Mataayo 24:6 - Eriiraghano Eriihë

⁶ “Kwo riibhagha riyo mookubha morooghu amangʼana gha mahë na nyughunyughu e riihë. Motaacha kubha na amacheeche gho kubha ghayo ngakwëndëru ghaköru, amare antenero eyeene akeere.

Mataayo 24:6 ပူးပေါင်းရင်းမြစ်များ

Mataayo 2:3

Hano omutëmi Herote oghwire amangʼana ghayo, aghiitumata, haghirohamu na abhaato bhoose bha Yerusareemu.

Mataayo 24:14

Wiiki Angʼana Anchömu e bhutëmi bho Mwishaaro nekuraghanibhu mo‑matöngö ghoose kubha abhaato bhoose bhayimënyë. Kwo riibhagha riyo, niho antenero e se ekuucha.

Mataayo 26:54

Ibheere aribha neraköra hangʼu, nibhu ghaghuköra ghahikeerane ghano ghaandëkuru mo‑Mandëkö Amatööbhiyu kubha, hangʼu nibhu ghakwëndëru kubha?”

Ruuka 21:19

Obhuhöru bhoonyu mboghotooribhu, hano moghoghumereri.

Ruuka 21:9

Hano mokuucha kooghu amangʼana gha mahë, na anyööri yaaru, motatiina. Ghayo ghoose, ngakwëndëru gharwere singa, amare antenero e ghoose, ekeere.”

Ruuka 22:37

Yandëkuru, ‘Nabhareriinu haghirohamu na amanyangara.’ Amangʼana ghano ngaandëkuru ighoro yaane. ˆNekabhabhoorera kubha nekwëndëru ghaköru ghokoone, nagho haghuhe ghaanyi kohikeerana.”

Yohana 14:1

Yesu akëëndërëra kobheeghi akabhugha, “Motiitumata mo‑metema gheenyu, momokumi Waryobha, wiiki monkumi na neeni.

Yohana 14:27

Hano neghutanura, nekobhatighera omurëmbë, omurëmbë waane nekobhaha. Omurëmbë uno taanyi kinya uno okoru mo‑se. Motiitumata mo‑metema gheenyu, wiiki motatiina ghyokyose.

2 Abhatesaronike 2:2

motiitumata bhwango na kubha na ahaho kubha orosiko ro kuucha Omutëmi ndumariri kohika. Hamwabhe mooghwire amangʼana nyarebhe gha bhurööti, hamu ghano bhakuraghani, hande gha nyaarubha ino bhakwihëëbha kubha neruure ghokwito.

Obhohunyurëru 6:4

Hakarwera abharaasi ayende imbararatu piri. Mbe, uno are ayetiiriri, akahaabhu ekinyamiino ghekoro no obhotoro bho kurëëta eriihë mo‑se, kubha abhaato bhiitane.