Mataayo 20:8 - Eriiraghano Eriihë

⁸ “Hano bhwiriri, omwene omoghondo uyo akamobhoorera omwimeerereri o meremo gheeche akabhugha, ‘Bhabherekere abhatamishi bhoose obharehe amareho ghaabho. Eriibhagha okobhareha, ushame na abhatamishi bhano ꞉bhiichiri ekeenyuma na kumareereri na bhano ꞉bhiichiri ekimbërë.’

Mataayo 20:8 ပူးပေါင်းရင်းမြစ်များ

Mataayo 20:7

“Nabho bhaghagharokeri bhakabhugha, ‘Gho kubha taanyi‑ho omooto uno atoheere emeremo.’ “Iwe akabhabhoorera akabhugha, ‘Na niinyu moghi mukörë emeremo mo‑moghondo waane o misabhiibhu.’

Mataayo 20:9

“Niho abhatamishi bhaare ꞉bhiichiri omughörööbha, bhakaacha bhakarehu amareho gha rosiko rumu.

Mataayo 25:19

“Hano eriibhagha irë rehetiri, omutëmi waabho aghagharuka koru mo‑rughëndö rooche. Akamara akabhabherekera abhasësë bhaache bhaare kubha, bhamobhoorere kebhuno bhahökiiri ebheghiro bheeche.

Mataayo 25:31

Yesu akëëndërëra kobhabhoorera abhaanabheegha bhaache akabhugha, “Hano eni uno neenyi Omoona o Mooto nekuucha mo‑bhokumi bhoone obhokoro haghirohamu na bhamarayika bhoose, niho neghwikara mo‑ghetumbe keene ke bhutëmi.

Ruuka 10:7

Motabha morasaamasaama mo‑chaaka chiyo mohikiire, amare, mwikare mo‑chaaka chiyo mohikiire, mubhe moraraaghëra ebhiinyakurë bhino bhabhaheere. Gho kubha omuköri o meremo nakurëngʼaanera kuhaabhu amareho ghaache.

Ruuka 12:42

Omutëmi akamugharokeri akabhugha, “Mbe, n‑niwe omusësë omuhëënë wiiki uno anyi na amangʼiini? N‑omusësë uno omutëmi waache akomotoora kubha omwimeerereri o bhatamishi abhande mo‑ka yaache, kubha abhe arabhaha ebhiinyakurë kwo riibhagha rino rirëngʼaaniire.

Ruuka 8:3

Wiiki naare‑ho Yowana, omukari o Kusa. Kusa uyo, niwe uno are ariimeererera ebheghiro bhe mutëmi Herote Antibha. Mbaare‑ho wiiki Susana, na abhakari abhande bhaaru. Abhakari bhayo, mbaare bhararuusi ebheghiro bheebho, gho komotoori Yesu na abhaghëndi bhaache.

2 Abhakorinto 5:10

Hangʼu keenyi, gho kubha itu bhoose ntokwimeerera ambërë e ghetumbe ghe Kirisito ghe ghotenera ekiina. Gho ghayo, omooto woose naghosongʼaana amareho kurëngʼaana na ghano aghuköra mo‑se ino, ghabhe amachömu hamu ghabhe amabhe.

Tiito 1:7

Ibheere asikoofu, nakwëndëru abhe omooto uno ataanyi ni isörö, gho kubha nahaabhuru emeremo ghe Ryobha. Atabha omooto uno anyi no omutu muköngʼu, na atabha mwango o ghukarara, na atabha omurëëbhi, na atabha omurööni, wiiki atiighomba kwibhönëra chambiiri gho nchëra ambe.

Abheebhuraaniya 9:28

Hangʼu hangʼu Eryobha ꞉ndeemoruusiri Kirisito kubha aku na kubha amaruusi mara rimu hangʼu kubha Eryobha rebhaabhërë abhaato bhaaru amasari ghaabho. Wiiki Kirisito nakuucha mara e kabhere. Amare eriibhagha riyo, taakuucha kwabhëra abhaato amasari ghaabho, amare nakuucha kobhaha obhotoori abhaato bhano bhaghwiköngʼi komughanya.

1 Bheetero 4:10

Omooto woose nahaabhuru ekihaano keeche koru kwo Waryobha. Nekwëndëru ghokihökëri bhoheene gho ghiri e ghusakerani, kinya omwimeerereri omuhöriicho o ghareeya e Ryobha ino enyi e manga maaru.