Mataayo 23:9 - Eriiraghano Eriihë

⁹ Wiiki, motabha moramobherekera omooto wowoose morabhugha, ‘Oo taata’ mo‑se ino, gho kubha moonyi ni Iso waanyu umu hangʼu, uno anyi Mwishaaro.

Mataayo 23:9 ပူးပေါင်းရင်းမြစ်များ

Mataayo 23:10

Amare inyu motabha moriishereri bharabhabherekera bharabhugha, ‘omukangati,’ gho kubha moonyi no Omukangati umu hangʼu, nawe niwe Kirisito.

Mataayo 6:32

Nekobhugha hangʼu gho kubha, bhoose bhano bhataryeche Eryobha mbahaaköra ghayo ghayo, na Taata waanyu uno anyi Mwishaaro neeche bhoheene kubha mokobhyënda.

Mataayo 7:11

Nangabha moonyi bha masari, mweche kobhaha abhaana bhaanyu ebheghiro ebhichömu. Mbe! Taanyi hëënë kubha, Taata waanyu uno anyi Mwishaaro naghuköra ghokera ghayo? Mahëënë nakobhaha ebhichömu bhoose bhano bhakomusabha!

Amaköri gha Bhatomu 22:1

Bhawuro akabhugha, “Bhahiiri bhaane na bhataata, muntëghëërërë hano neekubha neriitachura ambërë yaanyu!”

1 Abhakorinto 4:15

Koru nangabha moonyi na abhaato bhaaru bhano bhakobharëra mo‑riimanya reenyu re Ghekirisito, iso n‑umu. Eni neeni iso gho Kirisito Yesu, gho kubha n‑eni ꞉neebharaghaniiri Angʼana Anchömu.

2 Abhakorinto 6:18

Neekubha Iso waanyu, na niinyu mookubha abhaana bhaane bha ghesubhe na bha ghikari. Hangʼu nibhu Omutëmi Waryobha o Bhotoro Bhoose, akobhugha!”

Abheebhuraaniya 12:9

Haghirohamu na ghayo, itu bhoose ntoonyi na bhataata abhiibhori bhiito, mbaare bharaturööna, na niitu ntoore torabhasooka. Kana, totaakwëndëru komosooka chwee Waryobha Taata wiito uno anyi Mwishaaro kubha tubhe no obhuhöru?

1 Yohana 3:1

Mbe, morighi kebhuno Taata Waryobha atosiighiri chwee, kubha itu tobherekeru abhaana bhaache! Mahëënë hangʼu toonyi. Abhaato bhano bhataakoresooka Eryobha bhateeche kubha itu n‑abhaana bha Ryobha toonyi, gho kubha bhataryeche iryo.