Mataayo 22:13 - Eriiraghano Eriihë

¹³ Mbe, omutëmi uyo akabhabhoorera abhatamishi bhaache akabhugha, ‘Momubhöhë omooto uno amaghoro na amabhökö na momurëkërë anche mo‑kengʼuuri, iyo niho abhaato bhaakubha bhararera na ghukararaati amiino gho ghiri e bhuhëmbërëra bhuhaari.’”

Mataayo 22:13 ပူးပေါင်းရင်းမြစ်များ

Mataayo 12:29

Amare, obhuhëënë n‑kubha, omooto taaghotora ghusöha mo‑nyumba e mooto uno anyi na changuru, na komuhöka ebheghiro bheeche, aribha atashamiri komubhöha singa. Aramubhöha, niho aghotora komuhöka ebheghiro bheeche.

Mataayo 13:30

Mobhetighe bhyose bhekore haghirohamu mbagha eriibhagha re ghughësa. Eriibhagha riyo, nekobhabhoorera abhaghësi kubha bhashame bhakome eghetoki na ghoghetoora mo‑matuumu kubha ghyekibhu. Amare changano bhachekome na ghochetindeka mo‑ghitara keene.’”

Mataayo 13:42

Bhamarayika bhayo mbakobharëkëra abhaato bhoose mo‑riinata re mororo, muyo mbaakubha bhararera na ghukararaati amiino gho ghiri e bhuhëmbërëra bhuhaari.

Mataayo 13:50

Bhamarayika bhayo mbakobharëkëra abhaköri bha masari mo‑riinata re mororo, muyo mbaakubha bhararera na ghukararaati amiino gho ghiri e bhuhëmbërëra bhuhaari.”

Mataayo 24:51

Niho omutëmi wuure akomurööna na komutëma anchagho inkoro na komurëkëra hano chaghughuuti cheenyi. Iyo niho abhaato bhayo bhakorera na ghukararaati amiino gho ghiri e bhuhëmbërëra bhuhaari.”

Mataayo 25:30

Omusësë uno, taanyi no obhwëra bhobhoose. Momurëkërë anche mo‑kengʼuuri hano akorera na ghukararaati amiino gho ghiri e bhuhëmbërëra bhuhaari.”

Mataayo 8:12

Amare bhano ꞉bhëëndiiru kubha mo‑bhutëmi bhuyo, mbakurëkëru anche mo‑kengʼuuri. Hayo mbakorera na ghukararaati amiino gho ghiri e bhuhëmbërëra bhuhaari.”

Ruuka 13:28

“Niho mokorera na ghukararaati amiino, hano mokomorighi Abhurahamu, Isaka, na Yakobho, na abharööti bhoose bhaanyi mo‑bhutëmi bho Ryobha. Amare inyu mookubha mwighariiru anche!

Yohana 21:18

Mahëënë ˆneghakobhoorera, hano ore omobhureni, noore unariri kobheeka changibho cheecho, na ghuye hohoose hano wëndiri. Amare hano oghokunguha, noghughöröröki amabhökö ghaacho no omooto owonde naghokobheeki changibho cheecho na ghokohira hano otaakwënda ghuye.”

Amaköri gha Bhatomu 21:11

Aghabho uyo aghatusëëta, akiimoki omoshibhi o Bhawuro, akiibhöha mo‑maghoro na mo‑mabhökö, akabhugha kubha, “Akörö Ahörëëru nebhughiri kubha, ‘Omwene omoshibhi uno, hangʼu nibhu Abhayahuuti bha Yerusareemu bhakomubhöha gho changuru, na mbakomuhaana mo‑mabhökö gha bhaato bha matöngö.’”

Amaköri gha Bhatomu 7:54

Hano abhakoro bhayo bha Bhayahuuti bhooghwire amangʼana ghayo gha Siteebhano, bhaghakarara chwee, bhaghakararaati amiino ghaabho kwo bhororo.

2 Abhatesaronike 1:9

Okuröönu koobho ngookubha ghosireekereru kwo miishe ghyose na kwahoru gho ghotooru kurë no Omutëmi no obhokumi obhokoro bho changuru cheeche.

2 Bheetero 2:17

Abhaato bhayo n‑kinya ebhesima bhino bhyomiri, n‑kinya amashaaro ghano ghakohiru no obhukama. Ahaghiro hano haanyi ne ekengʼuuri ghe kuruu hatindekuru gho ghiri yaabho.

2 Bheetero 2:4

Hano bhamarayika bhaköriri amasari, Eryobha retabharoochiire changori, amare ꞉ndeebharëkiire nyaari, hano bhabhöhuru ne eminyörörö. Iyo mo‑kengʼuuri ke nyaari mbaghughanya orosiko ruure ro ghoteneru ekiina.

Yuuta 1:13

Bhataaghotora kwihööchërëra kinya emekunda emihaari ghe mo‑nyancha, na amaköri ghaabho gha chaasoni ngaghusancha kinya eriihuru re mekunda. Mbanga kinya chanchöta chino cheeghuye ino na ino na kobhora. Eryobha ndebhatooriire ahaghiro hano haanyi ne ekengʼuuri ghe kuruu bhiikare‑mu emiishe ghyose.

Yuuta 1:6

Wiiki, mohiite bhamarayika bhano bhatiishereriini ne emyeya gheebho, bhaghatigha obhwikari bhoobho. Eryobha ndebhabhöhiri mo‑kengʼuuri ne eminyörörö emiishe ghyose. Iyo mbaghughanya ghoteneru ekiina mo‑rosiko ruure orokoro.

Obhohunyurëru 21:27

Amare ghetaanyi‑ho ghyokyose kino keenyi gheghonchu kino gheghusöha mo‑moghya uyo, koru omooto wowoose uno aghuköra amangʼana gha chaasoni hamu ghosiikëra obhuröngö. Amare, abhaato bhano bhaghusöha mo‑moghya uyo m‑bhaare amariina ghaabho ghaandëkuru mo‑Ghitabhu ke Bhuhöru ke Omoona o Ngʼöndu.