Mataayo 26:10 - Eriiraghano Eriihë

¹⁰ Yesu akamënya ghano ꞉bhaare bhariihëëbha, akabhabhoorera akabhugha, “Ngwake mokunyaaki omukari uno hangʼu? Iwe nanköriire angʼana anchömu chwee.

Mataayo 26:10 ပူးပေါင်းရင်းမြစ်များ

Mataayo 26:11

Abhahabhe mbaanyi haghirohamu na niinyu chaasiko choose, amare eni nteekubha haghirohamu na niinyu eriibhagha ryose.

Mataayo 26:9

Nengabheere bhoheene amaghuta ghano ghaghoru gho chambiiri chaaru na kobhaha abhahabhe!”

Maariko 14:6

Amare, Yesu akabhugha, “Momotighe. Ngwake mokomunyaaki? Rino omukari uno aköriri ghokoone n‑ichömu chwee.

Ruuka 8:49

Eriibhagha Yesu are akeere arasiikëra ghayo, akaacha omooto koru mo‑ka yiire e Yayiro omokoro o risinaghooghi, akamobhoorera, “Omuukë waacho nakuure, nootighe komunyaaki Omweghi.”

2 Abhakorinto 9:8

Eryobha ndeghotora kobhiitabheri ghokera bhuno mokwënda, kubha eriibhagha ryose mubhe ne ebheghiro bhyose bhino mokwënda, na mubhe abhaato bha ghuköra amachömu maaru gha kobhatoori abhande.

Abhagharatiya 1:7

Obhuhëënë n‑kubha teenyi‑ho Angʼana Anchömu ayende. Amare mbaanyi‑ho abhaato bhano bhakobhabhurugha na mbakwënda ghugharura Angʼana Anchömu ighoro e Kirisito.

Abhagharatiya 5:12

Neghwighomba kubha abhaato bhano bhakobhabhurugha kwo mangʼana gha ghusaaru, nengabheere bhoheene bhiiture abheene!

Abhagharatiya 6:17

Mbe, korwera ibheere omooto wowoose ataanyaaki wiiki, gho kubha eni neenyi na amamööha mo‑mobhere waane gho ghiri e komuhökëri Yesu.

Abhaebheeso 2:10

Itu ne emeremo ghe mabhökö gha Ryobha toonyi. ꞉Ndeetobhombiri bhuhë gho ghotughöötani na Kirisito Yesu kubha tukörë amaköri amachömu, ghano ꞉reetusëëmiire tubhe toraköra.

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

2 Abhatesaronike 2:17

abhaghambisani emetema gheenyu na kobhaköngʼëërëri kwo mangʼana amachömu ghoose ghano moghosiikëra hamu ghuköra.

1 Timotewo 3:1

Angʼana ino n‑e hëënë kubha, “Erabha omooto akwënda emeremo ghe bhwimeerereri bho riikanisa, uyo niighombiri emeremo emichömu.”

1 Timotewo 5:10

Abhe omooto uno aghoghongibhu gho ghiri e maköri kinya ghano, abhe omooto uno arëriri abhaana bhoheene, na uno aghënëhiri abhaghëni, na uno abhahökiiri abhakumi gho kobheeghi amaghoro ghaabho, na uno abhasakiiri bhano bhakunyaakibhu. Gho ghayo, abhe omooto uno iruusiri ghuköra amaköri ghoose amachömu.

2 Timotewo 2:21

Ibheere, omooto ariiyeri gho ghotigha obhobhe bhuyo bhoose, naakubha kinya egheghiro ghe sooko kino kyahwiru. Naakubha arëngʼaaniire mo‑Mutëmi waache, naakubha isëëmiri mo‑meremo ghyose emichömu.

Tiito 1:16

Abheene mbakobhugha kubha mbeeche Eryobha, amare amaköri ghaabho ngakwërëki kubha, mbakoryanga. Bhayo mbaghukarari, na m‑bhiigharori, na bhataakurëngʼaanera kwo ngʼana yoyoose anchömu.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Tiito 3:1

Ubhe orabhahiiti abhaato kubha, bhabhasooke na kobhoghwera abhakangati na bhano bhaanyi no obhotoro. Bhabhe bhiisëëmiri ghuköra angʼana yoyoose anchömu.

Tiito 3:14

Abhakumi bhaghëndi bhiito nabho, bheeghe ghuköra amachömu, kubha bhabhatoori bhano bhaanyi na amënda gha hëënë. Bharaköra hangʼu, eriimanya reebho ndeekubha no obhwëra.

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.

Abheebhuraaniya 13:21

Eryobha rebhakörë mohikeerane kwo mangʼana amachömu ghoose, mukörë ghano ghaanyi amiigha ghaache. Wiiki abhahë obhotoro bho ghuköra ghano ghakomuchömëri gho ghughöötana na Yesu Kirisito. Iwe aghongibhu emiishe ne emiishe. Hawubhaabha.

1 Bheetero 2:12

Mobhakörërë amachömu abhaato bhano bhataryeche Eryobha, kubha eriibhagha bhaakubha bharabhabhiihera amangʼana amabhe, bharighi amaköri ghaanyu amachömu. Niho bhaghotora koreghongi Eryobha gho ghiri yaanyu, mo‑rosiko ro kuucha kooche.