Mataayo 2:15 - Eriiraghano Eriihë

¹⁵ Aghiikara iyo mbagha hano Herote akuure. Amangʼana ghayo ngakoruru kubha rehikeerane rino righamburu no Omutëmi Waryobha gho kohetera omurööti kubha, “Nemobherekiire omoona waane koru Miisiri.”

Mataayo 2:15 ပူးပေါင်းရင်းမြစ်များ

Mataayo 1:22

Ghoose ghayo ꞉ngaaköruru kubha ehikeerane angʼana ino Omutëmi Waryobha abhughiri gho nchëra e murööti waache kubha,

Mataayo 2:14

Niho Yusubhu akabhooka, akiimoki omukari waache no omoona, obhotiko bhuyo bhuyo bhaaghaye Miisiri.

Mataayo 2:17

Niho ꞉ehikeriine angʼana yiire ighamburu no omurööti Yeremiya kubha,

Mataayo 2:19

Hano Herote akuure, mööhi, marayika o Mutëmi Waryobha akamorwera Yusubhu mo‑riröötö iyo Miisiri,

Mataayo 2:23

Bhakahika na kumanya mo‑moghya o Nasareeti. Niho ꞉ehikeriine angʼana ino ighamburu ighoro e Yesu gho kohetera abharööti, kubha, “Nakobherekeru Omunasareeti.”

Mataayo 21:4

Ghayo ꞉ngaaköruru kubha ehikeerane angʼana ino Omutëmi Waryobha abhughiri gho nchëra e omurööti waache kubha,

Mataayo 26:54

Ibheere aribha neraköra hangʼu, nibhu ghaghuköra ghahikeerane ghano ghaandëkuru mo‑Mandëkö Amatööbhiyu kubha, hangʼu nibhu ghakwëndëru kubha?”

Mataayo 26:56

Amare ghoose ghano ngarweriire kubha ghahikeerane ghano abharööti ꞉bhaandëkiri mo‑Mandëkö Amatööbhiyu.” Bhakamara abhaanabheegha bhaache bhoose bhakamotigha Yesu, bhakangʼösa.

Mataayo 27:35

Bhakamumamba Yesu mo‑musarabha, bhakahööha changibho cheeche gho ghutëma akuura. [Niho angʼana yiire ꞉ehikeriine ino ighamburu ighoro e Yesu gho nchëra e murööti umu kubha, “꞉Mbaahööhiri changibho cheene na ghutëmëra akuura erighööti reene.”]

Mataayo 8:17

Ghayo ꞉ngaaköruru kubha ehikeerane angʼana yiire esiikiiru no omurööti Isaaya kubha, “Omwene ꞉niimokiri obhutöbhu bhwito, na ghoghaghëgha amabhabharu ghiito.”

Ruuka 24:44

Akamara akabhabhoorera akabhugha, “Eriibhagha neere nekeere neenyi haghirohamu na niinyu, ghano, nigho amangʼana ghaane ghano ꞉neebhabhooriire, kubha ghoose ghano ghaandëkuru ighoro yaane ngakwëndëru ghahikeerane. Ibhe mo‑meghiro ghe Musa, na mo‑Mandëkö gha bharööti, na gha Sabhuri.”

Yohana 19:28

Hano ghayo ghahetiri, Yesu akamënya kubha naare amariri ghoghiköra emeremo gheeche ghyose. Mbe, aghasiikëra akabhugha, “Nekooghu anyööta.” Ghayo ꞉ngaarweriire ghahikeerane ghano ghaandëkuru mo‑Mandëkö Amatööbhiyu.

Yohana 19:36

Ghayo ꞉ngaaköruru kubha ghahikeerani ghano ghaandëkuru mo‑Mandëkö Amatööbhiyu kubha, “Retaanyi‑ho eriighuha reeche rino rekobhunu.”

Amaköri gha Bhatomu 1:16

akabhabhoorera akabhugha, “Bhahiiri bhaane, amangʼana ghano ghaandëkuru mo‑Mandëkö Amatööbhiyu ighoro e Yuuta uno ꞉ahiriri abhaato bhamughöötë Yesu, ꞉ngëëndiiru ghaköru. Amangʼana ghayo ꞉ngaasiikiiru na Akörö Ahörëëru kohetera kwo mutëmi Tawuti.