Mataayo 23:8 - Eriiraghano Eriihë

⁸ “Amare inyu motabha moriishereri bharabhabherekera bharabhugha, ‘Oo omweghi’, gho kubha moonyi no Omweghi umu hangʼu, inyu n‑abhaghëndi bhaache moonyi.

Mataayo 23:8 ပူးပေါင်းရင်းမြစ်များ

Mataayo 10:25

Omoonamwegha nakwëndëru abhe kinya omweghi waache no omusësë woose abhe kinya omutëmi waache. Aribha akomobherekera omokoro o nyumba kubha m‑Bherisebhuuri, kana, taakobhabherekera abhaato bha mo‑nyumba yaache amariina amabhe ghokera ghayo?

Mataayo 17:5

Hano Bheetero are akeere arasiikëra, mööhi, rekaacha erishaaro rerarëngaari na kobhakundekeri. Bhakamara bhakooghu eriiraka koru Mwishaaro riyo rerabhugha, “Uno n‑Omoona waane omosiighani, neghuchömëru nawe, momutëghëërërë!”

Mataayo 23:10

Amare inyu motabha moriishereri bharabhabherekera bharabhugha, ‘omukangati,’ gho kubha moonyi no Omukangati umu hangʼu, nawe niwe Kirisito.

Mataayo 23:7

Wiiki, mbasiighiri chwee bhakëëribhu gho sooko mo‑mitëëra na bhabhe bharabhabherekera bharabhugha, ‘Oo omweghi.’

Mataayo 26:25

Mbe, Yuuta uno akomotoora Yesu mo‑mabhökö gha bhabhisa, woose akamobhoori akabhugha, “Oo Omweghi, ghasi n‑eni?” Yesu akamugharokeri akabhugha, “N‑iye ˆokabhugha.”

Mataayo 26:49

Hayo hayo, Yuuta aghaye o‑Yesu, akamobhoorera akabhugha, “Oo Omweghi, mbwiriri!” Akamara akamutahata.

Maariko 10:51

Yesu akamobhoori akabhugha, “Neke okwënda neghukörërë?” Omohuku uyo akamugharokeri akabhugha, “Omweghi, neghusabha netore korighi.”

Maariko 11:21

Bheetero akahiita amangʼana ghano Yesu abhughiri, akamobhoorera akabhugha, “Omweghi, mööhi! Omote o motiini uno ꞉wiihiimiri, woomiri!”

Maariko 14:45

Hano Yuuta ahikiri hayo, akamusëëta Yesu kimu kimu, akabhugha, “Omweghi!” Akamutahata.

Maariko 9:5

Bheetero akamobhoorera Yesu akabhugha, “Omweghi, ekabha bhoheene itu kubha hano. Twabhëkë hano ebhebhuru bhitato, kimu kibhe ghekeecho, ne ekende ke Musa, ne ekende ke Eriya.”

Ruuka 22:32

Amare, neghusabhiire kwo Waryobha, kubha otakindu mo‑bhokumi bhoocho. Na hano okubha ungarökiire, obhatoore changuru abhaghëndi bhaacho.”

Yohana 1:38

Mbe, Yesu aghiishoorori, akabharighi abhaanabheegha bhaare bharamutambana. Akabhabhoori akabhugha, “Kana, neke mokwënda?” Ibho bhakamugharokeri bhakabhugha, “Oo Raabhi, kana, hayi umanyiri?” Raabhi egheteemoro keeche n‑Omweghi.

Yohana 1:49

Niho Natanaheri akamugharokeri akabhugha, “Oo Omweghi, iye n‑Omoona o Ryobha! Iye n‑Omutëmi o Isiraeri!”

Yohana 11:8

Abhaanabheegha bhaache bhakamugharokeri bhakabhugha, “Oo Omweghi, n‑ghano matiko Abhayahuuti ꞉bhëëndiri ghokurasa na amabhohe kubha bhaghwite. Mbe, neke okwënda ghogheera iyo wiiki?”

Yohana 20:16

Yesu akamobherekera akabhugha, “Iye Mariyamu!” Niho Mariyamu aghiishoorori wiiki, akamorighi Yesu, aghasiikëra gho Kebhuraaniya akabhugha, “Rabhooni!” Egheteemoro keeche “Omweghi.”

Yohana 3:2

Orosiko rumu obhotiko, aghaye o‑Yesu akamobhoorera akabhugha, “Oo Omweghi, ntweche kubha iye n‑Omweghi uno otomuru ne Eryobha, gho kubha taanyi‑ho omooto uno aghotora ghuköra ebhyërëkërëri bhino oghuköra, aribha Eryobha retaanyi haghirohamu nawe.”

Yohana 3:26

Niho bhaaghaye o‑Yohana, bhakamobhoorera bhakabhugha, “Oo Omweghi, omooto uno ore nawe amwambuko e rooche ro Yorotaani, uno ꞉otobhooriire amangʼana ghaache, woose nakubhatiisa na abhaato bhoose mbakomutambana.”

Yohana 4:31

Hano abhaato bhaare ꞉bhaare bhakeere kohika, abhaanabheegha bhaache bhakamusabha bhakabhugha, “Oo Omweghi, nuraaghërë.”

Yohana 6:25

Hano abhaato bhaare bhahikiri amwambuko o nyancha, bhakamubhöna Yesu, bhakamobhoori bhakabhugha, “Oo Omweghi, nyingake wichiri ino?”

Yohana 9:2

Abhaanabheegha bhaache bhakamobhoori bhakabhugha, “Oo Omweghi, omooto uno ꞉niibhwiru omohuku gho ghiri e masari gha we? Gha mooto uno hamu gha bhiibhori bhaache?”

2 Abhakorinto 1:24

Kino nekwënda kobhugha n‑kubha, totaakwënda ghukangata obhokumi bhoonyu, gho kubha mumariri ghuköngʼëri mo‑bhokumi. Amare, itu n‑abhatamishi haghirohamu na niinyu, gho ghiri e ghuchömëru koonyu.

2 Abhakorinto 4:5

Itu totaakuraghani amangʼana ghiito, amare ntokuraghani kubha Kirisito Yesu niwe Omutëmi, na niitu n‑abhatamishi bhaanyu toonyi gho ghiri yaache.

Abhaebheeso 3:15

uno anyi simoka e bhyose bhino bheenyi mo‑se na Mwishaaro.

Bhiremooni 1:16

Korwera ibheere, iwe taanyi kinya omusësë ghokoocho, amare iwe n‑ngʼoni ghokera omusësë. Iwe n‑kinya omohiiri omosiighani. Eni nemosiighiri chwee, iye nokomosiigha ghokera eni, kinya omusësë o mo‑nyumba yaacho, wiiki kinya omohiiri kwo Mutëmi Yesu.

Yakobho 3:1

Abhahiiri bhaane, motabha abheeghi bhaaru, kinya bhuure mweche kubha itu abheeghi, Eryobha ndeghototenera ekiina ghokera abhande.

1 Bheetero 5:3

Motabha abhariishi abhahaari kwo bhano moghukangata, amare mo‑riimanya reenyu, mubhe eghetuubhaani ghichömu ghokoobho.

Obhohunyurëru 1:9

Eni Yohana n‑omokumi omughëndi waanyu neenyi. Nighöötiine na niinyu ghoghumereri kunyaaka gho ghiri e Yesu Kirisito no obhutëmi bhooche. Neere nihööchëriiru mo‑gheghinga ke mo‑nyancha kino ghekobherekeru Bhaatimo. ꞉Niihööchëriiru iyo gho ghiri e kuraghani angʼana e Ryobha, na koruusi obhwibhateri ighoro e Yesu.

Obhohunyurëru 19:10

Niho neghagho kebhuuma ambërë e marayika uyo, kubha nemusëngërë. Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhakoruusi obhwibhateri ighoro e Yesu. Mbe, usëngërë Eryobha eryene chiri! Gho kubha, obhuhëënë bhuno Yesu ërëkiri, nibho bhoghughëri abhaato bhararuusi obhurööti.”

Obhohunyurëru 22:9

Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhaghutambana amangʼana gha ghitabhu kino. Mbe, orisëngërë Eryobha eryene chiri!”