Mataayo 22:11 - Eriiraghano Eriihë

¹¹ “Amare hano omutëmi uyo asöhiri mo‑nyumba yiire kubha arighi abhaghëni bhaache, akarighi‑mu omooto umu uno atabheekiri erighööti re riirugha.

Mataayo 22:11 ပူးပေါင်းရင်းမြစ်များ

Mataayo 13:30

Mobhetighe bhyose bhekore haghirohamu mbagha eriibhagha re ghughësa. Eriibhagha riyo, nekobhabhoorera abhaghësi kubha bhashame bhakome eghetoki na ghoghetoora mo‑matuumu kubha ghyekibhu. Amare changano bhachekome na ghochetindeka mo‑ghitara keene.’”

Mataayo 22:10

Abhasësë bhayo bhaaghaye hano chanchëra cheghutëmëëranera. Bhakaacha na abhaato bhoose bhano bhatëmëriine nabho, abhabhe na abhahëënë. Niho abhaghëni bhaghiichora mo‑nyumba e riirugha.

Mataayo 3:12

Ibheere Kirisito nakuucha, kwahukani abhaato bhano bhatuukuniri, na bhano bhaanyi na amasari, kinya omooto uno aghöötëriire orohongo mo‑mabhökö ghaache. Angano iyo nakoyekomera mo‑ghitara keeche, amare omokoonyo nakowute mo‑mororo, no omororo uyo tookorima naabha!”

Abharuumi 13:14

Amare ibheere, mo‑riimanya reenyu ryose, mubhe morakangatu no Omutëmi Yesu Kirisito. Motiishereri koru hasuuhu ghukangatu na simoka yaanyu e masari moratambana amiigha ghaanyu amabhe.

Abharuumi 3:22

Abhaato bhoose bhano bhakomokumi Yesu Kirisito, Eryobha ndekobhabhara kubha abhahëënë ambërë yaache, gho kohetera obhuhëënë bho Yesu. Taahukiini omooto wowoose,

1 Abhakorinto 4:5

Ibheere, motighe ghotenera ekiina abhaato eriibhagha reeche rekeere kohika, mughanye mbagha orosiko runo Omutëmi Yesu akuucha. Iwe niwe akobhetoora haheero ebheghiro bhyose bhino bhebhisuru mo‑kengʼuuri na kwërëki bhino bheenyi mo‑metema ghe bhaato. Niho omooto woose akubhöna aghongo ino emurëngʼaaniire, koru kwo Waryobha.

2 Abhakorinto 5:3

Hano tokobheeku emebhere emihë ghe Mwishaaro, totaakubha kingʼaabhi.

Abhagharatiya 3:27

Inyu bhoose bhano mubhatiisuru, mughöötiine na Kirisito, mubheere kinya momobheekiri Kirisito.

Abhaebheeso 4:24

Mwitoorere asughara ahë, ino ꞉itëëmuru gho tëëmö e Ryobha. Atëëmö iyo nekorighibhu gho ghuköra ghano iryo rekwënda na kubha no obhutööbhiyu.

Obhohunyurëru 16:15

Omutëmi Yesu nakobhugha, “Mööhi! Nekuucha kinya bhuure omwibhi ahaacha ataraghiini. Ngʼoni uno aghutënga na kobheeka changibho cheeche kubha ataacha ghughënda kingʼaabhi na ghosookibhu.”

Obhohunyurëru 19:8

Omokwiru nahaabhuru angibho e ghitani inchömu ino ere yeero wiiki erabharibhari chwee.” Angibho iyo anchömu egheteemoro keeche n‑amaköri amachömu gha bhatööbhiyu.

Obhohunyurëru 2:23

Wiiki, mahëënë nekobhiita kimu abhaghëndi bhaache. Niho abhaato bha makanisa ghoose bhakumënya kubha eni nekumööhërëri akörö na amiihëëbhö gha mooto woose. Wiiki nekoreha omooto woose ghate yaanyu kurëngʼaana na amaköri ghaache.

Obhohunyurëru 3:18

Gho ghayo, nekobharwacha moghore koru ghokoone asahaabhu ino yeghuru no omororo kubha mubhe abhaame. Moghore angibho ayeero, mobhise ekingʼaabhi keenyu kubha motarighi chaasoni. Wiiki moghore omote o kuhaka mo‑miisho kubha motore korighi.