Mataayo 13:19 - Eriiraghano Eriihë

¹⁹ Omooto wowoose uno akooghu angʼana e bhutëmi bho Ryobha amare atayimënya, Erishambu ndekuucha na koyisara angʼana ino Eryobha ryemiri mo‑motema waache. Omooto uyo natuubhiine na chambusuro chino ꞉cheeghweriire mo‑nchëra.

Mataayo 13:19 ပူးပေါင်းရင်းမြစ်များ

Mataayo 12:26

Wiiki aribha Erishambu rerahëëbha Erishambu koru mo‑mooto, ndeekubha rerirööna eryene. Gho ghayo, obhutëmi bhooche mboghotora kwimeerera bhu?

Mataayo 13:20

Chambusuro chino ꞉cheeghweriire mwitare rino retaanyi ne eriiröbhë ryaru, nchetuubhiine no omooto uno akooghu angʼana e bhutëmi bho Ryobha, hayo hayo ayesongʼaana gho ghuchömëru.

Mataayo 13:38

Omoghondo wuure notuubhiine na ase, chambusuro inchömu chiire nchetuubhiine na abhaato bha bhutëmi bho Ryobha. Amare eghetoki kiire ngetuubhiine na abhaato bha mobhisa wuure.

Mataayo 4:23

Yesu ꞉niinaariri Ghariraaya yoose, areeghi mo‑masinaghooghi ghaabho, na kuraghani Angʼana Anchömu e bhutëmi bho Mwishaaro, na kobhahöri amabhabharu ghaabho ghoose.

Mataayo 5:37

Aribha angʼana enyi hëënë ibhe hëënë. Hamu aribha tiyaanyi ibhe tiyaanyi, gho kubha ghano ghaghokera ghayo, ngakoru kwo Rishambu, omobhisa wuure.

Maariko 4:15

Abhaato abhande mbatuubhiine ne eriiröbhë re mo‑nchëra. Hano bhakooghu hangʼu angʼana e Eryobha, Erishambu ndehaacha, na koyeruusi angʼana yiire mo‑metema gheebho.

Ruuka 10:9

Wiiki abhabhabharu bhano bhaanyi mo‑moghya uyo, mobhahöri. Mobhabhoorere abhiikari bhayo kubha, obhutëmi bho Ryobha ˆbhoghatingʼi.

Ruuka 9:2

Akabhatoma, bhaghëndë kuraghaneri abhaato angʼana e bhutëmi bho Ryobha, na kobhahöri abhabhabharu na koruusi emisambu.

Yohana 18:38

Bhiraato akamobhoori akabhugha, “Obhuhëënë n‑ghento ke?” Hano Bhiraato abhughiri ghayo, akahoroka anche wiiki, akabhabhoorera abhakangati bha Bhayahuuti akabhugha, “Eni ntiimara ndighi eriisari ryoryose re komusëma.

Yohana 8:43

Ngwake motaakumënya ghano nekobhabhoorera? N‑gho kubha mokwanga ghutëghëërëra amangʼana ghaane.

Amaköri gha Bhatomu 17:32

Mbe, hano bhooghwire kubha Bhawuro naghosiikëra ighoro e koryoka kwo bhaku, abhamu bhaghachëëra. Amare abhande bhakamobhoorera, “Ntokwënda ghoghutëghëërëra wiiki ighoro e ngʼana iyo.”

Amaköri gha Bhatomu 18:15

Mbe, gho kubha mokuhakaana kwo mangʼana hangʼu, na kwo mariina, na kwo meghiro gheenyu, moghamare inyu bheene. Eni nteekwënda kubha omoteni o kiina o mangʼana ghano.”

Amaköri gha Bhatomu 20:25

“Inyu bhoose, mweche neere neraheta ghate yaanyu neraraghani ighoro e bhutëmi bho Ryobha. Amare ibheere, nyeeche kubha, taanyi‑ho koru umu ghate yaanyu uno aghotora kondighi wiiki.

Amaköri gha Bhatomu 28:23

Niho bhaghiishererani na Bhawuro orosiko runo bhaghutëmëërana. Orosiko ruyo hano rohikiri, Abhayahuuti bhayo bhaghatëmëërana kwo bhwaru ghokera ekimbërë, mo‑nyumba ino are ariikara. Bhawuro akamara omwishe woose arabheeghi, na köbhëërëkërëri kwo bhuchömu ighoro e bhutëmi bho Ryobha. Mbe, gho kubha ꞉nëëndiri bhoose bhamokumi Yesu, eghaghëri abheeghi amangʼana ighoro e Yesu gho kohetera emeghiro ghe Musa, na mo‑bhitabhu bhe bharööti.

Abharuumi 1:28

Mbe, gho kubha abhaato mbaangiri korimënya Eryobha, ryose ndebhatighiri bhabhe bharatambana amiihëëbhö ghaabho ghano ghakobharumeeri. Ibheere mbaghuköra amangʼana ghano ghataakurëngʼaanera ghuköru.

Abharuumi 14:17

Amangʼana amachömu mo‑bhaato bha bhutëmi bho Ryobha taanyi ighoro e kurë hamu kunyo, amare n‑ghuköra ghano Eryobha rekwënda, kubha no omurëmbë na kumanya gho ghuchömëru. Ghayo ghoose ngaakubha kwo bhotoorereri bho Körö Ahörëëru.

Abharuumi 2:8

Amare ndekobhakararera na kobharööna abhaato bhano bhakwanga obhuhëënë na ghuköra amabhe, gho kurëngʼaana no obhusööhu bhoobho.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

2 Abhatesaronike 2:12

Niho bhoose bhano bhataaghokumi obhuhëënë, na ghuchömëru na amasari, mbaghoteneru ekiina.

Abheebhuraaniya 2:1

Gho ghayo, tubhe miisho chwee gho ghano tooghwire, kubha totaacha ghoghatigha na ghughöötana na amangʼana aghande.

1 Yohana 3:12

Totabha kinya Kaayini, iwe n‑omoona o Rishambu are, akamwita omonyi waache. Ngwake amwitiri? Namwitiri gho kubha amaköri gha Kaayini ngaare mabhe, amare gha monyi waache ngaare gha bhuhëënë.

1 Yohana 5:18

Ntweche kubha omoona wowoose o Ryobha, taakwëndërëra ghuköra amasari, gho kubha Omoona o Ryobha nakomochonga, Erishambu retaaghotora komoturi.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.