Mataayo 13:23 - Eriiraghano Eriihë

²³ Amare chambusuro chiire ꞉cheeghwire mwiröbhë ichömu, nchetuubhiine no omooto uno akooghu angʼana e Ryobha na koyimënya. Omooto uyo naghusönga amakorobhese eriighana rimu, owonde miröngö esaasabhe na owonde miröngö etato.”

Mataayo 13:23 ပူးပေါင်းရင်းမြစ်များ

Mataayo 12:33

“Omote omuchömu nohaasönga amakorobhese amachömu, no omote omobhe nohaasönga amakorobhese amabhe. Noghotora kumënya omote kebhuno onyi kwo makorobhese ghano oghusönga.

Mataayo 13:8

Chambusuro echende cheghaghwera mwiröbhë ichömu. Hano chekoriri, echimu chekabhyara amakorobhese eriighana rimu, ne echende miröngö esaasabhe ne echende miröngö etato.

Mataayo 3:10

Ahaache nimariri ghotooru mo‑matina gha mete. Omote wowoose uno otaaghusönga amakorobhese amachömu nokonungu na kurëkëru mo‑mororo.

Mataayo 3:8

Mbe, mukörë amaköri ghano ghakwërëki kubha, motuukuuniri amasari ghaanyu.

Maariko 10:15

Mahëënë ˆnekabhabhoorera kubha, wowoose uno ataaghosongʼaana obhutëmi bho Ryobha kinya omoona omosuuhu, taaghotora ghusöha mo‑bhutëmi bho Ryobha naabha.”

Maariko 4:20

Na abhande mbatuubhiine ne eriiröbhë ichömu. Bhano mbakooghu angʼana e Ryobha na koyesongʼaana na ghusönga, imu miröngö etato, ayende miröngö esaasabhe na ayende eriighana rimu.”

Ruuka 13:9

Ibheere aribha orasönga amakorobhese omooka uno okuucha, n‑kumangi! Oraanga ghusönga, towonunge.’”

Ruuka 8:15

“Chambusuru chino ꞉cheeghweriire mo‑riiröbhë ichömu, nchekwërëki abhaato bhano bhakooghu angʼana e Ryobha. Hano bhakumara kooghu, bhayighöötërëra mo‑metema gheebho kwo bhughöröröku. Wiiki bhëëngëra ghoghiihëëbha, bhayo mbahaaghumereri mbagha bharuusi amakorobhese amachömu.

Ruuka 8:8

“Echende, cheghaghwera mwiröbhë ichömu. Chekamëra, chekabhyara imu riighana.” Hano amariri kobhugha ghayo, aghatiiri eriiraka arabhugha, “Omooto wowoose uno anyi na amatu gha kooghu, no oghu.”

Yohana 15:16

Inyu motanyahwire eni, amare n‑eni nebhahwire inyu. Nebhahwire kubha, musöngë amakorobhese ghano ghataaghosira naabha. Moraköra hangʼu, ghyokyose kino morasabha kohetera eriina reene, Taata nakobhaha.

Yohana 8:47

Uno anyi o Ryobha nahaatëghëërëra amangʼana ghaache. Inyu motaaghutëghëërëra ghano Eryobha rekobhugha gho kubha inyu taanyi abhaato bha Ryobha moonyi.”

Amaköri gha Bhatomu 16:14

Umu o bhakari bhayo ꞉bhaare bharatutëghëërëra, naare aruure mo‑moghya o Tiyatira, eriina reeche Riitiya. Riitiya uyo naare omosorocha o maghööti amachömu gha sambaraawe, wiiki naare araresooka Eryobha. Hano Bhawuro abhamënyiri Angʼana Anchömu iyo, Omutëmi aghiighora omotema o Riitiya mbagha aghakumi.

Amaköri gha Bhatomu 17:11

Abhaato bha hayo Bherooya mbaare abhaato bhahöriicho chwee ghokera bha Tesaronike. Hano Bhawuro abharaghaniiri angʼana e Ryobha, bhakayiishereri kwo miigha chwee. Bhaakabha bharaghiisuncha Amandëkö Amatööbhiyu chaasiko choose, kubha bharighi aribha ghayo Bhawuro akobhugha n‑gha hëënë.

2 Abhakorinto 9:10

Eryobha niryo rekomuha omooto ambusuro e kwemi ne ekiinyakurë. Hangʼu hangʼu, ndekobhaha inyu ambusuro e kwemi na köyëngërëërëri. Niko kobhugha kubha, ndekobhaha na köbhëëngërëërëri omukörö o kobhasakeri abhande.

Abhabhiribhi 1:11

Eriimanya reenyu ndeghwichora amangʼana gha hëënë ghano ghakubhönëka gho nchëra e Yesu Kirisito. Ghayo ghoose gharekumi na koreghongi Eryobha.

Abhabhiribhi 4:17

Nteekobhugha hangʼu gho kubha nekwënda kubhöna ebheghiro koru ghokoonyu, tiyaanyi. Amare nesiighiri nerighi orubhango runo Eryobha rekobhaha kurëngʼaana no obhwero bho chaakörö cheenyu.

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

Abhakorosaayi 1:6

Angʼana Anchömu ino ꞉ehikiri bhowaanyu, nisanchiri mo‑se ingima. Nekobhagharura abhaato kinya ꞉ebhagharwire inyu korwera orosiko runo ꞉mooghwire na kumënya aghareeya e Ryobha no obhuhëënë bho ghareeya yaache kebhuno enyi.

1 Abhatesaronike 4:1

Ibheere bhahiiri bhiito, mweghiri koru ghokwito bhuno mokwëndëru kumanya, gho ghiri e korichömëri Eryobha. Na mahëënë eriimanya reenyu hangʼu reenyi. Ibheere, ntokobhasabha na ntokobhasasaama kwo bhukangati bho Mutëmi Yesu kubha, mubhe moraköra hangʼu na ghokera hayo.

2 Abhatesaronike 2:10

Wiiki nakobhangʼiina gho chanchëra chaaru bhoose bhano bhaanyi mo‑nchëra e kobhora, gho kubha mbaangiri ghosiigha obhuhëënë kubha bhabhönë ghotooribhu.

Abheebhuraaniya 4:2

Na niitu nturaghaniiru Angʼana Anchömu kinya bhuno bhasookoro bhiito bhoose ꞉bhooghwire. Amare ibho eriibhagha ꞉bhooghwire amangʼana ghayo, ghatabhatooriri ghyokyose gho kubha bhataaghakumiri.

Abheebhuraaniya 6:7

Eriiröbhë rino rehaabhöna ambura mara kaaru na ghuchaami chambusuro chino cheenyi no obhwëra mo‑moremi, eriiröbhë riyo ndeghwitabheru ne Eryobha.

Abheebhuraaniya 8:10

Eriiraghano Eriihë rino nekoretoora na Abhiisiraeri mo‑chaasiko chino chekuucha niryo rino. Neghotoora emeghiro gheene mo‑bhongo bhoobho, na neghoghyandëka mo‑metema gheebho. Eni neekubha Eryobha reebho nabho mbaakubha abhaato bhaane.

2 Bheetero 3:18

Amare mwëndërërë ghokora mo‑ghareeya na gho komumënya Omutëmi no Omotoori wiito Yesu Kirisito. Aghongibhu, ibheere ne emiishe ghyose! Hawubhaabha.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.