Mataayo 22:3 - Eriiraghano Eriihë

³ Omutëmi uyo akabhatoma abhasësë bhaache kobhabherekera bhano are araghiini kubha bhaache mwirugha, amare ibho bhakaanga kuucha.

Mataayo 22:3 ပူးပေါင်းရင်းမြစ်များ

Mataayo 21:34

“Hano eriibhagha re ghughësa rehikiri, akabhatoma abhatamishi bhaache kwo bharemi bhaare kubha bhaghëndë bhamwimokeri eribhaara reeche re munöghö.

Mataayo 23:37

Niho Yesu akabhugha, “Inyu abhaato bha Yerusareemu! Inyu abhaato bha Yerusareemu! Mokobhiita abharööti na kobharasa amabhohe abhaato bhano Eryobha ꞉reetomiri. Kwo riibhagha ryaru nyëndiri kobhakoma inyu, kinya angökö ehaakoma ebhechuri bheeche mo‑mabhabha ghaache, amare mötëëndiri!

Mataayo 3:2

“Motuukuune amasari ghaanyu, gho kubha obhutëmi bho Mwishaaro ˆbhoghatingʼi.”

Mataayo 9:15

Yesu akabhagharokeri akabhugha, “Abhaato bhano bharaghiinu mwikwirëra, mbaghotora bhu kubha na amacheeche eriibhagha bhaanyi haghirohamu na uno aghokwira? Amare eriibhagha ndekohika rino omokwiri akoruusibhu ghate yaabho. Mbe, kwo riibhagha riyo, mbakwiyima ebhiinyakurë.

Ruuka 13:34

“Inyu abhaato bha Yerusareemu! Inyu abhaato bha Yerusareemu! Mokobhiita abharööti na kobharasa amabhohe abhaato bhano Eryobha ꞉reetomiri. Kwo riibhagha ryaru nyëndiri kobhakoma inyu, kinya angökö ehaakoma ebhechuri bheeche mo‑mabhabha ghaache, amare mötëëndiri.

Ruuka 15:28

Omoona uyo omokoro aghakarara chwee, akaanga ghusöha aka. Ishe akahoroka anche, akabha aramusasaama asöhë.

Ruuka 19:27

Ibheere, abhabhisa bhaane bhoose bhano bhataare bharëënda nibhe omutëmi waabho, mobharëëtë hano, mobhiite ambërë yaane!’”

Yohana 5:40

Amare inyu motaakwënda kuucha ghokoone, kubha mubhönë obhuhöru bho miishe ghyose.

Amaköri gha Bhatomu 13:45

Amare Abhayahuuti hano bharooche kubha abhaato bhaaru mbiikomiine kobhatëghëërëra abhatomu bhayo, bhaghaghöötu ne eriihari chwee. Bhaakabha bharashangʼaana na Bhawuro, na ghosiikëra amangʼana amabhe gha kwanga, ghano Bhawuro are arasiikëra.

Abharuumi 10:21

Amare ighoro e Bhiisiraeri, Eryobha ꞉ndeebhughiri kubha, “Mwishe moghima nyëndiri koghwana na abhaato bhaane, amare n‑abhaato bhano bhataaghonsooka, wiiki n‑abhaato bhano bhakonyanga.”

Abheebhuraaniya 12:25

Mbe, mukabhaahe motaacha kwanga komutëghëërëra uno aghosiikëra na niinyu. Aribha Abhiisiraeri bhataatooriibhu hano bhaangiri komutëghëërëra wuure are arabhatöngëra hano mo‑se, itu ntoghotora bhu ghotooribhu aribha toraanga komutëghëërëra uno aghotutöngëra koru Mwishaaro?

Abheebhuraaniya 9:15

Gho ghayo, Yesu niwe akobhaghöötani abhaato ne Eryobha mo‑Riiraghano Eriihë kubha abhaato bhano Eryobha rebhahwire bhabhönë obhuhöru bho miishe ghyose bhuno ꞉riiraghiri kobhaha. Ghano ngaghotora ghuköru hangʼu gho kubha Yesu ꞉naakuure kubha abhatingori abhaato koru mo‑masari ghano ꞉bhaare bharaköra mo‑Riiraghano re Kare.

Obhohunyurëru 22:17

Akörö e Ryobha no omokwiru mbakomobherekera Omutëmi bharabhugha, “Nuuche!” Na abhaato bhoose bhano bhakooghu amangʼana ghayo bhabhughe, “Nuuche!” Wowoose uno anyi na anyööta, uno akwënda amanche, ache anyo amanche gha bhuhöru bhoowa.