Mataayo 2:1 - Eriiraghano Eriihë

¹ Yesu ꞉niibhwiru mo‑moghya o Bheserehemu mo‑mukööwa o Yuteya, eriibhagha re bhukangati bho mutëmi Herote Omokoro. Mbe, hano amariri kwibhoru, abhamënyi bha chanchöta bhano bharweriire roghoro bhakahika mo‑moghya o Yerusareemu.

Mataayo 2:1 ပူးပေါင်းရင်းမြစ်များ

Mataayo 1:25

amare taamisiri nawe mbagha hano Mariyamu ꞉ibhwire omoona uyo o ghesubhe. Yusubhu akamoroka omoona uyo Yesu.

Mataayo 2:16

Hano Herote amënyiri kubha abhamënyi bha chanchöta bhaare mbamongʼiiniri, aghakarara chwee. Akahatëka kubha abhaana bha ghesubhe bhoose bha Bheserehemu haghirohamu na ahaghiro hoose ha haghuhe, bhano bhaanyi ne emeeka ebhere ghugharuka haase, bhiitu. ꞉Naaköriri hangʼu kurëngʼaana ne eriibhagha riire abhooriiru na abhamënyi bha chanchöta.

Mataayo 2:19

Hano Herote akuure, mööhi, marayika o Mutëmi Waryobha akamorwera Yusubhu mo‑riröötö iyo Miisiri,

Mataayo 2:3

Hano omutëmi Herote oghwire amangʼana ghayo, aghiitumata, haghirohamu na abhaato bhoose bha Yerusareemu.

Mataayo 2:5

Nabho bhakamugharokeri bhakabhugha, “Nakwibhoru mo‑moghya o Bheserehemu mo‑mukööwa o Yuteya. Hangʼu nibhu Eryobha rebhughiri gho kohetera Amandëkö gha murööti kubha,

Mataayo 2:7

Niho Herote akabhabherekera abhamënyi bha chanchöta bhayo gho kobhisa kubha bhaache bhamobhoorere obhuhëënë n‑eriibhagha ke bharooche anchöta yiire.

Ruuka 1:5

Kwo riibhagha riire Herote Omokoro are omutëmi mo‑mukööwa o Yuteya, naare‑ho omuchaama umu eriina reeche Sakariya, o mo‑bhoyo bho Abhiya omuchaama. Mkaache naare arabherekeru Rusabheeti. Bhoose mbaare bha mo‑rwibhoro ro muchaama Haruuni.

Ruuka 2:11

Reero ino mo‑moghya o Tawuti, Omotoori waanyu niibhwiru. Omotoori uyo niwe Kirisito Omutëmi.

Ruuka 2:15

Bhamarayika bhayo, hano bhagharokiri Mwishaaro, abhariishi bhakabhugha, “Tughëndë Bheserehemu, korighi ghano Omutëmi atobhooriire.”

Yohana 7:42

Kana, Amandëkö Amatööbhiyu ghataakobhugha kubha Kirisito nakorwera mo‑rwibhoro ro mutëmi Tawuti? Wiiki kubha nakwibhoru Bheserehemu, mo‑kyaro kino Tawuti ꞉ibhoriiru?”