Mataayo 14:6 - Eriiraghano Eriihë

⁶ Hano rohikiri orosiko ro kohiita kwibhoru kooche Herote, omuukë o Herotiya akabhina ambërë e bhaghëni, akamotegheri Herote chwee.

Mataayo 14:6 ပူးပေါင်းရင်းမြစ်များ

Mataayo 14:3

Herote ꞉naasiikiire hangʼu gho kubha naare amughöötiri Yohana, akamubhöha, akamotoora mwighërëcha. ꞉Naamubhöhiri gho ghiri e kobhugha amangʼana ighoro Herotiya, uno ekimbërë are omukari o Bhiiribho, omonyi waache,

Mataayo 14:7

Niho akamuraghera kwo riiraheri komuha omuukë uyo ghyokyose kino angamusabhiri.

Mataayo 22:24

“Omweghi, Musa ꞉naaturagheriiri mo‑meghiro gheeche kubha aribha omooto araku na komotigha omukari atiibhwire, nekwëndëru ömööbhö amughabhe omosino uyo kubha amwibhorere abhaana abhooki aka e mosiri uyo.

Maariko 6:14

Omutëmi Herote Antibha o se iyo, ꞉nooghwire amangʼana gha Yesu, gho kubha amangʼana ghaache ngaare ghasanchiri ahaghiro hoose. Abhande mbaare bharabhugha ighoro e Yesu kubha, “N‑Yohana Omubhatisaachi aryokiri koru mo‑bhaku, nikyo anyi no obhotoro bho ghuköra ebheroghooro.”

Maariko 6:17

Hayo ekimbërë Herote Antibha omwene naare ahatëkiri Yohana aghöötu, akamubhöha mwighërëcha. Herote naköriri hangʼu, gho ghiri e Herotiya muka Bhiiribho, uno Herote akwiriri nangabha are omukari o mööbhö.

Maariko 6:19

Mbe, Herotiya akamurëgha chwee Yohana, naare arëënda komwita, amare taatoriri.

Maariko 8:15

Yesu akabhashaangʼi akabhugha, “Mubhe amiisho no obhotondoru bho Mabharisaayo na bho mutëmi Herote Antibha.”

Ruuka 13:31

Eriibhagha riyo riyo, Amabharisaayo abhande ꞉mbaamutambiine Yesu bhakamobhoorera bhakabhugha, “Nooru hano, oghi ahaghiro ahande, gho kubha Herote Antibha nakwënda ghoghwita.”

Ruuka 23:11

Herote na abhaashirikare bhaache bhaghasëëma komochebhora, bhakamusëka, bhakamobheeki eriishaghi ichömu re ghitëmi. Bhakamara bhakamugharoki o Bhiraato.

Ruuka 23:7

Hano amënyiri kubha iwe m‑Mughariraaya o mo‑bhutëmi bho Herote Antibha, akamohira ghokooche. Mo‑chaasiko chiyo, Herote Antibha naare hayo Yerusareemu.

Ruuka 3:1

Neere omooka wi ikomi na ghataano o bhukangati bhooche Kayisaari Tibheeriyo o Bharuumi. Eriibhagha riyo Bhontiyo Bhiraato, naare omukangati mo‑mukööwa o Yuteya, na Herote Antibha, naare omukangati mo‑mukööwa o Ghariraaya. Bhiiribho nawe, ömööbhö Herote, naare omukangati mo‑mukööwa o Itureya, na Tirakoniti. Wiiki Riisaniya, naare omukangati mo‑mukööwa o Abhireene.

Ruuka 3:19

Achekumara, Yohana akamwitweka omukangati Herote, gho kubha ꞉naamwimokiri Herotiya, mka o mööbhö, akamokwira. Yohana akamohiinya kwo ngʼana iyo, na kwo mabhe ghoose ghano are araköra.

Ruuka 8:3

Wiiki naare‑ho Yowana, omukari o Kusa. Kusa uyo, niwe uno are ariimeererera ebheghiro bhe mutëmi Herote Antibha. Mbaare‑ho wiiki Susana, na abhakari abhande bhaaru. Abhakari bhayo, mbaare bhararuusi ebheghiro bheebho, gho komotoori Yesu na abhaghëndi bhaache.

Amaköri gha Bhatomu 12:1

Mo‑chaasiko chiyo, omutëmi Herote Aghiribha aghasëëma kobhanyaaki abhaato abhamu bha riikanisa.

Amaköri gha Bhatomu 4:27

“M‑mahëënë kubha, omutëmi Herote Antibha na Bhontiyo Bhiraato, ꞉mbaatëmëëriine haghirohamu na abhaato bha matöngö na Abhiisiraeri, mo‑moghya o Yerusareemu kubha bhamwange Yesu, omutamishi waacho Omutööbhiyu uno ꞉omwahwire kubha Kirisito.