Mataayo 18:4 - Eriiraghano Eriihë

⁴ Mbe, omooto wowoose uno akwinyööhi kinya omoona omosuuhu uno, uyo niwe akubha omokoro mo‑bhutëmi bho Mwishaaro.

Mataayo 18:4 ပူးပေါင်းရင်းမြစ်များ

Mataayo 18:1

Eriibhagha riyo, abhaanabheegha bha Yesu bhakamutambana, bhakamobhoori bhakabhugha,

Mataayo 18:3

akabhabhoorera akabhugha, “Mahëënë ˆnekabhabhoorera, aribha motaaghwigharura na kubha kinya abhaana abhasuuhu, motaaghusöha mo‑bhutëmi bho Mwishaaro.

Mataayo 18:5

Wiiki, omooto wowoose uno akomughënëhi omoona omosuuhu kinya uno kwo riina reene, nangënëhiri eni.

Maariko 10:43

Amare ghokoonyu, teekubha hangʼu. Omooto wowoose uno akwënda kubha omokoro ghate yaanyu, nakwëndëru abhe omutamishi waanyu.

Maariko 9:34

Niho abhaanabheegha bhaache bhaghakira, gho kubha mbaare bhashangʼaaniri abheene kwo bheene mo‑nchëra kubha n‑niwe ghate yaabho are omokoro ghokera abhande bhoose.

Ruuka 14:11

Wiiki, omooto woose uno aghwitiiri, Eryobha ndekomwiki haase. Omooto woose uno aghwitoora haase, Eryobha ndekomotiiri ighoro.”

Ruuka 9:48

akabhabhoorera akabhugha, “Omooto wowoose uno akomughënëhi omooto o haase kinya omoona uno kwo riina reene, naakubha angënëhiri eni woose. Wiiki omooto uno aghungënëhi, namughënëhiri uno antomiri. Ibheere, omooto uno anyi omosuuhu ghate yaanyu bhoose, uyo niwe omokoro ghokera bhoose.”

Yakobho 4:10

Mwinyööhi ambërë e Mutëmi, nawe nakobhaghongi.

1 Bheetero 5:5

Bhuure bhuure na niinyu abhabhureni, mokwëndëru mobhasooke abhagharuka bha riikanisa. Na niinyu bhoose mubhe abhaato abhanyööhu na mubhe moratoorani. Mukörë hangʼu, gho kubha Amandëkö Amatööbhiyu ngakobhugha, “Bhano bhakwihacha, Eryobha ndehaabhaanga, amare abhanyööhu, ndehaabhaha aghareeya.”