Mataayo 13:20 - Eriiraghano Eriihë

²⁰ Chambusuro chino ꞉cheeghweriire mwitare rino retaanyi ne eriiröbhë ryaru, nchetuubhiine no omooto uno akooghu angʼana e bhutëmi bho Ryobha, hayo hayo ayesongʼaana gho ghuchömëru.

Mataayo 13:20 ပူးပေါင်းရင်းမြစ်များ

Mataayo 13:19

Omooto wowoose uno akooghu angʼana e bhutëmi bho Ryobha amare atayimënya, Erishambu ndekuucha na koyisara angʼana ino Eryobha ryemiri mo‑motema waache. Omooto uyo natuubhiine na chambusuro chino ꞉cheeghweriire mo‑nchëra.

Mataayo 13:21

Amare gho kubha taanyi ne emerya moose yaache, angʼana iyo nekubhamu kwo riibhagha isuuhu. Aribha anyaako hamu anyööri eramubhöna gho ghiri e ngʼana iyo, hayo hayo ayetigha.

Mataayo 7:8

gho kubha omooto wowoose uno aghusabha, Eryobha ndekomuha, wowoose uno aghutabhara, Eryobha ndekomuha. Wiiki, wowoose uno aghuköngʼööta eghisëku, Eryobha ndekomwighorera orwighe.

Maariko 6:20

Herote ꞉naamotiiniri chwee Yohana gho kubha ꞉naamënyiri kubha iwe n‑omooto muhöriicho no omutööbhiyu, gho ghayo akamochonga. Herote nasiighiri komutëghëërëra chwee Yohana, nangabha hano amariri komutëghëërëra ꞉niitumatiri chwee.

Yohana 5:35

Yohana Omubhatisaachi naare kinya oromore runo rohaaka na komoreka mo‑kengʼuuri, na niinyu muchömiiru no obhwero bhuyo kwo riibhagha isuuhu.

Amaköri gha Bhatomu 8:13

Simiyooni woose akamokumi Yesu, akabhatiisu, aghaghöötana na Bhiiribho. Hano arooche ebheroghooro ebhekoro bhino Bhiiribho are araköra, bhekamoroghoori chwee.