Mataayo 15:32 - Eriiraghano Eriihë

³² Niho Yesu akabhabherekera abhaanabheegha bhaache, akabhabhoorera akabhugha, “Nekobharigheri changori abhaato bhano gho kubha ntwikeere nabho chaasiko ishato, naho ibheere bhataanyi ne ebhiinyakurë. Nteekwënda nebharaghe bhaghëndë mo‑meghya gheebho bhaanyi inchëra, mbaghotora ghoteni mo‑nchëra.”

Mataayo 15:32 ပူးပေါင်းရင်းမြစ်များ

Mataayo 12:40

Kinya bhuure Yoona ꞉ikeere chaasiko ishato mo‑nda e su ankoro obhotiko no omwishe, hangʼu hangʼu na neeni uno neenyi Omoona o Mooto neghwikara chaasiko ishato mo‑mbeehera obhotiko no omwishe.

Mataayo 14:13

Hano Yesu oghwire ghayo ghoose, aghatanura hayo no obhwato, aghaye ahaghiro hano abhaato bhataanyi. Amare hano abhaato bhooghwire hayi anyi, bhaakaru mo‑meghya gheebho, bhaaghaye bharaghënda kwo maghoro komutambana Yesu.

Mataayo 15:33

Abhaanabheegha bhaache bhakamobhoori bhakabhugha, “Hayi toghotora kubhöna emighaate ghe kobhiighoti abhaato bhano bhoose na hano mwiteregho toonyi?”

Mataayo 20:34

Niho Yesu akabhaghwera bheghongi, akabhaturi amiisho ghaabho. Hayo hayo, amiisho ghaabho ghakahöra na korighi, bhakamutambana Yesu.

Mataayo 27:63

Bhakamobhoorera bhakabhugha, “Oo omutëmi, tokahiita kubha omuröngö wuure hano are akeere muhöru, ꞉naasiikiire akabhugha, ‘Mo‑rosiko ro ghatato, nekoryoka koru mo‑bhaku.’

Mataayo 9:36

Hano arooche erikinda ikoro re bhaato, akabhaghwera ebheghongi, gho kubha mbaare bharanyaaka, bhataare no o kobhatoori. Abhaato bhayo, mbaare kinya changʼöndu chino chetaanyi no omoriishi.

Maariko 9:22

Mara kaaru omusambu uyo nohaamoghwishi mo‑mororo na mo‑manche kubha omwite. Ibheere aribha oghotora ghuköra ghyokyose, otoghwere bheghongi, otusakeri.”

Ruuka 7:13

Hano Omutëmi amorooche omosino uyo, akamoghwera bheghongi, akamobhoorera akabhugha, “Otighe korera.”

Amaköri gha Bhatomu 27:33

Hano bhoore bhokeere ghuke, Bhawuro akabhasasaama abhaghëndi bhaache bhoose bharaaghërë gho kobhabhoorera arabhugha, “Reero mumariri chaasiko ikomi ni inye moonyi mo‑haho, na ghetaanyi‑ho gheghiro kino ꞉mooriire.

Abheebhuraaniya 4:15

Omuchaama Omokoro uyo niwe abhweche obhutöbhu bhwito, gho kubha woose Erishambu ꞉ndeemusakiri gho chanchëra haghare haghare kinya itu, amare iwe taaköriri amasari.