Mataayo 13:41 - Eriiraghano Eriihë

⁴¹ Eni Omoona o Mooto nekobhatoma bhamarayika bhaane kubha bhabhakome koru mo‑bhutëmi bhoone abhaato bhoose bhano bhakorumeeri abhande bhakörë amasari, na abhaköri bha masari bhoose.

Mataayo 13:41 ပူးပေါင်းရင်းမြစ်များ

Mataayo 13:49

Hangʼu nibhu ekubha orosiko ro ghotenera ekiina ase. Bhamarayika bha Ryobha mbakuucha na kobhaahukani abhaato bhano bhaköriri amasari, na bhano bhaanyi no obhuhëënë ambërë e Ryobha.

Mataayo 18:7

“Horeera mokorighi inyu abhaato bha se ino, gho ghiri e ghuköra amangʼana ghano ghaghughëri abhaato bharaköra amasari! Amasaki ghayo ngakwëndëru ghabhe‑ho, amare horeera nakorighi omooto uno aghogharëëta masaki ghayo!

Mataayo 24:31

Niho nekobhatoma bhamarayika bhaane bhatëmë chantaara kwo riiraka ikoro, kubha bhabhakome abhaahöru bhoose bha Ryobha koru chambaara choose che se. Abhaahöru bhayo mbakuucha korwera eribhaara rimu mbagha ghutabhura eribhaara erende.”

Mataayo 3:12

Ibheere Kirisito nakuucha, kwahukani abhaato bhano bhatuukuniri, na bhano bhaanyi na amasari, kinya omooto uno aghöötëriire orohongo mo‑mabhökö ghaache. Angano iyo nakoyekomera mo‑ghitara keeche, amare omokoonyo nakowute mo‑mororo, no omororo uyo tookorima naabha!”

Mataayo 8:20

Yesu akamugharokeri akabhugha, “Chaambwe ncheenyi na chakoobho ne ebhinyönyi mbeenyi ne ebhenyumba. Amare eni uno neenyi Omoona o Mooto nteenyi koru na ha ghotoora omutu!”

Maariko 13:27

Nekobhatoma bhamarayika bhaane bhabhakome abhaahöru bhoose bha Ryobha koru chambaara choose che se, korwera hano ase irëngiire, mbagha hano esiriire.

Abharuumi 2:16

Hangʼu nibhu ekubha orosiko ro ghoteneru ekiina. Eryobha ndekobhatenera ekiina abhaato kohetera Kirisito Yesu, koru kwo mangʼana ghaabho gha kebhisere, kinya ekobhugha Angʼana Anchömu ino nebharaghaniiri.

Abheebhuraaniya 1:14

Gho ghayo marayika n‑gheghiro ke? Ibho n‑abhatamishi bha Ryobha, wiiki n‑chaakörö chino Eryobha rehaachetoma kobhahökëri bhaare bhaghotooribhu.

Obhohunyurëru 21:27

Amare ghetaanyi‑ho ghyokyose kino keenyi gheghonchu kino gheghusöha mo‑moghya uyo, koru omooto wowoose uno aghuköra amangʼana gha chaasoni hamu ghosiikëra obhuröngö. Amare, abhaato bhano bhaghusöha mo‑moghya uyo m‑bhaare amariina ghaabho ghaandëkuru mo‑Ghitabhu ke Bhuhöru ke Omoona o Ngʼöndu.