Mataayo 16:23 - Eriiraghano Eriihë

²³ Amare Yesu akamwishororeri Bheetero, akamobhoorera akabhugha, “Nooru ambërë yaane ugharuke anyuma, iye Erishambu! Noghusaki kundëki ghuköra amënda gha Ryobha! Nokwihëëbha ghano ghataanyi gha Ryobha, amare n‑gha bhaato okwihëëbha.”

Mataayo 16:23 ပူးပေါင်းရင်းမြစ်များ

Abhabhiribhi 3:19

Antenero e bhaato bhayo mbaghosireekerera, gho kubha amiigha ghaabho nigho eryobha reebho. Ibho mbakwihachera amaköri gha chaasoni ghano bhaghuköra. Wiiki mbakwihëëbhëra amangʼana gha mo‑se ino.

Abhakorosaayi 3:2

Moghiihëëbhërë ghano ghaanyi Mwishaaro, motiihëëbha gha hano mo‑se,

Maariko 8:33

Yesu aghiishoorori, akabhamööhërëri abhaanabheegha bhaache. Akamoshaangʼi Bheetero akabhugha, “Nooru ambërë yaane ugharuke anyuma, iye Erishambu! Nokwihëëbha ghano ghataanyi gha Ryobha, amare n‑gha bhaato okwihëëbha.”

Mataayo 4:10

Yesu akarebhoorera akabhugha, “Iye Erishambu, nooru hano! Mööhi, yandëkuru mo‑Mandëkö Amatööbhiyu kubha, ‘Nekwëndëru omusëngëra Omutëmi Waryobha waacho, no omuhökëri iwe omwene chiri.’”

Yohana 6:70

Niho Yesu akabhabhoorera akabhugha, “Nebhahwire inyu ikomi na bhabhere kubha abhaanabheegha bhaane, amare umu ghate yaanyu n‑o Rishambu.”

Ruuka 4:8

Yesu akarigharokeri akabhugha, “Yandëkuru mo‑Mandëkö Amatööbhiyu kubha, ‘Nekwëndëru omusëngëra Omutëmi Waryobha waacho, no omuhökëri iwe omwene chiri.’”

Abharuumi 14:13

Gho ghayo, totighe ghotenerana ekiina. Twishererani ghotigha ghuköra ghyokyose kino gheghughëri omokumi mughëndi wiito oghu kobhe hamu ghuköra amasari.

Abharuumi 14:21

Ngʼoni otighe kurë anyama, hamu kunyo adivaayi, hamu ghuköra ghyokyose kino gheghotora komuköra mughëndi waacho akörë amasari.

Mataayo 18:7

“Horeera mokorighi inyu abhaato bha se ino, gho ghiri e ghuköra amangʼana ghano ghaghughëri abhaato bharaköra amasari! Amasaki ghayo ngakwëndëru ghabhe‑ho, amare horeera nakorighi omooto uno aghogharëëta masaki ghayo!

Mataayo 16:22

Niho Bheetero akamobherekera rubhareka, aghasëëma komoshaangʼi, arabhugha, “Oo Omutëmi, Eryobha reghaheteri ghayo kurë! Ghataacha ghayo ghotubhöna!”