Mataayo 18:5 - Eriiraghano Eriihë

⁵ Wiiki, omooto wowoose uno akomughënëhi omoona omosuuhu kinya uno kwo riina reene, nangënëhiri eni.

Mataayo 18:5 ပူးပေါင်းရင်းမြစ်များ

Mataayo 18:4

Mbe, omooto wowoose uno akwinyööhi kinya omoona omosuuhu uno, uyo niwe akubha omokoro mo‑bhutëmi bho Mwishaaro.

Mataayo 18:6

“Amare aribha anyi‑ho omooto uno akomorumeeri umu ghate e bhasuuhu bhano bhaghonkumi eni, aghëri akörë amasari, konga omooto kinya uyo abhöhëru orobhohe ro ghusëëra mwighöti, na komurëkëra mo‑ghetibhokera ke mo‑nyancha.

Mataayo 25:40

Niho eni uno neenyi Omutëmi nekobhagharokeri nebhughe, ‘Mahëënë ˆnekabhabhoorera, ghyokyose kino muköriire umu mo‑bhakumi bhano bhakorighibhu bhataanyi no obhwëra, mbe, neeni muköriire.’

Mataayo 25:45

Na eni nekobhagharokeri nebhughe, ‘Mahëënë ˆnekabhabhoorera, ghyokyose kino motaköriire umu mo‑bhakumi bhano bhakorighibhu bhataanyi no obhwëra, mbe, motanköriire na neeni.’

Mataayo 7:8

gho kubha omooto wowoose uno aghusabha, Eryobha ndekomuha, wowoose uno aghutabhara, Eryobha ndekomuha. Wiiki, wowoose uno aghuköngʼööta eghisëku, Eryobha ndekomwighorera orwighe.

Maariko 9:37

“Omooto wowoose uno aghughënëhi omoona omosuuhu kinya uno kwo riina reene, naakubha angënëhiri eni. Wiiki, omooto wowoose uno aghungënëhi eni, tangënëhiri eni omwene. Mahëënë naakubha aghënëhiri Taata uno antomiri.”

Maariko 9:41

Mahëënë ˆnekabhabhoorera kubha, omooto wowoose uno akobhaha eghisënchö ke manche gha kunyo gho kubha inyu n‑abhaato bha Kirisito moonyi, Eryobha ndekomoreha atuho yaache.”

Ruuka 9:48

akabhabhoorera akabhugha, “Omooto wowoose uno akomughënëhi omooto o haase kinya omoona uno kwo riina reene, naakubha angënëhiri eni woose. Wiiki omooto uno aghungënëhi, namughënëhiri uno antomiri. Ibheere, omooto uno anyi omosuuhu ghate yaanyu bhoose, uyo niwe omokoro ghokera bhoose.”

Yohana 13:20

Mahëënë ˆnekabhabhoorera, omooto wowoose uno akomosongʼaana uno netomiri, nasongʼaaniri na neeni. Hangʼu hangʼu, uno aghonsongʼaana eni, namosongʼaaniri Taata uno antomiri.”

Abhagharatiya 4:14

Nangabha kunyaakibhu kwo mobhere waane ꞉nguughëriri musakibhu, amare inyu motantaraahiri hamu konyanga. Amare kino ꞉muuköriri n‑konyiishereri kinya bhuno mongamwisheriiri marayika o Ryobha, hamu kinya Kirisito Yesu omwene.