Mataayo 20:16 - Eriiraghano Eriihë

¹⁶ Yesu akabhugha wiiki, “Gho ghayo, abhaato bhano bhaanyi abhaanyuma ibheere, mbaakubha a bhambërë, na bhano bhaanyi a bhambërë, mbaakubha abhaanyuma.”

Mataayo 20:16 ပူးပေါင်းရင်းမြစ်များ

Mataayo 19:30

Amare abhaato bhano bhaghosooku eriibhagha rino, bhataaghosooku eriibhagha rino rekuucha. Na bhano bhataaghosooku eriibhagha rino, mbaghosooku eriibhagha rino rekuucha.”

Mataayo 21:31

Kana, mo‑bhabhere bhayo, n‑niwe uno aköriri kinya bhuno ishe waache ꞉ëndiri?” Bhaghagharokeri bhakabhugha, “Wuure o mumbërë.” Niho Yesu akabhabhoorera akabhugha, “Mahëënë ˆnekabhabhoorera, abhatöbhi bha righööti na abhasöngörëëri mbaghukangata ghusöha mo‑bhutëmi bho Ryobha.

Mataayo 22:14

Yesu akamareereri gho kobhugha, “Eryobha ndekobhabherekera abhaato bhaaru ghusöha mo‑bhutëmi bhooche, amare m‑bhasuuhu bhano bhaahwiru ghusöha.”

Mataayo 7:13

“Musöhë gho kohetera mo‑kehita egheghute, gho kubha ekehita eghighare ngekwërëkëra mo‑ghosireekerera, na anchëra e kwërëkëra iyo n‑ingare chwee. Wiiki, abhaato bhano bhakohetera‑mu, m‑bhaaru.

Maariko 10:31

Amare, bhano bhaghosooku eriibhagha rino, bhataaghosooku eriibhagha rino rekuucha. Na bhano bhataaghosooku eriibhagha rino, mbaghosooku eriibhagha rino rekuucha.”

Ruuka 14:24

Amare, bhaare neere niraghiini ekimbërë, ˆnekabhabhoorera kubha taanyi‑ho koru umu o bhayo uno aghusama obhughëni bhoone!’”

Ruuka 15:7

“ˆNekabhabhoorera, hangʼu hangʼu ngookubha na ghuchömëru kwaru Mwishaaro, eriibhagha omooto umu o masari aratuukuunera amasari ghaache. Ghuchömëru kuyo, ngookubha ghokoro ghokera kuure kwo bhaato abhachömu miröngö kende na kende, bhano bhataanyi na amënda gha ghotuukuuna.

Ruuka 7:47

Gho ghayo, ˆngakobhoorera kubha, obhosiighi bho mukari uno m‑bhokoro, mbokwërëki kubha amasari ghaache maaru, ngaabhiiru. Amare wowoose uno abhiiru amasari amasuuhu, uyo, nahaabha no obhosiighi bhosuuhu wiiki.”

Abharuumi 5:20

Hano emeghiro ghe Musa ghiichiri, gheghaghëri amasari ghakiyëngëra. Koru hangʼu, hano amasari ghëëngiire, aghareeya e Ryobha yoose ëkëëndërëra kwiyëngëra chwee.

Abharuumi 8:30

Mbe, bhayo reere ryahwire, nibho bhano ꞉reebherekiire, na bhano ꞉reebherekiire, nibho bhano ꞉riibhariire kubha mbaanyi no obhuhëënë, na bhano ꞉riibhariire kubha mbaanyi no obhuhëënë, nibho bhano ꞉riiraghiire kubha ndekobhaha obhokumi obhokoro.

Abharuumi 9:30

Mbe, tobhughe ke ibheere ighoro e mangʼana ghayo? Abhaato bha matöngö bhatiiköngʼiri ghutabhara kubhareru kubha no obhuhëënë ambërë e Ryobha, amare Eryobha ndebhabhariire kubha mbaanyi no obhuhëënë gho nchëra e komokumi Kirisito.

1 Abhatesaronike 2:13

Gho ghayo, itu ntokoriitabheri Eryobha totaaghotigha naabha, gho kubha hano mutëghëëriire angʼana yaache koru ghokwito, motayiisheriiri kinya angʼana e mooto. Amare kinya angʼana e Ryobha, na hëënë hangʼu keenyi. Angʼana iyo niyo eghuköra emeremo moose e metema gheenyu, inyu bhano momokumiri.