Mataayo 22:22 - Eriiraghano Eriihë

²² Hano bhooghwire amagharokeri gha Yesu, bhakaroghoora chwee. Niho bhakamotigha hayo, bhaghatanura.

Mataayo 22:22 ပူးပေါင်းရင်းမြစ်များ

Mataayo 10:16

“Ibheere mutëghëërëra, ˆnekabhatoma kinya changʼöndu ghateghate e chasuuche. Mbe, mubhe na amangʼiini ghe nchöka, wiiki mubhe bhahörëëru ghe sarari.

Mataayo 22:33

Hano amakinda gha bhaato ghooghwire ghayo, bhakaroghoora chwee kwo meeghi ghaache.

Mataayo 22:46

Taanyi‑ho omooto uno atoriri komugharokeri Yesu ghyokyose. Korwera orosiko ruyo taanyi‑ho omooto uno asakiri komobhoori Yesu amabhoori aghande wiiki.

Mataayo 8:10

Hano Yesu oghwire amangʼana ghayo, akaroghoora chwee. Akabhabhoorera bhano ꞉bhaare bharamutambana akabhugha, “Mahëënë ˆnekabhabhoorera, ghate e Abhiisiraeri bhoose, ntiimara ndighi omooto wowoose uno anyi no obhokumi bhokoro bhonga bhuno!

Maariko 12:12

Abhakoro bha bhachaama, na abheeghi bha meghiro na abhagharuka bha Bhayahuuti bhakamënya kubha eghetuubhaani kiyo, nibho gheghosiikërëra. Niho bhakëënda komughööta, amare bhaghatiina erikinda re bhaato, bhakamotigha, bhaghatanura.

Ruuka 21:15

Eni mwene, nekobhaha amangʼiini na amangʼana ghano moghosiikëra, koru abhabhisa bhaanyu bhataaghotora ghoghaanga hamu kobhakinda.

Amaköri gha Bhatomu 6:10

amare bhataatoriri komokinda gho kubha naare na amangʼiini kwo bhotoro bho Körö Ahörëëru ino ꞉emukangatiri hano are arasiikëra.

Abhakorosaayi 4:6

Eriibhagha ryose amangʼana ghaanyu ghabhe amachömu na gha ghotegheri, kubha mumënyë komugharokeri bhoheene omooto woose.