Mataayo 2:13 - Eriiraghano Eriihë

¹³ Hano bhamariri ghutanura abhamënyi bha chanchöta, mööhi, marayika o Mutëmi akamorwera Yusubhu mo‑riröötö, akamobhoorera akabhugha, “Bhooka! Wimoki omoona na nyina waache, mungʼösërë mo‑se e Miisiri. Mwikare iyo iyo mbagha eriibhagha rino nekuucha kobhabhoorera, gho kubha Herote nakuucha komutabhara omoona uyo kubha amwite.”

Mataayo 2:13 ပူးပေါင်းရင်းမြစ်များ

Mataayo 1:20

Eriibhagha Yusubhu are ariihëëbha ghayo, mööhi marayika o Mutëmi akamorwera mo‑riröötö, akamobhoorera akabhugha, “Yusubhu, omoona o Tawuti, otatiina komokwira Mariyamu, gho kubha anda yaache nayebhwine kwo bhotoro bho Körö Ahörëëru.

Mataayo 10:23

Mbe, hano mookubha moraraghani, bharabhakörëra kobhe mo‑moghya umu, mungʼösërë mo‑moghya owonde. Mahëënë ˆnekabhabhoorera kubha, motaakomuntaani ghughënda mo‑meghya ghyose ghe Isiraeri, eni Omoona o Mooto netaamara niicha.

Mataayo 2:12

Rekamara, Eryobha rekabhashaangʼi mo‑riröötö kubha bhatagharuka wiiki o‑Herote. Gho ghayo, bhaghagharuka bhowaabho gho kohetera anchëra ayende.

Mataayo 2:14

Niho Yusubhu akabhooka, akiimoki omukari waache no omoona, obhotiko bhuyo bhuyo bhaaghaye Miisiri.

Mataayo 2:16

Hano Herote amënyiri kubha abhamënyi bha chanchöta bhaare mbamongʼiiniri, aghakarara chwee. Akahatëka kubha abhaana bha ghesubhe bhoose bha Bheserehemu haghirohamu na ahaghiro hoose ha haghuhe, bhano bhaanyi ne emeeka ebhere ghugharuka haase, bhiitu. ꞉Naaköriri hangʼu kurëngʼaana ne eriibhagha riire abhooriiru na abhamënyi bha chanchöta.

Mataayo 2:22

Amare hano oghwire kubha Arikeraawo mwërëëti o Herote niwe aghukangata Yuteya, aghatiina ghuye iyo. Nawe akabha ashaangʼiru mo‑riröötö, aghatanura akamwimoki omukari waache no omoona, bhaaghaye mo‑mukööwa o Ghariraaya.

Amaköri gha Bhatomu 10:22

Bhakamobhoorera, “Ntotomuru no omokoro umu o bhaashirikare, akobherekeru Korineeriyo. Korineeriyo uyo m‑mooto omuhöriicho uno akoryoghwera Eryobha, na ghoghongibhu na Abhayahuuti bhoose. Ibheere marayika omutööbhiyu namobhooriire aghughënëhi awaache, kubha atëghëërërë amangʼana ghano okomobhoorera.”

Amaköri gha Bhatomu 10:7

Hano, marayika uyo amariri komobhoorera ghayo, akaru‑ho. Niho Korineeriyo akabhabherekera abhatamishi bhabhere bha mo‑ka yaache, no omoshirikare umu uno are aresookiri Eryobha.

Amaköri gha Bhatomu 12:11

Niho Bheetero akamënya kubha, ghoose ghano ghamorweriire ngaare gha hëënë, akabhugha, “Ibheere ˆnekamënya m‑mahëënë kubha Omutëmi niwe antomiire marayika waache, kubha antoori koru mo‑mabhökö gha Herote na konduusi mo‑mabhe ghoose ghano Abhayahuuti bhëëndiri ghunkörëra.”

Amaköri gha Bhatomu 12:7

Hayo hayo marayika o Mutëmi akiimeerera mo‑kenyumba kino Bheetero are. Obhwero bhokarëngaari mo‑kenyumba kyose. Marayika uyo akamtëmatëma Bheetero mo‑chambaru akamobhooki, akamobhoorera, “Bhooka bhwango!” Hayo hayo eminyörörö ghino ꞉bhaare bhamubhöhiri Bheetero mo‑mabhökö gheeghagho haase.

Amaköri gha Bhatomu 16:36

Omochongi uyo hano abhooriiru ghayo, akamobhoorera Bhawuro akabhugha, “Abhakangati mbantomiire abhaato kubha nebhatighooroke. Gho ghayo, mohoroke mughëndë kwo murëmbë.”

Amaköri gha Bhatomu 5:19

Mbe, obhotiko bhuyo marayika umu o Mutëmi aghiighora charwighe che riighërëcha riyo, akabhahoroki anche, akabhabhoorera akabhugha,

Amaköri gha Bhatomu 7:19

Omutëmi uyo akabhanyaaki bhasookoro bhiito, na akabhakörëra amabhe, akabhahatëka bhate abhaana bhaabho ebhengʼwerere, gho ghiri bhaku.

Obhohunyurëru 12:14

Amare Eryobha rekamuha omukari uyo amabhabha abhere ghanga gha matoonyi inkoro, kubha ituumuke ghuye iyo mwibhara ahaghiro hano Eryobha reere remusëëmiire, abhe kurë no oghuchöka ghuyo. Iyo Eryobha ndekomotugha gho chaasiko egheku kimu na amaghana ebhere na miröngö esaasabhe (1,260).

Obhohunyurëru 12:4

Omokera o ghuchöka ghuyo, okangʼuura imu ghwi ishato e chanchöta choose na ghoghachirëkëra mo‑se. Oghuchöka ghuyo ghokiimeerera ambërë e mukari uno are arëënda kwibhora, kubha araacha kwibhora, remure omoona uyo.

Obhohunyurëru 12:6

Omukari uyo akangʼösëra mwibhara, ahaghiro hano Eryobha reere remusëëmiire kubha remotughe hayo gho chaasiko egheku kimu na amaghana ebhere na miröngö esaasabhe (1,260).