Mataayo 17:5 - Eriiraghano Eriihë

⁵ Hano Bheetero are akeere arasiikëra, mööhi, rekaacha erishaaro rerarëngaari na kobhakundekeri. Bhakamara bhakooghu eriiraka koru Mwishaaro riyo rerabhugha, “Uno n‑Omoona waane omosiighani, neghuchömëru nawe, momutëghëërërë!”

Mataayo 17:5 ပူးပေါင်းရင်းမြစ်များ

Mataayo 12:18

“Mööhi, uno niwe omutamishi waane uno nemwahwire, Omosiighani waane uno aghuchömëri omotema waane. Neghotoora Akörö yaane ighoro yaache, kubha araghani obhuhëënë bhoone kwo matöngö ghoose.

Mataayo 17:6

Hano abhaanabheegha bhaache ꞉bhooghwire ghayo, bhaghatiina chwee, bhaaghagho haase kebhuuma.

Mataayo 3:17

Eriiraka rekarwera Mwishaaro rerabhugha, “Uno n‑Omoona waane omosiighani, neghuchömëru nawe.”

Maariko 1:11

Niho eriiraka koru Mwishaaro rekabhugha, “Iye n‑Omoona waane omosiighani, uno neghuchömëru na niiye.”

Maariko 9:7

Niho erishaaro reghiika, rekabhakundekeri. Bhakooghu eriiraka re Ryobha rerarwera mo‑rishaaro riyo, rerabhugha, “Uno n‑Omoona waane omosiighani, momutëghëërërë!”

Ruuka 3:22

Akörö Ahörëëru ekamwikëra kinya egheghuuti na ghwikara ighoro yaache. Niho eriiraka koru Mwishaaro rekabhugha, “Iye n‑Omoona waane omosiighani, uno neghuchömëru na niiye!”

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Yohana 3:35

Taata Waryobha namosiighiri Omoona waache, wiiki namoheere obhotoro ighoro e bheghiro bhyose.

Yohana 5:37

Nawe Taata uno antomiri, nahanyibhateereri ghokoonyu. Inyu motaamara kooghu koru eriiraka reeche, wiiki motaamara momorighi kebhuno anyi.

Amaköri gha Bhatomu 1:9

Hano Yesu amariri kobhabhoorera abhatomu bhaache ghayo, bhoose bhaakabha bharamumööhërëri, hayo hayo aghaghëghu ghuye Mwishaaro. Erishaaro rekamobhisa, bhataamorooche wiiki.

Amaköri gha Bhatomu 7:37

“Musa uyo niwe are abhabhooriire Abhiisiraeri bhayo, ‘Ghate yaanyu, Eryobha nakobhaahurera omurööti kinya eni.’

Abhaebheeso 1:6

Gho ghayo, toreghongi Eryobha gho ghareeya yaache ino retoheere kwo bhwaru gho kohetera Omoona waache omosiighani.

Abhakorosaayi 1:13

Natotooriri koru mo‑bhutëmi bho kengʼuuri, aghatusaami na ghotusöhi mo‑bhutëmi bho Moona waache omosiighani.

Abheebhuraaniya 5:9

Kurëngʼaana na ghayo, Eryobha rekamohikeerani na kurëngʼaanera kubha simoka e bhotoori bho miishe ghyose gho ghiri e bhaato bhoose bhano bhakomosooka.

Obhohunyurëru 1:7

Mumööhi! Nakuucha mo‑mashaaro! Abhaato bhoose mbakomorighi, koru abhaato bhaare ꞉bhaamongʼuutiri eriitimo. Amatöngö ghoose mo‑se ngakwihiinyërëra gho ghiri yaache. Hëënë, neekubha hangʼu. Hawubhaabha.

Obhohunyurëru 14:14

Mbe, nekarëkëra amiisho wiiki, nekarighi erishaaro ryero. Ighoro e rishaaro riyo naare ikeere omooto kinya Omoona o Mooto. Omooto uyo naare abheekiri orohuuru ro ghitëmi ro sahaabhu a‑mutu. Mo‑kubhökö kooche naare aghöötëriire eriighësö ryeghi.