Mataayo 20:34 - Eriiraghano Eriihë

³⁴ Niho Yesu akabhaghwera bheghongi, akabhaturi amiisho ghaabho. Hayo hayo, amiisho ghaabho ghakahöra na korighi, bhakamutambana Yesu.

Mataayo 20:34 ပူးပေါင်းရင်းမြစ်များ

Mataayo 14:14

Mbe, hano ikiri mo‑bhwato, akarerighi erikinda ikoro re bhaato, akabhaghwera ebheghongi, na akabhahöri abhabhabharu bhaabho.

Mataayo 15:32

Niho Yesu akabhabherekera abhaanabheegha bhaache, akabhabhoorera akabhugha, “Nekobharigheri changori abhaato bhano gho kubha ntwikeere nabho chaasiko ishato, naho ibheere bhataanyi ne ebhiinyakurë. Nteekwënda nebharaghe bhaghëndë mo‑meghya gheebho bhaanyi inchëra, mbaghotora ghoteni mo‑nchëra.”

Mataayo 20:33

Niho abhahuku bhayo bhakamugharokeri bhakabhugha, “Oo Omutëmi, ntokwënda amiisho ghiito gharighi.”

Mataayo 21:1

Hano Yesu na abhaanabheegha bhaache bhatingʼiri Yerusareemu, haghuhe ne ekyaro ke Bhetibhaaghe mo‑gheghoro ke Miseyituuni. Yesu akabhatoma abhaanabheegha bhaache bhabhere,

Mataayo 8:15

Mbe, Yesu akamoturi mo‑kubhökö, hayo hayo akahöra ekihëënö kiire. Niho akabhooka, aghasëëma komuhökëri.

Mataayo 9:29

Niho Yesu akabhaturi amiisho ghaabho, akabhabhoorera akabhugha, “Ghahikeerane ghokoonyu kinya bhuure obhokumi bhoonyu bhoonyi.”

Mataayo 9:36

Hano arooche erikinda ikoro re bhaato, akabhaghwera ebheghongi, gho kubha mbaare bharanyaaka, bhataare no o kobhatoori. Abhaato bhayo, mbaare kinya changʼöndu chino chetaanyi no omoriishi.

Maariko 7:33

Yesu akamoruusi mo‑rikinda re bhaato, aghaye nawe omwene chiri haghare. Aghatoora ebhyara bheeche mo‑matu gha mooto uyo. Aghatwera amatë mo‑kyara keeche, akamuhaka mo‑roreme.

Ruuka 18:43

Hayo hayo, akarighi, akamtambana Yesu, arareghongi Eryobha. Abhaato bhoose, hano bharooche ghayo, bhaghasëëma koreghongi Eryobha.

Ruuka 22:51

Yesu akabhugha, “Motighe ˆhaghiisha!” Aghaturi oghotu kwo mutamishi uyo, aghakuhöri.

Ruuka 7:13

Hano Omutëmi amorooche omosino uyo, akamoghwera bheghongi, akamobhoorera akabhugha, “Otighe korera.”

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Abheebhuraaniya 2:17

Gho ghiri iyo, ꞉niichiri anyi kinya bhuno abhahiiri bhaache toonyi mo‑ghoose, kubha abhe Omuchaama Omokoro uno anyi o bheghongi no omuhëënë mo‑meremo gheeche ambërë e Ryobha. Gho nchëra iyo ꞉niiruusiri amaruusi gha ghutëmëërani abhaato ne Eryobha, kubha Eryobha rebhaabhërë abhaato amasari ghaabho.

1 Bheetero 3:8

Antenero, ˆnekabhabhoorera bhoose kubha, mughöötane, na mubhe ne eriihëëbhö rimu, na mosiighane kinya abhahiiri, na morigherani changori na mubhe bhanyööhu.