Mataayo 22:12 - Eriiraghano Eriihë

¹² Akamobhoori akabhugha, ‘Oo musaani, nibhu uköriri oghasöha muno ino otabheekiri erighööti re mwirugha?’ Amare omooto uyo tabhwine re komugharokeri.

Mataayo 22:12 ပူးပေါင်းရင်းမြစ်များ

Mataayo 20:13

“Omwene omoghondo uyo akamugharokeri umu mo‑bhaato bhayo akabhugha, ‘Oo musaani, ntekongʼiiniri gho ghyokyose. Kana, totiishereriini kubha noghuköra omoremo kwo mareho gha rosiko rumu?

Mataayo 26:50

Yesu akamugharokeri akabhugha, “Oo musaani, nukörë kino wichiri ghuköra.” Mbe, abhaato bhaare bhakamughööta Yesu na komubhöha.

Mataayo 5:20

Mbe, ˆnekabhabhoorera kubha, aribha moraanga ghuköra ghano Eryobha rekwënda ghokera Amabharisaayo na abheeghi bha meghiro, motaaghusöha kimu mo‑bhutëmi bho Mwishaaro.

Abharuumi 3:19

Mbe, itu ntweche kubha, hano Amandëkö Amatööbhiyu ghakwërëkërëri egheghiro ghyokyose, ngakwërëkërëri abhaato bhano ꞉bhaahaabhuru Amandëkö ghayo. Hano Amandëkö ghakobhugha hangʼu, n‑kubha abhaato bhoose, Abhayahuuti na abhaato bha matöngö bhatabha na angʼana e ghwitachura hano Eryobha reghotenera ekiina ase, wiiki erighibhu haheero kubha, mbarëngʼaaniire ghoteneru ekiina.

1 Abhakorinto 4:5

Ibheere, motighe ghotenera ekiina abhaato eriibhagha reeche rekeere kohika, mughanye mbagha orosiko runo Omutëmi Yesu akuucha. Iwe niwe akobhetoora haheero ebheghiro bhyose bhino bhebhisuru mo‑kengʼuuri na kwërëki bhino bheenyi mo‑metema ghe bhaato. Niho omooto woose akubhöna aghongo ino emurëngʼaaniire, koru kwo Waryobha.

Tiito 3:11

Weeche kubha omooto kinya uyo natighiri obhuhëënë, n‑omooto o masari, niiteniire ekiina omwene.