Mataayo 24:5 - Eriiraghano Eriihë

⁵ Abhaato bhaaru mbakuucha kwo riina reene, bharabhugha, ‘Eni neeni Kirisito!’ Nabho mbakobhangʼiina bhaaru.

Mataayo 24:5 ပူးပေါင်းရင်းမြစ်များ

Mataayo 24:11

“Eriibhagha riyo, mbakorwera abharööti bhaaru bha bhuröngö na kobhangʼiina abhaato bhaaru.

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

Yohana 5:43

Eni niichiri kwo riina re Taata, na mwangiri ghonsongʼaana. Amare omooto owonde araacha kwo riina reeche omwene, iwe mokomokumi na komosongʼaana.

Yohana 8:24

Nikyo ghighëriri ˆnekabhabhoorera kubha mooghoku gho ghiri e masari ghaanyu. Mbe, moraanga ghokumi kubha ‘Eni Niwe’, mooghoku mo‑masari ghaanyu.”

Yohana 8:28

Mbe, Yesu akabhabhoorera akabhugha, “Hano mookubha momotiiriri Omoona o Mooto kubha momwite, niho mokuucha kumënya kubha ‘Eni Neeni.’ Wiiki mokuucha kumënya kubha ghoose ghano neghuköra, nteeghuköra gho changuru cheene, amare neghoghasiikëra ghano Taata anyeeghiri.

1 Yohana 2:18

Abhaana bhaane abhasiighani, eriibhagha re ntenero ndehikiri! Mooghwire kubha omobhisa o Kirisito nakuucha, na koru ibheere abhabhisa bhaaru bha Kirisito mbamariri kuucha. Kiyo nikyo gheghughëri toramënya kubha, ntoonyi mo‑riibhagha re ntenero.

1 Yohana 2:22

Omooto omobhiihi n‑niwe? Omooto omobhiihi w‑wowoose uno akwanga kubha Yesu n‑Kirisito. Wowoose uno akomwanga Taata Waryobha na Yesu Omoona waache niwe omobhisa o Kirisito.

1 Yohana 4:3

Amare uno ataakomokumi Yesu, taaghukangatu na Akörö e Ryobha. Omooto uyo naghukangatu na akörö e mobhisa o Kirisito. Na niinyu, mooghwire kubha akörö iyo nekuucha, ni ibheere nimariri kuucha mo‑se ino.

Obhohunyurëru 13:8

Abhaato bhoose ase ingima mbaghoghusëngëra oghotyenyi ghuyo, nanyinga abhaato bhano amariina ghaabho ghaandëkuru mo‑Ghitabhu ke Bhuhöru korwera hano ase ino ere ekeere ghutëëmu. Eghitabhu kino n‑ke Moona o Ngʼöndu uno ꞉asinchuru.