Mataayo 26:18 - Eriiraghano Eriihë

¹⁸ Yesu akabhatarëra eriina re mooto nyarebhe, akabhabhoorera akabhugha, “Moghi mo‑moghya o Yerusareemu momobhoorere omooto uyo mobhughe, ‘Omweghi natotomiri, arabhugha, “Eriibhagha reene ˆreghatingʼi. Eni na abhaanabheegha bhaane ntookurë ebhiinyakurë bhe Bhaasaka mo‑nyumba yaacho.”’”

Mataayo 26:18 ပူးပေါင်းရင်းမြစ်များ

Mataayo 21:3

Aribha omooto wowoose arabhabhoori ighoro e chaatikere chiyo, momugharokeri mobhughe, ‘Omutëmi naghöchëënda,’ iwe nakobhiisherereri muuche nacho.”

Mataayo 23:10

Amare inyu motabha moriishereri bharabhabherekera bharabhugha, ‘omukangati,’ gho kubha moonyi no Omukangati umu hangʼu, nawe niwe Kirisito.

Mataayo 23:8

“Amare inyu motabha moriishereri bharabhabherekera bharabhugha, ‘Oo omweghi’, gho kubha moonyi no Omweghi umu hangʼu, inyu n‑abhaghëndi bhaache moonyi.

Mataayo 26:19

Abhaanabheegha bhayo bhaaghaye na ghuköra ghoose kebhuno Yesu abharagheriiri, bhaghasëëma ebhiinyakurë bhe Bhaasaka.

Mataayo 26:2

“Kinya bhuno mweche, hano chekumara koheta chaasiko ibhere, ntookubha na anyangi e Bhaasaka. Mo‑rosiko ruyo, eni Omoona o Mooto neghotooru mo‑mabhökö gha bhabhisa kubha niitu mo‑musarabha.”

Mataayo 26:49

Hayo hayo, Yuuta aghaye o‑Yesu, akamobhoorera akabhugha, “Oo Omweghi, mbwiriri!” Akamara akamutahata.

Maariko 5:35

Hano Yesu are akeere arasiikëra no omukari uyo, abhaato bhakaacha koru o‑Yayiro, omukangati o risinaghooghi, bhakamobhoorera bhakabhugha, “Yayiro, tigha komunyaaki Omweghi, gho kubha omuukë waacho nakuure.”

Ruuka 22:53

Chaasiko choose neere haghirohamu na niinyu Mwisëngërö, amare motangöötiri! Amare ibheere, rino niryo eriibhagha reenyu, re bhukangati bho Rishambu.”

Yohana 11:28

Hano Marita abhughiri ghayo, aghaye komobherekera Mariyamu. Mbe, akamobhoorera kibhacho akabhugha, “Omweghi hano anyi, naghokobherekera.”

Yohana 12:23

Yesu akabhagharokeri akabhugha, “Eriibhagha reene eni, uno neenyi Omoona o Mooto, kubhöna obhokumi obhokoro ˆrekahika.

Yohana 13:1

Mbe, eriibhagha anyangi e Bhaasaka ere ekeere kohika, Yesu akamënya kubha eriibhagha reeche ˆrekahika re ghutanura mo‑se ino ghuye ghwi Ishe. Yesu naare asiighiri abhaato bhaache bhano ꞉bhaare mo‑se, wiiki ꞉naabhasiighiri koheta ekirëngërë.

Yohana 17:1

Hano Yesu amariri ghosiikëra ghayo ghoose, aghagharaamereri Mwishaaro, aghasabha akabhugha, “Oo Taata, eriibhagha reene ˆrekahika. Obhëërëki abhaato obhokumi bhoone obhokoro, eni Omoona waacho, kubha na neeni nëbhëërëki obhokumi bhoocho obhokoro kebhuno bhoonyi.

Yohana 20:16

Yesu akamobherekera akabhugha, “Iye Mariyamu!” Niho Mariyamu aghiishoorori wiiki, akamorighi Yesu, aghasiikëra gho Kebhuraaniya akabhugha, “Rabhooni!” Egheteemoro keeche “Omweghi.”

Yohana 7:30

Niho bhaghatabhara komughööta, amare taare‑ho omooto uno atoriri komughööta, gho kubha eriibhagha reeche ndeere rekeere kohika.

Yohana 7:6

Niho Yesu akabhabhoorera akabhugha, “Eriibhagha reene re ghuye rekeere kohika, amare inyu moghotora ghuye eriibhagha ryoryose.

Yohana 7:8

Inyu moghi Yerusareemu mo‑nyangi iyo. Eni nteeghuye ibheere, gho kubha eriibhagha reene rekeere kohika.”