Mataayo 18:10 - Eriiraghano Eriihë

¹⁰ Yesu akëëndërëra kobhabhoorera, “Mubhe amiisho, motataraaha umu mo‑bhasuuhu bhano! Gho kubha ˆnekabhabhoorera kubha, bhamarayika bhaabho bha Mwishaaro eriibhagha ryose mbaanyi ambërë e Taata waane uno anyi Mwishaaro. [

Mataayo 18:10 ပူးပေါင်းရင်းမြစ်များ

Mataayo 1:20

Eriibhagha Yusubhu are ariihëëbha ghayo, mööhi marayika o Mutëmi akamorwera mo‑riröötö, akamobhoorera akabhugha, “Yusubhu, omoona o Tawuti, otatiina komokwira Mariyamu, gho kubha anda yaache nayebhwine kwo bhotoro bho Körö Ahörëëru.

Mataayo 12:20

Taakobhuna amoori ino imomontiine, taakororimi orutambe runo roghoghunda eryoki, antenero naghuköra obhuhëënë bho Ryobha bhokinde.

Mataayo 18:14

Hangʼu hangʼu, Taata waanyu uno anyi Mwishaaro taakwënda koru umu mo‑bhasuuhu bhano abhore.

Mataayo 18:6

“Amare aribha anyi‑ho omooto uno akomorumeeri umu ghate e bhasuuhu bhano bhaghonkumi eni, aghëri akörë amasari, konga omooto kinya uyo abhöhëru orobhohe ro ghusëëra mwighöti, na komurëkëra mo‑ghetibhokera ke mo‑nyancha.

Mataayo 2:13

Hano bhamariri ghutanura abhamënyi bha chanchöta, mööhi, marayika o Mutëmi akamorwera Yusubhu mo‑riröötö, akamobhoorera akabhugha, “Bhooka! Wimoki omoona na nyina waache, mungʼösërë mo‑se e Miisiri. Mwikare iyo iyo mbagha eriibhagha rino nekuucha kobhabhoorera, gho kubha Herote nakuucha komutabhara omoona uyo kubha amwite.”

Mataayo 2:19

Hano Herote akuure, mööhi, marayika o Mutëmi Waryobha akamorwera Yusubhu mo‑riröötö iyo Miisiri,

Mataayo 24:31

Niho nekobhatoma bhamarayika bhaane bhatëmë chantaara kwo riiraka ikoro, kubha bhabhakome abhaahöru bhoose bha Ryobha koru chambaara choose che se. Abhaahöru bhayo mbakuucha korwera eribhaara rimu mbagha ghutabhura eribhaara erende.”

Ruuka 1:19

Marayika uyo akabhugha, “Eni, Ghabhuriyeeri, neeni nekwimeerera ambërë e Ryobha. Ndentomiri niiche ghokumënyi angʼana ino anchömu.

Ruuka 10:16

Akamara, Yesu akabhabhoorera abhaanabheegha bhaache akabhugha, “Omooto uno akobhatëghëërëra inyu, nantëghëëriire koru eni. Omooto uno akobhaanga inyu, koru eni nanyangiri. Wiiki uyo akonyanga eni, nakomwanga koru uno antomiri.”

Ruuka 16:22

“Antenero, omuhabhe Rasaaro aghaku. Bhamarayika bhakamohira Mwishaaro, haghuhe na Abhurahamu. Omwame wuure woose aghaku, akaryeku aghaye nyaari.

Amaköri gha Bhatomu 10:3

Orosiko rumu mo‑chaasa kende che mwishe, Korineeriyo akarighi amarighi. Mo‑marighi ghayo, akarighi kimu kimu marayika o Ryobha aramusëëta. Marayika uyo akamobherekera arabhugha, “Korineeriyo!”

Amaköri gha Bhatomu 12:15

Ibheere ibho bhakamobhoorera, “Iye numariri ghusari omutu!” Amare omuukë uyo akahënërëra kobhugha kubha m‑mahëënë nyoghwire amaraka gha Bheetero, niho bhakamobhoorera, “Hamwabhe uyo m‑marayika waache.”

Amaköri gha Bhatomu 12:23

Mbe, gho kubha Herote taheere Eryobha obhokumi obhokoro bhuyo, hayo hayo marayika o Mutëmi akamutëma Herote kwo bhoshaagha bho koreebhu na chanchöka che mo‑nda, aghaku.

Amaköri gha Bhatomu 27:23

“Nyeeche hangʼu gho kubha, eni n‑omooto o Ryobha neenyi, wiiki n‑omutamishi waache neenyi. Obhotiko bho kobhookera reero marayika umu o Ryobha nandweriire imeeriire rubhareka roone,

Amaköri gha Bhatomu 5:19

Mbe, obhotiko bhuyo marayika umu o Mutëmi aghiighora charwighe che riighërëcha riyo, akabhahoroki anche, akabhabhoorera akabhugha,

Abharuumi 14:10

Ibheere, iye n‑niwe uno oghotenera ekiina omokumi mughëndi waacho? Na niiye ngwake oghutaraaha mughëndi waacho? Itu bhoose ntokwimeerera ambërë e ghetumbe ke Ryobha, na ghoteneru ekiina.

Abharuumi 14:21

Ngʼoni otighe kurë anyama, hamu kunyo adivaayi, hamu ghuköra ghyokyose kino gheghotora komuköra mughëndi waacho akörë amasari.

Abharuumi 15:1

Mbe, itu bhano tuköngʼiiri mo‑bhokumi bhwito, ntokwëndëru ghoghumereri abhaghëndi bhiito bhano bhataamara bhaköngʼëri mo‑bhokumi bhoobho. Tobhasakëri mo‑bhutöbhu bhoobho, na totaköra amangʼana ghano ghaghotuchömëri itu bheene.

1 Abhakorinto 11:22

Ibheere, motaanyi na chaaka chino moghotora kuraaghëra na kunyo? Ngwake moghutaraaha eriikanisa re Ryobha na kobhasooki bhano bhataanyi ne egheghiro? Nebhabhoorere ke? Nebhaghongi? Tiyaanyi! Nteekobhaghongi gho ghiri e mangʼana ghayo.

1 Abhakorinto 16:11

Omooto wowoose atamutaraaha. Amare momusakeri atanure iyo kwo murëmbë, kubha atore ghugharuka ghokoone, gho kubha eni nekomughanya haghirohamu na abhakumi bhaghëndi bhiito.

1 Abhakorinto 9:22

Kwo bhano bhataamara bhaköngʼëri mo‑bhokumi, neere kinya uno ataamara aköngʼëri mo‑bhokumi kubha nebhatoori bhamokumi Kirisito. ꞉Niiköriri ghoose kwo bhaato bhoose, kubha gho nchëra yoyoose yiire, nebhatoori nangabha abhamu ghate yaabho.

2 Abhakorinto 10:1

Mbe, abhande mbakobhugha kubha, eni Bhawuro m‑muhörëëru neenyi hano neekubha haghirohamu na niinyu, na kubha muhaari neenyi hano neekubha kurë na niinyu. Amare eni ˆnekabhasasaama kwo bhunyööhu na kwo bhuhörëëru bho Kirisito.

2 Abhakorinto 10:10

Neghosiikëra hangʼu, gho kubha abhande mbakobhugha, “Chanyaarubha che Bhawuro ncheenyi na amangʼana mahaari, wiiki ncheenyi na amangʼana amaköngʼu. Amare eriibhagha anyi haghirohamu na niitu abha ataanyi ni inguru, wiiki amangʼana ghaache ghano aghosiikëra ghabha ghataanyi na gheghiro.”

Abhagharatiya 6:1

Abhahiiri bhaane, aribha moramënya kubha mughëndi waanyu nataasiri, inyu bhano moghukangatu na Akörö Ahörëëru, momoshaangʼi na komuhööcha kwo bhuhörëëru. Amare mwikabhaahe, motaacha ghusakibhu kubha na atëëmö kinya e yaache.

1 Abhatesaronike 4:8

Gho ghayo, omooto wowoose uno akwanga ameeghi ghano, taakomwanga omooto, amare nakoryanga Eryobha, rino rekobhaha inyu Akörö yaache Antööbhiyu.

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

Abheebhuraaniya 1:14

Gho ghayo marayika n‑gheghiro ke? Ibho n‑abhatamishi bha Ryobha, wiiki n‑chaakörö chino Eryobha rehaachetoma kobhahökëri bhaare bhaghotooribhu.

Abheebhuraaniya 9:24

Kirisito taasöhiri Ahaghiro Ahatööbhiyu ha Hatööbhiyu hano habhëkuru na abhaato, ahaghiro hayo n‑eghetuubhaani ke ahaghiro ha hëënë hano haanyi Mwishaaro. Iwe ꞉naasöhiri Mwishaaro aheene, kwo riibhagha rino naghotusabhera ambërë e Ryobha.

Obhohunyurëru 8:2

Nekamara nekarighi bhamarayika bhaare mohungate bhahiimeerera ambërë e Ryobha, na kira umu akahaabhu antaara.