Mataayo 26:14 - Eriiraghano Eriihë

¹⁴ Mbe, Yuuta Isikariyoote, umu o bhaanabheegha bha Yesu bhaare ikomi na bhabhere, aghaye mo‑bhakoro bha bhachaama,

Mataayo 26:14 ပူးပေါင်းရင်းမြစ်များ

Mataayo 10:4

na Simiyooni Omukananaayo na Yuuta Isikariyoote, uno amariri akamuhaana Yesu mo‑mabhökö gha bhabhisa.

Mataayo 26:25

Mbe, Yuuta uno akomotoora Yesu mo‑mabhökö gha bhabhisa, woose akamobhoori akabhugha, “Oo Omweghi, ghasi n‑eni?” Yesu akamugharokeri akabhugha, “N‑iye ˆokabhugha.”

Mataayo 26:47

Eriibhagha Yesu akeere arasiikëra ghayo, mööhi, Yuuta, umu o bhaanabheegha bhaache ikomi na bhabhere, akaacha haghirohamu ne erikinda ikoro re bhaato rino reere na amashabha na charungu. Erikinda riyo ꞉ndeetomuru na abhakoro bha bhachaama na abhagharuka bha Bhayahuuti.

Mataayo 27:3

Mbe, Yuuta, uno amuhaaniri Yesu mo‑mabhökö gha bhabhisa, hano arooche kubha Yesu aghateneru ekiina itu, akiiyoghu kobhe. Akiimoki ebheteneka bhiire bhe chambiiri miröngö etato na kobhigharoki kwo bhakoro bha bhachaama na abhagharuka bha Bhayahuuti.

Yohana 12:4

Amare umu o bhaanabheegha bhaache eriina reeche Yuuta Isikariyoote, uno akuucha komwigharurani Yesu, akabhugha,

Yohana 13:2

Yesu na abhaanabheegha bhaache bhaghiikara kurë ekiinyakurë ke mughörööbha. Eriibhagha riyo, Erishambu ndeere remotebhiritebhiri Yuuta, omoona o Simiyooni Isikariyoote, kubha amwigharurani Yesu.

Yohana 13:26

Yesu akamugharokeri akabhugha, “Niwe uno nekomuha egheteneka ke mughaate kino niköriri koru mo‑ghetibha.” Mbe, akiimoki egheteneka ke mughaate aghaköri mo‑ghetibha, akamuha Yuuta, mwërëëti o Simiyooni Isikariyoote.

Yohana 13:30

Mbe, hano Yuuta imokiri egheteneka kiire, hayo hayo akahoroka anche. Eriibhagha riyo n‑obhotiko ꞉haare.

Yohana 18:2

Yuuta uno ꞉amwigharoriini Yesu, naare aheeche ahaghiro hayo, gho kubha Yesu naare anariri ghuye‑mu eriibhagha ryaru haghirohamu na abhaanabheegha bhaache.

Amaköri gha Bhatomu 1:16

akabhabhoorera akabhugha, “Bhahiiri bhaane, amangʼana ghano ghaandëkuru mo‑Mandëkö Amatööbhiyu ighoro e Yuuta uno ꞉ahiriri abhaato bhamughöötë Yesu, ꞉ngëëndiiru ghaköru. Amangʼana ghayo ꞉ngaasiikiiru na Akörö Ahörëëru kohetera kwo mutëmi Tawuti.

Amaköri gha Bhatomu 1:18

(Yuuta ꞉naaghoriri omoghondo gho chambiiri chino ꞉ahaabhuru kurëngʼaana na angʼana yaache ambe ino ꞉aköriri. Muyo nimu ꞉aghweriire kebhuuma, eghaateka anda, ne ebhyanda bhyose bhekahomoka anche.