Mataayo 2:2 - Eriiraghano Eriihë

² Bhakabhoori, “Hayi anyi uno ibhwiru Omutëmi o Bhayahuuti? Ntoyerooche anchöta yaache erarwera roghoro, gho ghayo, ntwichiri komusëngëra.”

Mataayo 2:2 ပူးပေါင်းရင်းမြစ်များ

Mataayo 2:3

Hano omutëmi Herote oghwire amangʼana ghayo, aghiitumata, haghirohamu na abhaato bhoose bha Yerusareemu.

Mataayo 21:5

“Obhabhoorere abhaato bha Sayuuni kubha, ‘Mööhi, Omutëmi waanyu nakuucha ghokoonyu, m‑muhörëëru, nakuucha ino atiiriri atikere, na atikere iyo n‑ekimööri.’”

Mataayo 27:11

Niho Yesu akiimeerera ambërë e mukangati Omoruumi uno are arabherekeru Bhiraato. Omukangati uyo akamobhoori akabhugha, “Kana, iye niiye uno bhakobhugha, Omutëmi o Bhayahuuti?” Yesu akamugharokeri akabhugha, “N‑iye obhughiri.”

Ruuka 19:38

bharabhugha, “Niitabhiiru Omutëmi uno akuucha kwo riina re Mutëmi Waryobha. Mwishaaro, habhe no omurëmbë ghate e Ryobha na abhaato bhaache. Ntokomoghongi Waryobha uno anyi ighoro e bhyose!”

Ruuka 2:11

Reero ino mo‑moghya o Tawuti, Omotoori waanyu niibhwiru. Omotoori uyo niwe Kirisito Omutëmi.

Ruuka 23:3

Niho, Bhiraato akamobhoori Yesu akabhugha, “Kana, iye niiye uno bhakobhugha, Omutëmi o Bhayahuuti?” Yesu nawe akabhugha, “N‑iye obhughiri!”

Ruuka 23:38

Ighoro yaache, ngaare ghatooruru amandëkö, ghano ghakobhugha, “uno niwe omutëmi o bhayahuuti.”

Yohana 1:49

Niho Natanaheri akamugharokeri akabhugha, “Oo Omweghi, iye n‑Omoona o Ryobha! Iye n‑Omutëmi o Isiraeri!”

Yohana 12:13

Mbe, bhakiimoki amato gha mitëndë, bhaaghaye komoturungʼanera Yesu. Bhaghatiiri eriiraka bharabhugha, “Hosaana! Niitabhiiru uno akuucha kwo riina re Mutëmi Waryobha! Niitabhiiru Omutëmi o Abhiisiraeri.”

Yohana 18:37

Mbe, Bhiraato akamobhoori akabhugha, “Kana, m‑mahëënë kubha iye n‑omutëmi?” Yesu akamugharokeri akabhugha, “N‑iye ˆokabhugha kubha eni n‑omutëmi. Eni niibhwiru mo‑se ino, wiiki niichiri kubha nebheeghi abhaato obhuhëënë. Omooto wowoose uno aghutambana obhuhëënë, naghoghooghu amangʼana ghaane.”

Yohana 19:19

Bhiraato akahatëka kubha ghaandëku amangʼana na ghotooru mo‑musarabha o‑Yesu, ghano ghakobhugha, “uno n‑yesu o nasareeti, omutëmi o bhayahuuti.”

Yohana 20:28

Tomaso akamugharokeri akabhugha, “Omutëmi waane ne Eryobha reene!”

Yohana 5:23

Gho nchëra iyo, abhaato bhoose mbakomosooka Omoona kinya bhuno bhakomosooka Taata. Omooto wowoose uno ataakomosooka Omoona, mbe, taakomosooka Taata uno amotomiri.

Yohana 9:38

Omooto uyo akabhugha, “Neghoghokumi, Omutëmi.” Niho akamusëngëra.

Abheebhuraaniya 1:6

Wiiki Eryobha hano reere rerarëëta Omoona waache omwene chiri mo‑se, ꞉ndeebhughiri kubha, “Bhamarayika bhoose bha Ryobha bhabhe bharamusëngëra Omoona uyo.”

Obhohunyurëru 22:16

“Eni Yesu, n‑o riitina re mutëmi Tawuti no orwibhoro rooche, wiiki nekurëngaari kinya anchöta e tabhoori. Eni neeni netomiri marayika waane ache abhabhoorere inyu abhaghëndi bhaane amangʼana ghano, gho ghiri e makanisa.”