri?”

Amaköri gha Bhatomu 22:25

Hano abhaashirikare bhayo ꞉bhaare bharamubhöha Bhawuro gho ghiri bhamutëmë emicharicho, akamobhoori omokoro waabho uno are imeeriire hayo akabhugha, “Kana emeghiro gheenyu ngeghwishereri komutëma Omoruumi, akeere ataamara ateneru ekiina?”

Amaköri gha Bhatomu 22:29

Hayo hayo abhaashirikare bhayo ꞉bhaare bharëënda bhamutëmë Bhawuro bhakamotigha. Omontomonkoro waabho uyo woose aghatiina chwee kooghu kubha Bhawuro n‑Omoruumi, gho kubha naare amariri komubhöha ne eminyörörö.

Amaköri gha Bhatomu 24:27

Hano ghehetiri emeeka ebhere, Bhorikiyo Bheesito akiimoki omweya o Bheriki. Na gho kubha Bheriki naare arëënda ichömi kwo Bhayahuuti, eghaghëri amotighe Bhawuro mwighërëcha.

Amaköri gha Bhatomu 28:20

Kurëngʼaana na ghayo, nigho ghaghëriri nebhabherekere, gho ghiri tosiikërë haghirohamu. Angʼana ino nibhöhiiru eminyörörö ghino, n‑gho kubha nekomokumi Kirisito uno anyi eriitëngʼërö re Abhiisiraeri bhoose.”

Amaköri gha Bhatomu 3:13

Eryobha re bhasookoro bhiito, Abhurahamu, Isaka, na Yakobho, ꞉ndeemoghongiri omutamishi waache Yesu. Wiiki Yesu niwe uno inyu momoruusiri ateneru ekiina aku! Koru hano Bhiraato ëndiri abhiighorere Yesu, ꞉mwaangiri,

Amaköri gha Bhatomu 4:27

“M‑mahëënë kubha, omutëmi Herote Antibha na Bhontiyo Bhiraato, ꞉mbaatëmëëriine haghirohamu na abhaato bha matöngö na Abhiisiraeri, mo‑moghya o Yerusareemu kubha bhamwange Yesu, omutamishi waacho Omutööbhiyu uno ꞉omwahwire kubha Kirisito.

Amaköri gha Bhatomu 9:2

akamusabha amuhë anyaarubha ino aghuye nayo mo‑masinaghooghi gha moghya o Tamaasiko, kubha arabhabhöna iyo abhaghëndi bha Yesu, abhasubhe na abhakari, abhaghöötë, na kobharëëta Yerusareemu.

1 Timotewo 6:13

Neghaghokumereri ambërë e Ryobha rino reghotoora obhuhöru moose e bheghiro bhyose, na ambërë e Kirisito Yesu uno aruusiri obhwibhateri bho mahëënë ambërë e Bhontiyo Bhiraato, kubha,

2 Timotewo 2:9

Gho ghiri e ngʼana iyo, eni nekunyaaka na nibhöhuru ne eminyörörö kinya omuköri o mabhe. Amare angʼana e Ryobha teeghotora kubhöhu.

Abheebhuraaniya 13:3

Mobhahiite bhano bhaanyi mo‑kibhöhö, mubhe kinya mubhöhuru haghirohamu nabho. Mobhahiite bhano bhakunyaaka, mubhe kinya mokunyaaka haghirohamu nabho.