Mataayo 15:31 - Eriiraghano Eriihë

³¹ Abhaato bhayo bhakaroghoora chwee hano bharooche amamuumu ˆghaghasiikëra, abharëma ˆbhakahöra na abhabhëëru ˆbhaghaghënda na abhahuku ˆbhakarighi. Bhaghasëëma koreghongi Eryobha rino Abhiisiraeri bhaghusëngëra.

Mataayo 15:31 ပူးပေါင်းရင်းမြစ်များ

Mataayo 15:30

Abhaato bhaaru chwee bhaaghaye o‑Yesu, bhakamurëëtëra abhabhëëru, na abhahuku, na abharëma, na amamuumu na abhabhabharu abhande bhaaru. Abhaato bhaaru mbaare bhabhatooriri abhabhabharu bhaabho mo‑maghoro gha Yesu, nawe akabhahöri.

Mataayo 18:8

Aribha n‑okubhökö koocho hamu oghoghoro koocho niko ghoghughëri ukörë amasari, okonunge na ghoghute kurë haare. Konga usöhë mo‑bhuhöru bho miishe ghyose otaanyi no oghoghoro hamu okubhökö, ghokera kubha na amabhökö ghombe hamu amaghoro ghombe, amare urëkëru mo‑mororo o miishe ghyose.

Mataayo 21:14

Mbe, eriibhagha Yesu anyi mo‑riigho re Mwisëngërö, abhahuku na abhabhëëru bhakaacha ghokooche, iwe akabhahöri.

Mataayo 8:10

Hano Yesu oghwire amangʼana ghayo, akaroghoora chwee. Akabhabhoorera bhano ꞉bhaare bharamutambana akabhugha, “Mahëënë ˆnekabhabhoorera, ghate e Abhiisiraeri bhoose, ntiimara ndighi omooto wowoose uno anyi no obhokumi bhokoro bhonga bhuno!

Mataayo 9:32

Hano abhahuku bhayo bhatanwire hayo, mööhi abhaato abhande bhakamurëëtëra Yesu omooto uno are aghööturu no omusambu uno ore omuköriri kubha erimuumu.

Mataayo 9:33

Yesu akawuhëëbha omusambu uyo, hayo hayo, omooto uyo aghasëëma ghosiikëra. Abhaato bhano ꞉bhaare hayo bhakaroghoora chwee, bhakabhugha, “Mo‑se yoose e Isiraeri, ghataamara gharwera naabha amangʼana kinya ghano!”

Mataayo 9:8

Hano abhaato bhano ꞉bhaare hayo bhagharooche ghayo, bhakahagha na ghotiina chwee. Bhakareghongi Eryobha rino reheere abhaato obhotoro bhonga bhuyo.

Maariko 2:12

Hayo hayo, omooto uyo akiimeerera akiimoki machëëra yaache, akahoroka anche, ino bhoose bhano ꞉bhaare hayo bharamumööhërëri. Abhaato bhayo bhoose bhakahagha na koreghongi Eryobha, bhakabhugha, “Totaamara korighi naabha angʼana kinya ino iköruru reero!”

Maariko 7:37

Bhakahagha chwee, bhakabhugha, “Ghoose ghano aköriri m‑machömu. ˆAghaghëri abhakiro bhakooghu, na amamuumu ˆghaghasiikëra!”

Maariko 9:43

Wiiki, okubhökö koocho koraghëri ukörë amasari, okonunge. N‑ngʼoni usöhë mo‑bhuhöru bho miishe ghyose otaanyi no okubhökö kumu, ghokera kubha na amabhökö abhere na ghuye mwiribha hano omororo otaakorima. [

Ruuka 14:13

“Mbe, örëënda kobhakörëra abhaato obhughëni, uraghani abhahabhe, na abharëma, na abhabhëëru, na abhahuku.

Ruuka 14:21

“Omusësë uyo aghagharuka, akamobhoorera omutëmi waache ghayo ghoose. Niho omutëmi waache aghakarara chwee, akamobhoorera omusësë waache, ‘Nooghi ibheerebheere, mo‑nchëra ankoro na mo‑chanchëra chansuuhu che moghya uno, obharëëtë hano abhahabhe, na abharëma, na abhahuku, na abhabhëëru.’

Ruuka 18:43

Hayo hayo, akarighi, akamtambana Yesu, arareghongi Eryobha. Abhaato bhoose, hano bharooche ghayo, bhaghasëëma koreghongi Eryobha.

Ruuka 7:16

Abhaato bhayo bhoose, bhaghatiina chwee. Bhaghasëëma koreghongi Eryobha, bharabhugha, “Omurööti omokoro, akarwera ghate yiito!” Wiiki bhakabhugha, “Eryobha, ndiichiri ghotoori abhaato bhaache!”

Yohana 9:24

Gho ghayo, abhakangati bha Bhayahuuti bhakamobherekera mara e kabhere omooto uno are omohuku, bhakamobhoorera bhakabhugha, “Noobhughe obhuhëënë ambërë e Ryobha! Itu ntweche kubha omooto uyo akuhöriri, n‑omuköri o masari.”