Mataayo 23:2 - Eriiraghano Eriihë

² “Abheeghi bha meghiro na Amabharisaayo mbaanyi no obhotoro bho kobheeghi abhaato emeghiro.

Mataayo 23:2 ပူးပေါင်းရင်းမြစ်များ

Mataayo 23:3

Gho ghayo, moghaghöötërërë na ghoghakörëra emeremo ghoose ghano bhakobhabhoorera. Amare motabha moratambana amaköri ghaabho, gho kubha ibho bhataaghoghaköra na ghoghatambana ghoose ghano bhakweghi.

Maariko 12:38

Yesu akabhabhoorera abhaato mo‑meeghi ghaache kubha, “Mwikabhaahe na abheeghi bha meghiro. Mbasiighiri ghughënda bhabheekiri chandachana cheebho indë, na ghukëëribhu gho sooko mo‑mitëëra.

Ruuka 20:46

“Mwikabhaahe na abheeghi bha meghiro! Mbasiighiri ghughënda bhabheekiri chandachana cheebho indë, na ghukëëribhu gho sooko mo‑mitëëra. Wiiki mo‑masinaghooghi, mbasiighiri ghwikara mo‑bhetumbe bhe mbërë, na aribha bharaghiinu mo‑nyangi, mbasiighiri ghwikara hano abhakangati bhiikeere.