Mataayo 24:3 - Eriiraghano Eriihë

³ Mbe, Yesu aghaye mo‑gheghoro ke Miseyituuni na ghwikara hayo. Abhaanabheegha bhaache bhakamutambana iyo abheene chiri, bhakamobhoori bhakabhugha, “Notobhoorere, amangʼana ghayo ngakorwera nyingake? Wiiki, n‑ekyërëkërëri ke kino gheghotwërëki kubha okuucha koocho na antenero e se haghuhe enyi korwera?”

Mataayo 24:3 ပူးပေါင်းရင်းမြစ်များ

Mataayo 13:36

Akamara Yesu akariragha erikinda riire re bhaato, aghasöha mo‑nyumba. Abhaanabheegha bhaache bhakamusëëta, bhakamobhoorera bhakabhugha, “Toteemorere eghetuubhaani kiire ghe ghetoki kino keere a‑moghondo.”

Mataayo 13:49

Hangʼu nibhu ekubha orosiko ro ghotenera ekiina ase. Bhamarayika bha Ryobha mbakuucha na kobhaahukani abhaato bhano bhaköriri amasari, na bhano bhaanyi no obhuhëënë ambërë e Ryobha.

Mataayo 15:12

Niho abhaanabheegha bhaaghaye o‑Yesu, bhakamobhoori bhakabhugha, “Weeche kubha Amabharisaayo eriibhagha bhooghwire amangʼana ghaare ꞉obhughiri, ꞉mbaakariire chwee?”

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Mataayo 16:28

Mahëënë ˆnekabhabhoorera, mbaanyi‑ho abhamu bhiimeeriire hano, bhano bhataaghoku bhakeere kondighi eni Omoona o Mooto neraacha mo‑bhutëmi bhoone.”

Mataayo 17:19

Bhakamara abhaanabheegha bha Yesu bhakamutambana bhahööyë nawe, bhakamobhoori bhakabhugha, “Ngwake itu totaatoriri kowuhëëbha omusambu wuure?”

Mataayo 21:1

Hano Yesu na abhaanabheegha bhaache bhatingʼiri Yerusareemu, haghuhe ne ekyaro ke Bhetibhaaghe mo‑gheghoro ke Miseyituuni. Yesu akabhatoma abhaanabheegha bhaache bhabhere,

Mataayo 24:27

Nekobhugha hangʼu gho kubha, kuucha koone uno neenyi Omoona o Mooto ngookubha gho ghutakani kinya bhuno orunanehi rohaarighibhu korwera roghoro, hayo hayo rohika anyancha.

Mataayo 24:30

“Niho ghekorighibhu ekyërëkërëri ke Moona o Mooto mwishaaro na abhaato bha matöngö ghoose mbaghusëëma korera kwo haho. Hano nekuucha, abhaato bhoose mbakondighi mo‑mashaaro neenyi na changuru no obhokumi obhokoro.

Mataayo 24:37

Gho ghayo, okuucha koone eni uno neenyi Omoona o Mooto ngookubha kinya bhuno ere mo‑chaasiko che Nuhu.

Mataayo 24:39

Abhaato bhayo, bhataamanyiri kubha neke ghekuucha korwera mbagha hano oghwichoreru kwo manche korweriire na kobhiita bhoose. Hangʼu nibhu ekubha kuucha koone eni uno neenyi Omoona o Mooto.

Mataayo 24:43

Amare mumënyë bhoheene angʼana ino, aribha omwene anyumba angamënyiri eriibhagha rino omwibhi akuucha, nangiisëëmiri ghochonga kubha omwibhi ataacha kuucha na kuhaanyura eghisëku ke nyumba yaache.

Mataayo 28:20

Wiiki mobheeghi ghoghaghööta ghoose ghano nebherekeriiri inyu. Mööhi! Neekubha haghirohamu na niinyu eriibhagha ryose mbagha mo‑ntenero e se.”

Ruuka 21:7

Wiiki bhakamobhoori, “Omweghi, amangʼana ghayo ngakorwera nyingake? N‑ekyërëkërëri ke kino ghekuucha kwërëki kubha ghayo haghuhe ghaanyi korwera?”

Amaköri gha Bhatomu 1:7

Akabhagharokeri akabhugha, “Emiishe na amabhagha gha mangʼana ghayo, inyu motaakwëndëru ghoghamënya, gho kubha n‑Taata omwene kwo bhotoro bhooche niwe eche nyingake ghakorwera.

Abheebhuraaniya 9:26

Aribha nengabheere hangʼu, mbe, nangabheere arëndëru kunyaaka mara kaaru korwera hano Eryobha ritëëmiri ase. Amare iwe mo‑chaasiko chino che ntenero, niichiri na kwiruusi kubha amaruusi mara rimu hangʼu kubha atomuse amasari ghiito.