Mataayo 13:11 - Eriiraghano Eriihë

¹¹ Akabhagharokeri akabhugha, “Eryobha ndebhahunyuriire inyu kumënya ghano ghaanyi mo‑kebhisere ighoro e bhutëmi bho Mwishaaro, amare ibho bhakeere kumënya ghayo,

Mataayo 13:11 ပူးပေါင်းရင်းမြစ်များ

Mataayo 13:10

Abhaanabheegha bha Yesu bhakaacha na komobhoori bharabhugha, “Ngwake oghosiikëra na abhaato bhano kwo bhetuubhaani?”

Mataayo 16:17

Yesu akamobhoorera akabhugha, “Oo Simiyooni mwërëëti o Yoona, witabhiiru gho kubha taanyi‑ho omooto uno akohunyuriire rino, amare n‑Taata waane uno anyi Mwishaaro.

Mataayo 19:11

Yesu akabhagharokeri akabhugha, “Taanyi abhaato bhoose bhaghotora ghwishereri angʼana iyo, amare m‑bhaare abheene bhano Eryobha rebhiishereriiri bhatakwira.

Mataayo 20:23

Yesu akabhabhoorera akabhugha, “Mahëënë moghotora kunyaaka kinya bhuno neeghuye kunyaaka, amare ghwikara okubhökö koone gho kwiro hamu gho kumosi, ghiyo ghetaanyi emeremo gheene. Emyeya ghiyo n‑ghe bhano Taata waane amariri kobhasëëmëra.”

Maariko 10:40

Amare, komotoora omooto ikare okubhökö koone gho kwiro hamu gho kumosi, ghiyo ghetaanyi emeremo gheene. Eryobha ndekobhaha bhaare ꞉riimariri kobhasëëmëra.”

Maariko 4:11

Akabhagharokeri akabhugha, “Eryobha ndebhahunyuriire inyu kumënya ekebhisere ke bhutëmi bhooche. Amare abhaato bhano bhataaghuntambana, nekobhabhoorera ghoose kwo bhetuubhaani,

Ruuka 8:10

Akabhagharokeri akabhugha, “Eryobha ndebhahunyuriire inyu kumënya ghano ghaanyi mo‑kebhisere ighoro e bhutëmi bhooche. Amare kwo bhande neghosiikëra kwo bhetuubhaani gho ghiri, ‘Bhamööhërëri, amare bhatarighi, bhatëghëërërë, amare bhatamënya.’

Yohana 6:65

Mbe, akëëndërëra ghosiikëra arabhugha, “Gho ghayo, ˆnekabhabhoorera, taanyi‑ho omooto uno aghotora kuucha ghokoone, aribha Taata atamotooreriiri.”

Yohana 7:17

Omooto wowoose uno akwënda ghuköra amiigha gha Ryobha, nakumënya kubha ameeghi ghano gharuure kwo Waryobha, na kubha nteeghosiikëra amangʼana ghaane eni omwene.

Amaköri gha Bhatomu 16:14

Umu o bhakari bhayo ꞉bhaare bharatutëghëërëra, naare aruure mo‑moghya o Tiyatira, eriina reeche Riitiya. Riitiya uyo naare omosorocha o maghööti amachömu gha sambaraawe, wiiki naare araresooka Eryobha. Hano Bhawuro abhamënyiri Angʼana Anchömu iyo, Omutëmi aghiighora omotema o Riitiya mbagha aghakumi.

Abharuumi 11:25

Abhahiiri bhaane, nekwënda mumënyë ighoro e obhorwachi bho Ryobha bhuno bhoore bhobhisuru korwera kare, kubha motaacha ghwitëngʼëra obhongo bhoonyu inyu bheene. Abhiisiraeri abhamu mbaakubha ne emetema miköngʼu, mbagha hano omubharo o bhaato bha matöngö bhano Eryobha rekwënda ohikeerane.

Abharuumi 16:25

Ibheere, ntokoreghongi Eryobha! Iryo ndeghotora kobhaköra mubhe moriiköngʼi mo‑bhokumi bhoonyu, kohetera mo‑Ngʼana Anchömu ighoro e Yesu Kirisito ino neere neraraghani ghokoonyu. Angʼana iyo neere ebhisuru korwera kare, amare ibheere, nehunyuuru,

1 Abhakorinto 13:2

Koru wiiki nengabheere neraruusi obhurööti na kumënya ebhebhisere bhyose na kubha no obhumënyi bhoose, koru nengabheere no obhokumi bho ghotora ghusaami ebheghoro, amare aribha ntighöötë obhosiighi, eni nteenyi egheghiro.

1 Abhakorinto 15:51

Mutëghëërërë, ˆnekabhabhoorera ekebhisere kubha, itu totaaghoku bhoose, amare bhoose ntoghwigharura.

1 Abhakorinto 2:14

Amare omooto uno ataanyi na Akörö e Ryobha, taaghosongʼaana ghano ghaakoru mo‑Körö e Ryobha. Ghokooche ghayo n‑gha ghitaraaho, wiiki taaghotora ghoghamënya, gho kubha ngakumënyu kwo bhotoorereri bho Körö e Ryobha.

1 Abhakorinto 2:7

Amangʼiini ghano tokuraghani n‑gha kebhisere ke Ryobha. Amangʼiini ghayo n‑obhorwachi bho Ryobha bhuno bhoore bhobhisuru mo‑bhaato. Eriibhagha Eryobha reere rekeere ghutëëma ase, ꞉ndyëëndiri kuhökëri amangʼiini ghayo, kubha retughöötani mo‑bhokumi bhooche obhokoro.

1 Abhakorinto 4:1

Abhaato bhatubhare kubha itu n‑abhatamishi bha Kirisito toonyi, ntuhaabhuru emeremo ghe kuraghani angʼana e Ryobha ino ere ebhisuru.

1 Abhakorinto 4:7

Ibheere, n‑niwe, uno aghuköriri kubha mokoro ghokera owonde? Taanyi Eryobha niryo rekoheere ebheghiro bhyose bhino onyi nabhyo? Aribha nuhaabhuru, ngwake okwihacha kinya bhuno tuhaabhuru?

Abhaebheeso 1:18

Kurëngʼaana na kubha Eryobha ndebhatooriri korimënya, neghusabha rebhatoori kumënya eriitëngʼërö rino ꞉moosongʼaaniri eriibhagha rino rebhabherekiire. Wiiki motore kumënya obhwame bho ghabho yaache kwo bhatööbhiyu,

Abhaebheeso 1:9

Iryo ndehikeriini ghaare reere kwënda gho nchëra e Yesu Kirisito. ꞉Ndiiköriri hangʼu gho kubha, nibhu ꞉reesiighiri retumënyi amangʼana ghaache ghano reere rebhisiri.

Abhaebheeso 5:32

N‑ghuköngʼu chwee kumënya ekebhisere kino. Amare eni neghosiikërëra ighoro e Kirisito ne eriikanisa reeche.

Abhaebheeso 6:19

Mubhe moransabhera na neeni kubha, Eryobha ribhe reraaha amangʼana gha ghosiikëra, hano neekubha neraraghani ighoro e Yesu Kirisito, kubha nibhe neraraghani kwo bhosubhesubhe obhuhëënë bhuno Eryobha rehunywire mo‑Ngʼana Anchömu.

Abhakorosaayi 2:2

Kino nekwënda n‑kubha, motooru omukörö na ghutëmëëranibhu mo‑bhosiighi. Nekwënda mubhönë obhumënyi bhoose bhuno bhokobhaha obhuhëënë. Hayo mokumënya ekebhisere ke Ryobha, nikyo Kirisito omwene.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

1 Timotewo 3:9

Amare, bhabhe abhaato bhano bhaghughöötërëra obhuhëënë bho bhokumi bhwito bhuno Eryobha retohunyuriire kwo motema omuchömu.

Yakobho 1:5

Amare uno aghosuuheru na amangʼiini, nakwëndëru arisabhe Eryobha naryo ndekomuha, gho kubha ndehaabhaha abhaato bhoose, kwo bhosiighi, koru iryo retaanyi na anyaanyi.

1 Yohana 2:20

Amare inyu, Omutööbhiyu Yesu nabhaheere Akörö yaache, ibheere inyu bhoose mweche obhuhëënë.

1 Yohana 2:27

Inyu motakongʼiinu, gho kubha Kirisito nabhaheere Akörö Ahörëëru, ino eghwikara moose yaanyu. Iyo niyo ekobheeghi ghoose, ameeghi ghaache n‑gha mahëënë, ghataanyi gha bhuröngö. Gho ghayo, teekwëndëru kubha omooto abheeghi. Kinya bhuure Akörö ebheeghiri, ibheere mwëndërërë kubha no obhumu na Kirisito.