Mataayo 13:5 - Eriiraghano Eriihë

⁵ Chambusuro echende cheghaghwera mwitare, hano hataanyi ne eriiröbhë ryaru. Chambusuro chiyo chekamëra bhwango gho kubha riiröbhë ndeere isuuhu ighoro.

Mataayo 13:5 ပူးပေါင်းရင်းမြစ်များ

Mataayo 13:20

Chambusuro chino ꞉cheeghweriire mwitare rino retaanyi ne eriiröbhë ryaru, nchetuubhiine no omooto uno akooghu angʼana e bhutëmi bho Ryobha, hayo hayo ayesongʼaana gho ghuchömëru.

Mataayo 13:4

Eriibhagha are arabhusura, chambusuro echende cheghaghwera mo‑nchëra, ebhinyönyi bhekaacha bheghachirë.

Mataayo 13:6

Amare hano omu ubhariri, emimërö ghiyo ghekanyaara na kooma, gho kubha emerya gheeche ghetaare gheghiire haase.

Maariko 4:16

Abhande, mbatuubhiine ne eriiröbhë re mwitare. Hano bhakooghu angʼana e Ryobha, bhayesongʼaana bhwango gho ghuchömëru.

Maariko 4:5

Chambusuro echende cheghaghwera mwitare, hano hataanyi ne eriiröbhë ryaru. Chambusuro chiyo chekamëra bhwango gho kubha riiröbhë ndeere isuuhu ighoro.