Mataayo 24:9 - Eriiraghano Eriihë

⁹ Kwo riibhagha riyo, abhaato mbaakubha bharabhanyaaki na kobhiita, na abhaato bha matöngö ghoose mbakobharëgha, gho kubha moghuntambana eni.

Mataayo 24:9 ပူးပေါင်းရင်းမြစ်များ

Mataayo 22:6

Abhande bhakabhaghööta abhasësë bhaache bhayo, bhakabhatëma chwee na kobhiita.

Mataayo 23:34

“Gho ghiri iyo, mööhi, ˆnekabhatoma ghokoonyu abharööti bha Ryobha, na abhaato bhano bhaanyi bha mangʼiini gha Ngʼana e Ryobha na abheeghi bha meghiro kubha inyu mwigharure koru mo‑masari ghaanyu. Amare abhamu inyu mokobhiita na kobhamamba mo‑musarabha, abhande mokobhatëma ne emicharicho mo‑masinaghooghi ghaanyu. Na abhande mokobhasëëta mo‑meghya ghyose na kobhanyaaki.

Ruuka 11:49

“Nikyo ꞉ghiighëriri Eryobha rekabhugha hangʼu kwo mangʼiini ghaache, ‘Nekobhatomera abharööti na abhatomu. Amare, abhamu mokobhiita, na abhande mokobhanyaaki.’

Ruuka 21:12

“Amare, hano ghaakubha ghayo ghoose ghakeere kwiyërëkani, abhaato mbakobhaghööta na kobhahira mo‑masinaghooghi, na mbakobhabhöha mo‑maghërëcha, bharabhanyaaki. Wiiki mokohiru ambërë e bhatëmi na abhakangati, gho kubha inyu m‑bhaghëndi bhaane moonyi.

Yohana 15:18

Yesu akëëndërëra kobheeghi arabhugha, “Aribha abhaato bha mo‑se ino bharabharëgha inyu, mubhe morahiita kubha mbashamiri kundëgha eni.

Yohana 15:21

Amare mbakobhakörëra ghoose ghayo, gho ghiri e ghuntambana eni, gho kubha bhatamweche uno antomiri.

Yohana 16:2

Abhaato mbakobhahëëbha mo‑masinaghooghi. Ndekuucha eriibhagha rino omooto aramwita umu ghate yaanyu, nakwihëëbha kubha, nakorihökëri Ryobha.

Amaköri gha Bhatomu 28:22

Itu ntoghughanya kooghu ghano iye okwihëëbha, gho kubha atiini ino oghutambana, ntweche kubha neghosiikëru kobhe ahaghiro hoose.”

Amaköri gha Bhatomu 7:59

Hano bhaare bharamurasa amabhohe, Siteebhano aghasabha Eryobha, arabhugha, “Oo Omutëmi Yesu, osongʼaane akörö yaane!”

1 Bheetero 4:16

Amare wowoose uno akunyaaka gho kubha m‑Mokirisito, atarighi chaasoni. Amare areghongi Eryobha gho kobherekeru eriina riyo.

Obhohunyurëru 2:10

Motatiina anyaako ino ekuucha ghokoonyu. Mumööhi! Erishambu ndekobhasaki gho kobhatoora abhamu ghate yaanyu mwighërëcha. Inyu mokunyaaka gho chaasiko ikomi. Amare mubhe abhahëënë ghokoone, mbagha ghoku, na neeni nekobhaha atuho e bhuhöru bho miishe ghyose.

Obhohunyurëru 2:13

Eni nyeeche hano moghwikara, n‑ahaghiro hano Erishambu reghukangata. Koru hangʼu, mokwëndërëra ghonkumi. Koru eriibhagha riire omwibhateri waane omuhëënë Antibha ituru mo‑moghya waanyu uno Erishambu reghwikara, motanyangiri kubha m‑bhaghëndi bhaane moonyi.

Obhohunyurëru 7:14

Nekamugharokeri nekabhugha, “Oo omutëmi waane, iye niiye weeche.” Akamboorera akabhugha, “Abhaato bhayo mbakindiri anyaako yiire ankoro. ꞉Mbaahuriri chandachana cheebho kwo masaahë gha Moona o Ngʼöndu, cheekabha cheero chayi.