Mataayo 13:12 - Eriiraghano Eriihë

¹² gho kubha uno anyi ne egheghiro nakuhaabhu, na kwëngëru bhyaru. Amare uno ataanyi ne egheghiro nakuhöku koru kiire are ararighi kubha naanyi nakyo.

Mataayo 13:12 ပူးပေါင်းရင်းမြစ်များ

Mataayo 21:43

“Gho ghayo, ˆnekabhabhoorera kubha, inyu motaaghusöha mo‑bhutëmi bho Ryobha, amare abhaato abhande nibho bhaghwisherereru ghusöha‑mu. Abhaato bhayo m‑bhano bhaghotora ghuköra bhoheene mo‑moghondo waache, kubha ghabhönëkë amakorobhese ghano ghakorichömëri Eryobha.

Mataayo 25:29

“Gho ghayo, mooto wowoose uno anyi ne egheghiro nakuhaabhu, na kwëngëru bhyaru. Amare uno ataanyi ne egheghiro nakuhöku koru kiire are ararighi kubha naanyi nakyo.

Maariko 12:9

“Ibheere, omwene omoghondo uyo nibhu aghuköra? Nakuucha na kobhiita abharemi bhayo, no omoghondo uyo, nakobhaha abhande.

Ruuka 10:42

Amare neenyi‑ho angʼana imu hangʼu ino ekwëndëru, wiiki n‑e hëënë ghokera ghoose. Mariyamu niyo ahwire, ghutëghëërëra angʼana yaane ino omooto wowoose ataaghotora komuhöka.”

Ruuka 12:48

Amare, omusësë uno ateeche amënda gha mutëmi waache, araköra ghano gharëngʼaaniire kuröönu, iwe nakuröönu hasuuhu hangʼu. Omooto uno ahaabhuru bhyaru, naghusabhu bhyaru wiiki.

Ruuka 16:2

Ibheere, omwame uyo akamobherekera omwimeerereri waache, akamobhoorera akabhugha, ‘M‑mangʼana ke ghano nekooghu ighoro yaacho? Onyëërëki omubharo o bheghiro bheene, gho kubha toghotora wiiki kubha mwimeerereri o bheghiro bheene.’

Ruuka 16:25

“Amare, Abhurahamu akamugharokeri, ‘Oo omoona waane, ohiite kubha ꞉noobhwine amangʼana amachömu mo‑riimanya reecho, hano ore mo‑se. Rasaaro nawe, ꞉naabhwine amabhe. Amare ibheere, iwe nakuhönibhu hano, na niiye nokunyaaka.

Ruuka 8:18

“Mbe, ghano mooghwire, moghatëghëërërë bhoheene, gho kubha, uno anyi ne egheghiro nakuhaabhu, na wuure ataanyi ne egheghiro nakuhöku koru kiire are ararighi kubha naanyi nakyo.”

Ruuka 9:26

“Wowoose uno akondigheri chaasoni eni na amangʼana ghaane, Omoona o Mooto woose nakomorigheri chaasoni omooto uyo, hano akuucha kuucha mo‑bhokumi bhooche obhokoro, na bhwi Ishe, na bho bhamarayika bhaache abhatööbhiyu.

Yakobho 4:6

Amare, aghareeya ino tokuhaabhu ne Eryobha neenyi na changuru chwee, kinya Amandëkö Amatööbhiyu ghakobhugha, “Bhano bhakwihacha, Eryobha ndehaabhaanga, amare abhanyööhu, ndehaabhaha aghareeya.”

Obhohunyurëru 2:5

Mohiite ghano ꞉muuköriri eriibhagha moore mokeere ghotigha obhosiighi bhoonyu. Moramara motuukuune, mukörë ghaare ꞉muuköriri eriibhagha riire. Moraanga ghotuukuuna, nekuucha na koruusi egheghiro keenyu ghe ghotoorera‑mu oromore.