Mataayo 22:16 - Eriiraghano Eriihë

¹⁶ Niho bhakabhatoma o‑Yesu abhaanabheegha bhaabho haghirohamu na abhaato bhano bhaghöötiine na abhaato bha mutëmi Herote, bhaaghaye, bhakamobhoori bhakabhugha, “Oo Omweghi, ntweche kubha iye n‑omooto o hëënë na kubha nokweghi ghano ghaanyi gha Ryobha kwo bhuhëënë. Wiiki, tooghotiina koru omooto uno anyi no omweya wi ighoro.

Mataayo 22:16 ပူးပေါင်းရင်းမြစ်များ

Mataayo 22:24

“Omweghi, Musa ꞉naaturagheriiri mo‑meghiro gheeche kubha aribha omooto araku na komotigha omukari atiibhwire, nekwëndëru ömööbhö amughabhe omosino uyo kubha amwibhorere abhaana abhooki aka e mosiri uyo.

Mataayo 22:26

Omonyi waache woose aghaku atiibhwire. ꞉Niibheere hangʼu hangʼu na kwo uno o ghatato mbagha o mohungate.

Mataayo 26:18

Yesu akabhatarëra eriina re mooto nyarebhe, akabhabhoorera akabhugha, “Moghi mo‑moghya o Yerusareemu momobhoorere omooto uyo mobhughe, ‘Omweghi natotomiri, arabhugha, “Eriibhagha reene ˆreghatingʼi. Eni na abhaanabheegha bhaane ntookurë ebhiinyakurë bhe Bhaasaka mo‑nyumba yaacho.”’”

Mataayo 26:49

Hayo hayo, Yuuta aghaye o‑Yesu, akamobhoorera akabhugha, “Oo Omweghi, mbwiriri!” Akamara akamutahata.

Maariko 10:17

Hano Yesu na abhaanabheegha bhaache bhasëëmiri ghutanura, omooto umu akamuyaarera, akabhuna ebheru ambërë yaache. Akamobhoori Yesu akabhugha, “Omweghi omuhëënë, nikörë ke, kubha mo‑rosiko ro ntenero nibhönë obhuhöru bho miishe ghyose?”

Maariko 12:13

Niho abhakangati bhayo bha Bhayahuuti bhaghatoma Amabharisaayo nyarebhe na abhatoorereri bha mutëmi Herote Antibha, bhamughööti Yesu kurëngʼaana na amangʼana ghaache omwene.

Maariko 12:14

Bhakamutambana Yesu, bhakamobhoorera bhakabhugha, “Omweghi, ntweche kubha ghoose ghano oghosiikëra n‑gha mahëënë. Iye tooghotereera omweya o mooto wowoose, koru taanyi gheghiro ghokoocho. Nokweghi anchëra e Ryobha kwo bhuhëënë. Ibheere, kurëngʼaana ne emeghiro ghe Musa, ntokwëndëru koreha erighööti gho Kayisaari ghasi tiyaanyi?”

Maariko 3:6

Niho Amabharisaayo bhayo bhakahoroka anche, bhaghatëmëërana na korwacha na abhatoorereri bha mutëmi Herote Antibha, bharatabhara anchëra e komwita Yesu.

Maariko 8:15

Yesu akabhashaangʼi akabhugha, “Mubhe amiisho no obhotondoru bho Mabharisaayo na bho mutëmi Herote Antibha.”

Ruuka 20:21

Ibheere, abhaseghaayi bhayo bhakamobhoori bhakabhugha, “Omweghi, ntweche kubha angʼana yoose ino oghosiikëra na kweghi n‑e hëënë. Wiiki nokweghi amangʼana gha Ryobha kwo bhuhëënë, abhaato bhamënyë kinya okwënda, wiiki tookomwikara a‑mughöngö omooto wowoose wuure.

Ruuka 7:40

Yesu akamobhoorera akabhugha, “Oo Simiyooni, neenyi na angʼana e ghokobhoorera.” Akamugharokeri akabhugha, “Oo Omweghi waane, nomboorere.”

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 18:37

Mbe, Bhiraato akamobhoori akabhugha, “Kana, m‑mahëënë kubha iye n‑omutëmi?” Yesu akamugharokeri akabhugha, “N‑iye ˆokabhugha kubha eni n‑omutëmi. Eni niibhwiru mo‑se ino, wiiki niichiri kubha nebheeghi abhaato obhuhëënë. Omooto wowoose uno aghutambana obhuhëënë, naghoghooghu amangʼana ghaane.”

Yohana 7:18

Omooto wowoose uno aghosiikëra ghaghaache omwene, naghwitabharera obhokumi bhooche obhokoro omwene. Amare uno aghutabhara obhokumi obhokoro bho wuure amotomiri, naghosiikëra gha hëënë, taanyi gha bhuröngö.”

2 Abhakorinto 2:17

Itu totaanyi kinya abhaato abhaaru bhano bhaghukörëra angʼana e Ryobha obhosorocha kubha bhabhönë obhwëra. Amare kwo bhotoro bho Kirisito, ntokuraghani angʼana e Ryobha mo‑bhughöröröku bhoose ambërë e Ryobha, gho kubha niryo ꞉reetotomiri.

2 Abhakorinto 4:2

Ntwangiri inkongʼorimu ghuköra ghano ghaanyi mo‑kebhisere na gha chaasoni, koru kobhangʼiina abhaato, koru ghusangerani angʼana e Ryobha no obhuröngö. Amare ntoghosiikëra obhuhëënë haheero, kubha abhaato bhoose bhamënyë mo‑metema gheebho kubha ntoonyi no obhuhëënë ambërë e Ryobha.

2 Abhakorinto 5:16

Gho ghayo, korwera ibheere totaakurëngi omooto wowoose kinya bhuno abhaato bhano bhataakomokumi Kirisito bhahaarëngi. Koru Kirisito totaakomurëngi wiiki gho nchëra iyo, nangabha eriibhagha nyarebhe ꞉ntuuköriri hangʼu.

Abhagharatiya 1:10

Ibheere, mokwihëëbha kubha neghutabhara ghwisherereru na abhaato? Tiyaanyi, eni neghutabhara ghwisherereru ne Eryobha eryene chiri. Ghasi mokwihëëbha kubha neghutabhara ghuchömëri abhaato? Aribha nengatabhiire kobhachömëri abhaato, ntengabheere omutamishi o Kirisito.

Abhagharatiya 2:6

Amare abhakangati bhaare bha riikanisa bhano bhaghosooku chwee na abhaato, bhataare na angʼana yoyoose ahë e komboorera. M‑mahëënë mbasookuru chwee, amare ghokoone eni ghayo ghataanyi ne ekebhune ghyokyose gho kubha Eryobha retaanyi no obhwingʼaheri.

1 Abhatesaronike 2:4

Amare ntokuraghani gho kubha Eryobha ndetorooche kubha nturëngʼaaniire, reghatuha omoremo o kuraghani Angʼana Anchömu. Totaaghwitëngʼëra ghuchömëri abhaato, amare ntokwënda korichömëri Eryobha, rino rekorighi ghoose ghano ghaanyi moose e metema ghiito.

Yakobho 3:17

Amare, amangʼiini ghano ghaakoru kwo Waryobha, m‑machömu wiiki n‑gha murëmbë, no obhuhörëëru, igho ngaghutëghëërëra amangʼana gha abhaato. Igho ngiichwire changori na amaköri amachömu, na ghataanyi no obhwahukani koru obhobhiihi.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.