Mataayo 21:34 - Eriiraghano Eriihë

³⁴ “Hano eriibhagha re ghughësa rehikiri, akabhatoma abhatamishi bhaache kwo bharemi bhaare kubha bhaghëndë bhamwimokeri eribhaara reeche re munöghö.

Mataayo 21:34 ပူးပေါင်းရင်းမြစ်များ

Mataayo 22:3

Omutëmi uyo akabhatoma abhasësë bhaache kobhabherekera bhano are araghiini kubha bhaache mwirugha, amare ibho bhakaanga kuucha.

Mataayo 21:35

Amare, abharemi bhayo bhakabhaghööta abhatamishi bhayo, umu bhakamutëma, no owonde bhakamwita no owonde bhakamurasa na amabhohe.

Mataayo 21:38

Amare hano abharemi bhaare bhamorooche omoona uyo, bhaghiisiikërëra bhakabhugha, ‘Uno, niwe omughabhi. Ibheere ntomwite, aghabho yaache ibhe ghokwito.’

Mataayo 21:40

Yesu akabhabhoori akabhugha, “Mbe, aribha omwene omoghondo uyo aragharuka koru mo‑rughëndö rooche, nibhu akobhaköra abharemi bhayo?”

Mataayo 21:41

Ibho bhaghagharokeri bhakabhugha, “Nakobhiita kobhe abhabhe bhayo, no omoghondo waache nakobhaha abharemi abhande bhano bhakomoreha bhoheene amakorobhese ghaache kwo riibhagha reeche.”

Maariko 12:1

Yesu aghasëëma ghosiikëra na abhakangati bhaare bha Abhayahuuti kwo bhetuubhaani. Akabhugha, “Naare‑ho omooto umu uno aremiri omoghondo waache na kwemi emisabhiibhu. Akinaareri orubhagho, aghatuka eriiribha ghateghate e moghondo re komitera amanche gha misabhiibhu, wiiki akaabhëka omunara omurë o kwimeerera ighoro abhanendi bha moghondo. Akamara, akabhaha omoghondo abharemi, kwo miishererani gha kuhööha omunöghö, akamara aghaköra orughëndö.

Maariko 12:7

“Amare, hano ahikiri, abharemi bhayo bhaghiisiikërëra kubha, ‘Uno niwe omughabhi. Ibheere ntomwite, aghabho yaache ibhe ghokwito.’

Maariko 12:9

“Ibheere, omwene omoghondo uyo nibhu aghuköra? Nakuucha na kobhiita abharemi bhayo, no omoghondo uyo, nakobhaha abhande.

Ruuka 20:9

Akamara, Yesu akabhabhoorera abhaato eghetuubhaani akabhugha, “Naare‑ho omooto umu, uno aremiri omoghondo waache na kwemi emisabhiibhu. Akamara akabhaha omoghondo uyo abharemi, kwo miishererani gha kuhööha omunöghö. Hano amariri, aghaköra orughëndö ro ghuye mo‑se e kurë, akamara chaasiko chaaru anyi iyo.