Mataayo 15:2 - Eriiraghano Eriihë

² “Neke gheghughëri abhaanabheegha bhaacho bhataaghutambana chaasughara che bhasookoro bhiito chino bhatotighiire? Gho kubha mbaakurë ebhiinyakurë ino bhatishaabhiri amabhökö ghaabho!”

Mataayo 15:2 ပူးပေါင်းရင်းမြစ်များ

Mataayo 15:3

Yesu akabhagharokeri akabhugha, “Ngwake na niinyu moghusari emeghiro ghe Ryobha gho ghutambana chaasughara cheenyu?

Maariko 7:2

Bhakarighi abhaanabheegha bha Yesu abhamu mbakuraaghëra kwo mabhökö amaghonchu, niko kobhugha, bhatishaabhiri kebhuno ekwëndëru.

Maariko 7:5

Mbe, Amabharisaayo na abheeghi bha meghiro bhakamobhoori Yesu bhakabhugha, “Ngwake abhaanabheegha bhaacho bhataaghutambana chaasughara che bhasookoro bhiito, amare mbakuraaghëra na amabhökö maghonchu?”

Ruuka 11:38

Omubharisaayo uyo, akaroghoora korighi kubha Yesu akaraaghëra ataamara ishaabha amabhökö.

Abhagharatiya 1:14

꞉Neebhakeriri abhande bhaaru bhano toore asiigha imu, gho kuröönëra atiini yiito e Kiyahuuti. Neghiköngʼi chwee ghughööta ameeghi gha bhataata bhiito.

Abhakorosaayi 2:8

Mbe, mubhe miisho, omooto wowoose ataacha kobharumeeri kwo meeghi gha bhoowa na gha bhuröngö ghano ghakorwera mo‑chaasughara che bhaato. Ameeghi ghayo ngaghwitëngʼëra chaakörö chambe chino cheghukangata ase ino na ghataanyi gha Kirisito,

1 Bheetero 1:18

Inyu, moore mumanyiri kurëngʼaana na amaköri ghaanyu amabhe, kinya bhuno ꞉muughabhiri koru kwo bhasookoro bhaanyu. Ibheere mumënyë kubha, Eryobha retabhatooriri inyu koru mo‑ghano moore moraköra, gho kuhökëri ebheghiro bhino bhehaasarëka, kinya chambiiri na chasahaabhu.